airplanebooksbriefcase business cogs cross election entertainment fish house law lockmedicalpeopleselfservices socialtax

Teknikimut Avatangiisinullu Immikkoortortaqarfimmi illoqarfimmi pilersaarusiortumik Qeqqata Kommunia pissarsiorpoq

Sisimiuni pilersaarusiornermut immikkoortortatsinnut illoqarfimmik pilersaarusiortartumik nutaamik pissarsiorpugut. Atorfilittut kommuni attaveqaqatigiinnikkut, inuussutissarsiornermi takornariaqarnerullu iluani annertuumik ineriartortoq suliffigissavat. Sulineq nunaqarfitta arfiniliusut ilaanni pilersaarusisornernit annikitsuniit kommunimi illoqarfiit qitiusuni pilersaarutit imminnut attuumassutillinnut anginerusunut siammasissinnaavoq.
Qinnuteqarfissaq kingulleq:
25. februar 2020
Sumiiffik/Pisortaqarfik:
Sisimiut
Sivisussuseq:
Tamakkiisoq
Atorfininnermi ulloq:
Piaartumik isumaqatigiissuteqarnikkulluunniit
Akissarsiat:
Isumaqatigiissutit malillugit

Illoqarfimmi pilersaarusiortup suliassarai: 

Ulluinnarni illoqarfimmi pilersaarusiortup Pilersaarusiornermut pisortaq qaninnertut attaveqarfigissavaa, makkulu suliassaralugit:

·         Kommunip pilersaarusiorfigineqarnerani tapiliussanik suliaqarneq.

·         Inuussutissarsiornerup pilersaarusiortarnerullu ineriartortinneqarnerinut peqataaneq.

·         Kommunimi, Teknikkimut Avatangiisinullu Immikkoortortami ineriartortitsinermik suliniutinik suliaqarneq.

·         Ulluinnarni innuttaasunik, entreprenørinik Namminersorlutillu Oqartussanik oqaloqateqartarneq. 

·         Suliani siammasissumik suleqatinut isumasioqatigiiffiusumik tunniussaqarneq.

·         Politkkikkut ataatsimiititalianut oqaluuserisassanik suliaqarneq.

Piginnaasassat:

·         Ilinniakkamik attuumassutilimmik illussanik titartaasartutut, ingeniøritut allatulluunniit ilinniagaqartuusutit.

·         Kommunip pilersaarusioriaasianik aamma politikkikkut suliallit suleriaasiinik paasinnittarneq misilittagarisinnaavatit.

·         Illup avataanisulli illullu iluani suleqatigiinnermit oqaloqatigiinnermillu kajumissuseqartutit.

·         Anguniagaqarfinnut assigiinngitsunik sulianik ingerlatitseqqillaqqissuusutit

·         Sakkussanut nalinginnaasunut soorlu AutoCAD, aamma Adobe-pakki,  MapInfo allalluunniit GIS platforminut ilisimasaqartutit.

·         Isumagissaartuusutit inuillu assigiinngitsunik tunuliaqutaqartut avatangiiseralugit sulisinnaassallutit. 

·         Nutaanik pilersitsisinnaasutit, peqqissaartuusutit, ataqatigiissaarisinnaasutit suliamullu tunngasutigut tamat isiginnissuseqartutit

·         Arlalinnik oqaaseqartuusutit.

Teknikkimut Avatangiisinullu Immikkoortortaq pillugu

Teknikkimut Avatangiisinullu immikkoortortaq pilersaarusiornermut tunngasunut Teknikkimut Avatangiisinullu ataatsimiititaliamut, aningaasaqarnermullu ataatsimiititaliamut allattoqarfiuvoq. Teknikkimut Avatangiisinullu immikkoortortaq ullumikkut ingerlatsinermut avatangiisinullu, sanaartornermut, nunaminertanik Illuutinillu nakkutilliinermik, allatseqarfimmik kiisalu pilersaarusiornermut immikkoortortaqarpoq.

Pilersaarusiornermut immikkoortortamik tigusinerup kingorna maannakkut Teknikkimut Avatangiisinullu immikkoortortaq allannguuteqariartorpoq.  

Akissarsiaqartitaanermut atorfinitsitaanermilu atugasarititaasut 

Akissarsianut atorfinitsitaanermilu atugassarititaasut, matumani pequtinik assartuineq ilanngullugu, Naalakkersuisut pineqartullu isumaqatiginninniarsinnaatitaalluni kattuffiata akornanni isumaqatigiissutit atuuttut malillugit inissinneqassapput.

Qaammatini pingasuni misiligummik atorfinitsitsisoqassaaq.

Inissaqartitsisoqarsinnaavoq, malittarisassallu atuuttut naapertorlugit akiliuteqartoqartassalluni.

Piaartumik isumaqatigiissuteqarnikkulluunniit atorfinittoqassaaq.

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik, attaveqarfissanillu ilalik kingusinnerpaamik 25. februar 2020 nassiunneqareersimassaaq: 

Qeqqata Kommunia

Sulisoqarnermut Allaffeqarfik

Postboks 1014

3911 Sisimiut

E-mail: job@qeqqata.gl

Web: www.qeqqata.gl/job

Attavissaq:

Hans Ulrik Skifte

(+299) 86 74 50

haus@qeqqata.gl