airplanebooksbriefcase business cogs cross election entertainment fish house law lockmedicalpeopleselfservices socialtax

Meeqqanut Ilaqutariinnullu immikkoortortaq Isumaginninnermi siunnersortaanermik/immikkoortortami aqutsisumik pissarsiorpoq

SISIMIUT MISILIUK

Sisimiut illoqarfiuvoq pissanganartoq, qalipaatigissumik kultureqartoq nunataqartorlu kiisalu timersornermik peqatigiiffilerinermillu ingerlatsilluarfiusoq

Ilaqutariinnermut immikkoortortami sulisut suliatigut inuttullu ineriartorput immikkoortut arlallit ukkatarineqarlutik ingammik meeqqat inuusuttullu tungaatigut. Qeqqata Kommunia suleqatigiissitanik arfinilinnik pilersitsinikuuvoq taakku tamarmik meeqqanut inuusuttunullu immikkoortortamut ukkatarinnittuullutik, suleqatigiinnut akuusut tamarmik peqataaffigisaannik, tassanilu suliffiup avataaneersut iluaneersullu taakkua qanimut suleqatigineqarlutik. Taakkua saniatigut pilersaarummik suliaqartoqarpoq ”Qeqqata-model”-mik taaguutilik, taannali ilaqutariinnermut immikkoortortami sullissinermi model-iussaaq.
Qinnuteqarfissaq kingulleq:
19. februar 2020
Sumiiffik/Pisortaqarfik:
Sisimiut
Sivisussuseq:
Tamakkiisoq
Atorfininnermi ulloq:
1. marts 2020 isumaqatigiissuteqarnikkulluunniit
Akissarsiat:
Isumaqatigiissutit malillugit

Akisussaaffiit:  

Ilaqutariinnermut immikkoortortaqarfimmi, Meeqqanut Ilaqutariinnullu immikkoortortaq Isumaginninnermi siunnersortaanermik/immikkoortortami aqutsisumik pissarsiorpoq, pingaarnertut suliassaallutik ersarissumik aqutsisuuneq, inatsisit atuuttut naapertorlugu piukkunnaatilimmik Meeqqanut ilaqutariinnullu sullissineq.

 

Ilaqutariinnermut immikkoortortaqarfik 25-nik sulisoqarpoq, imatut agguataagaasut: Meeqqanut IIaqutariinnullu immikkoortortaq, Ikiorsiisarnermi immikkoortortaq, Allatseqarfik, Utoqqarnut immikkoortortaq kiisalu Innarluutilinnut immikkoortortaq.

 

Meeqqanut Ilaqutariinnullu immikkoortortaq qulingiluanik sulisoqarnissamut amerlassusiligaavoq, tassani isumaginninnermi siunnersortaaneq/immikkoortumi aqutsisoq ilanngullugu.

 

Meeqqanut Ilaqutariinnullu immikkoortortami pingaarnertut suliassat tassaapput, meeqqanik inuusuttunillu sunnertiasinnaasunut, atornerluinermi ajornartorsiutinut, pinaveersaartitsinermik suliniutinut, inersimasunik tapersersuisumik oqaloqatiginninnernut, siusissumik iliuuseqarnernut atatillugu isumaginninnernik suliniuteqarnerni sullissisunik aqutsineq ataqatigiissaarinerlu kiisalu ataatsimiititaliani ataatsimiinnernilu attuumassuteqartuni peqataaneq.

 

Akisussaaffiit

-          Meeqqanut Ilaqutariinnullu immikkoortortami aqutsisuuneq, matumani   

                              sullissisunut sulianik agguataarineq

-          Malittarisassat, inatsisit atuuttut kiisalu nakkutilliinermi nalunaarusianut

       atatillugu nakkutilliinermi aqutsisuuneq

-          Ilaqutariinnermut Isumaginninnermullu ataatsimiititamut suliat    

                             saqqummiussassat pitsaassusaanik qulakkeerineq

-          Qaammammut nalunaarutinik, siulittaasup nalunaarutaanik il.il.

           suliaqarneq

-          Sullissisut suleqatigalugit sulianik ingerlasunik qulakkeerineq

           malitseqartitsinerlu

-          Oqartussaassuseqarfiit assigiinngitsut suleqatigiit ataatsimiititaliaani

           allatsiuneq

-          Siusissukkut iliuuseqarnermi ernisussiortoq peqatigalugu aqutsisoqatigiinni

           ilaasortaaneq.

-          Ilaqutariinnermut kiffartuussivimmi innersuussat kiisalu katsorsaanerit pillugit

           ataatsimiinnerni peqataaneq

-          Isumaginninnermi pigaartuunissamut pilersaarummik aqutsineq

           pilersaarusiornerlu

-          Ineriartuutaasumik suliniutinut peqataaneq.

-          Ikiuigasuartussanut peqataaneq

-          Ilaqutariinnermut immikkoortortaqarfimmi aqutsisut ataatsimiinnerinut

           peqataaneq

 

 

Ilinniakkatigut piginnaasat

Atorfik Isumaginninnermi siunnersortitut ilinniarsimasumit, Isumaginninnermut tunngassuteqartunik ilinniaqqissimasuusinnaasumit inuttalerneqarsinnaavoq.

 

Naatsorsuutigaarput:

 

-          sulianut ilisimasaqarluartuusutit kiisalu immikkoortup iluani annertuumik

        misilittagaqartutit

-          immikkoortumi inatsisit atuuttut ilisimasaqarfigalugillu misilittagaqarfigigitit

-          kinguneqartitsisinnaassuseqartutit kiisalu artornarsinnaasunik    

           aalajangiisinnaassuseqartutit

-          pisuni ulapaarfiusuni eqqissisimasinnaasutit kiisalu tamat

           isiginnissinnaassuseqartutit

-          sullissillaqqittutit, paasissutissiinissamut attaveqaqatigiinnissamullu   

           piginnaasaqarluartutit-

-          ilakkuminartuusutit ammasuusutillu

-          suleqatikkuminartuusutit kiisalu kommunimi kommuninilu allani avataani

                             suleqatinik assigiinngitsunik suleqateqarsinnaasutit

-          suliat akimorlugit suleqatigiinnermi, illup iluani avataanilu,

                             ataqatigiissaarisinnaassuseqartutit

-          tamanik isiginnissinnaalluartuusutit aamma pisuni ulapaarfiusuni.

Akissarsiat atugassarititaasullu  

Ilinniarsimaneq aallaavigalugu isumaqatigiissutit naapertorlugit akissarsiaqartitsisoqassaaq, inissamillu innersuussisoqarsinnaalluni.

 

Piaartumik, isumaqatigiissuteqarnikkulluunniit atorfinitsitsisoqassaaq.

 

Atorfik pillugu paasissutissat annertunerusut pisortap tullianut Estella Buhrkall oqarasuaat: (+299) 86 74 31 mail; esbu@qeqqata.gl imaluunniit Ilaqutariinnermut pisortaq Kirsten Bødker oqarasuaat (+299) 86 74 17 mail; kirb@qeqqata.gl atorlugit pissarsiarineqarsinnaapput

 

Qinnuteqaat ilinniarsimanermut uppernarsaatit assilinerinik, oqaaseqaatinik, imminut ilisaritinnermik, attaveqarfissanillu ilalik kingusinnerpaamik ulloq 19. februar 2020.

Qinnuteqaat uunga nassiunneqassaaq:  

Qeqqata Kommunia
HR Afdeling
Postboks 1014
E-mail:
job@qeqqata.gl
Web:
www.qeqqata.gl

Attavissaq:

Estella Buhrkall

(+299) 86 74 31

esbu@qeqqata.gl