airplanebooksbriefcase business cogs cross election entertainment fish house law lockmedicalpeopleselfservices socialtax

Aqqutissiuussisoqarfimmi overassistenti Majoriaq Sisimiut

Ilinniartut ineqarfiinut allaffissornernik pingaarnertut suliaqartussamik aamma Majoriamut tamarmut naatsorsuuserisussamik, Sismiuni Majoriaq overassistentimik pissarsiorpoq.

Ilinniartut inaannut immikkoortortap ataani ilinniartunut inissiat 70-iupput. Ilinniartut inaannut immikkoortortaq ilinniartut inai pillugit allaffissornermik kiisalu aqqutissiuumisarfimmi allaffissornikkut suliassanik suliaqartarpoq.
Atorfik Sisimiuni Majoriami ilitsersuisarfimmi immikkoortortami aqutsisumut attaveqartuuvoq.
Ilinniartunut inissianik 70-inik ilaqartumik ilinniartut inaannut immikkoortortamut ingerlatsinissamut pisariaqartunik, malittarisassanik ineriartortitsinissaq malitsitsinissamullu innarligassaanani aammalu sungiussiasuullunilu, avatangiisini amerlasuunik kulturilimmiissinnaaneq iluaqutaassaaq. Marlunnik ajornanngippat kalaallisut qallunaatullu oqaaseqartuuneq iluaqutaassaaq.
Overassistentitut atorfik ineriartortinneqarpoq, takorluugaraarpullu allaffimmiumik Majoriami Ilinniartut inaannut immikkoortortami pissutsinik inatsisit atuuttut iluanni inerisaaqataasussamik atorfinititsisinnaassalluta.
Qinnuteqarfissaq kingulleq:
31. januar 2020
Sumiiffik/Pisortaqarfik:
Sisimiut
Sivisussuseq:
Tamakkiisoq
Atorfininnermi ulloq:
1. februar 2020 isumaqatigiissuteqarnikkulluunniit
Akissarsiat:
Isumaqatigiissutit malillugit

Overassistentitut ilaatigut makkua akisussaaffigissavatit: 

  • Ilinniartut ineqarfiisa tamarmik ingerlanneqarnerinut periutsinik pilersaarutinillu suliaqarneq
  • Inissiisarnermut ataatsimiititaliamut allatseqarfittut ingerlatsineq
  • Immikkoortortat tamarmik inerisaaqataaffigalugit
  • Ilinniartunik tikeraanillu inissiinerit allaffissornertailu
  • Matuersaatinut akisussaasoq
  • Ilinniartut ineqarfii pillugit ullut tamaasa naatsorsuutit/naligiissaarinerit
  • Ineqarfimmi siulersuisunut aqutsisuuneq
  • Pitsaaliuineq kiisalu sammisassanik pilersaarusiorneq
  • Suleqatigiinnik allanik inerisaaqataaneq suleqateqarnerlu.
  • Akiligassiissutit pillugit allaffissorneq kiisalu Majoriamiik akilikkat tamarmik nassiussuuteqqinneri
  • Qaammatikkaartumik ilinniartut akuerisaasut tulleriiaarnerisa allattorsimaffiata nutarterneqarnissaa
  • Qaammatikkaartumik ilinniartut pisartagaasa allattorsimaffiata nutarterneqarnissaa

Suliffeqarfimmi assingusinnaasumi atorfimmit assingusumiit misilittakkat iluaquterujussuussapput.

Aningaasarsiat atorfininnissamullu atugassarititaasut 

Akissarsiat atorfinitsitaanermilu atugassarititaasut atorfininnerup nalaani Naalakkersuisut aamma Sulinermik Inuussutissarsiuteqartut Kattuffiata Niuernermik Allaffissornermillu Suliallit pillugit isumaqatigiissutit atuuttut naapertorlugit aaqqinneqassapput.

 

Inissaqartitsineq Atorfimmut atatillugu malittarisassat sukkulluunniit atuutsinneqartut naapertorlugit sulisunut inissiamik pequsersorigaanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqartassapput. Atorfimmut atatillugu ini atorfeqarnermut tunngavoq atorfeqarnerullu taamaatinneqarnerani qimanneqassalluni.

Ineqarnermut akiliut aamma inissiap pitsaassusia nikerarsinnaapput inissiap qanga sananeqarsimanera, piginnittua il.il. apeqqutaallutik. Sulisutut ataavartumik initaarnissaq utaqqinarsinnaavoq, taamaammat utaqqiisaasumik inissiisoqarsinnaasarpoq, matumani aamma najugaqatigiiffiit minnerusut imaluunniit akunnittarfinni inissiat pineqarput, taakkulu akileraarusersorneqassallutik.

 

Atorfiniffissaq: 1.februar 2020 isumaqatigiissuteqarnikkulluunniit.

Meeqqanik pinerliisimanngineq atorfik una meeqqanik pinerliisimannginnermut uppernarsaammik pissarsiniartussaatitaaneq pillugu inatsimmut ilaatinneqarpoq. Inatsit naapertorlugu kommunip meeqqanik pinerlussimannginnermut uppernarsaatip tigunerata kingorna aatsaat atorfinittoqarsinnaavoq. Taamaattumik malugeqqussavarput kommune Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

Atorfik pillugu paasissutissat aqutsisumut Inûna Davidsen inud@qeqqata.gl imal. +299 86 71 50 saaffiginninnikkut pissarsiarineqarsinnaapput.

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik tigoreersimassavarput 31. Januar 2020.

Qinnuteqaat uunga nassiunneqassaaq: 

Qeqqata Kommunia

Sulisoqarnermut Allaffeqarfik

Postboks 1014

3911 Sisimiut

E-mail: job@qeqqata.gl

Web:www.qeqqata.gl/job

Attavissaq:

Inûna Davidsen

(+299) 86 71 50

inud@qeqqata.gl