airplanebooksbriefcase business cogs cross election entertainment fish house law lockmedicalpeopleselfservices socialtax

Majoriaq Sisimiut aqqutissiuinermi piginnaanngorsaanermilu Overassistentissarsiorpoq

Majoriaq Sisimiut overassistentissarsiorpoq pingaarnertut ilinniartut inaannik suliaqartussamik.
Ilinniartut inaannut immikkoortortap, ataani ilinniartunut inissiat 70-iupput. Ilinniartut inaannut immikkoortortap, ilinniartut inai pillugit allaffissorneq isumagisarpaa.
Atorfik Majoriami immikkoortortami aqutsisumut attaveqartassaaq.
Overassistentitut atorfik ineriartortinneqarpoq, aamma soorunalimi Majoriami ilinniartut ineqarfiinut tunngassutilinnik inerisaaqqissinnaasumik, aqutsisussamik atorfinitsitsisinnissarput takorluugaraarput.
Qinnuteqarfissaq kingulleq:
26. marts 2020
Sumiiffik/Pisortaqarfik:
Sisimiut
Sivisussuseq:
Tamakkiisoq
Atorfininnermi ulloq:
1. maj 2020 isumaqatigiissuteqarnikkulluunniit
Akissarsiat:
Isumaqatigiissutit malillugit

Atorfimmi suliassat ilaatigut makkuupput: 

  • Inissiisarnermut ataatsimiititaliamut allatsitut atuuffeqarneq

  • Ilinniartunik aammalu tikeraanik inissiinernut allaffissornerit.

  • Matuersaatinut akisussaasuuneq

  • Ilinniartut ineqarfii pillugit ullut tamaasa naatsorsuutit/naligiissaarinerit

  • Ineqarfimmi siulersuisunut ataqatigiissaarisuuneq

  • Akiligassiissutinik suliaqarneq

  • Qaammatikkaartumik ilinniartut akuerisaasut tulleriiaarnerisa allattorsimaffiata nutarterneqarnissaa

  • Qaammatikkaartumik ilinniartut pisartagaasa allattorsimaffiata nutarterneqarnissaa

  • Takkussuuttut

Suliffeqarfimmi assingusinnaasumi atorfimmit assingusumiit misilittakkat iluaquterujussuussapput.

Aningaasarsiat atorfininnissamullu atugassarititaasut 

Akissarsiat atorfinitsitaanermilu, atugassarititaasut atorfininnerup nalaani, Niuernermik Allaffissornermillu, Suliallit pillugit Sulinermik Inuussutissarsiuteqartut Kattuffiata, isumaqatigiissutai atuuttut naapertorlugit aaqqinneqassapput.

Atorfik 1. maj 2020-mi inuttalerneqarusuppoq isumaqatigiissuteqarnikkulluunniit.

Ineqarneq:

Atorfimmut atatillugu inimik innersuussisoqarsinnaanngilaq.

Meeqqanik pinerliisimannginnermut uppernarsaat:

Atorfik una meeqqanik pinerliisimannginnermut uppernarsaammik, pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu pinerlussimannginnermik allagartaq, kommunimit tiguneqarnerata kingorna, aatsaat atorfinittoqarsinnaavoq. Taamaattumik malugeqqussavarput, kommune Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

Atorfik pillugu paasissutissat aqutsisumut Inûna Davidsen inud@qeqqata.gl imal. +299 86 71 50 saaffiginninnikkut pissarsiarineqarsinnaapput.

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu imalik 2020-imi marsip 26-ani tigoreersimassavarput.

Qinnuteqaat uunga nassiunneqassaaq: 

Qeqqata Kommunia

Sulisoqarnermut Allaffeqarfik

Postboks 1014

3911 Sisimiut

E-mail: job@qeqqata.gl

Web: www.qeqqata.gl/job

Attavissaq:

Inûna Davidsen

(+299) 86 71 50

inud@qeqqata.gl