airplanebooksbriefcase business cogs cross election entertainment fish house law lockmedicalpeopleselfservices socialtax

ALLAGARSIUTEQQITAQ: Piffissap ilaani pinaveersaartitsisumik, piffissallu ilaani allaffimmi ikiortissamik Sarfannguani pissarsiorneq

Qeqqata Kommunia piffissap ilaani Pinaveersaartitsisussamik, piffissallu ilaani allaffimmi ikiortissamik pissarsiorpoq. Taamaalilluni atorfik piffissaq tamakkerlugu atorfiussaaq.
Pinaveersaartitsinermi allaffissornermilu akimortumik ataqatigiissitamillu suliniuteqarnissamik sulisup qulakkeerinnissa kissaatigaarput.
Qinnuteqarfissaq kingulleq:
27. april 2020
Sumiiffik/Pisortaqarfik:
Sarfannguit
Sivisussuseq:
Tamakkiisoq
Atorfininnermi ulloq:
Piaartumik Isumaqatigiissuteqarnikkulluunniit
Akissarsiat:
Isumaqatigiissutit malillugit

Suliassat akisussaaffiillu: 

 

  • Nunaqarfimmi akimortumik pinaveersaartitsiniarnermut ataqatigiissaarineq

  • Nunaqarfimmi pinaveersaartitsilluni sammisassaqartitsiniarnissamut pilersaarusiortarnermilu akisussaaqataaneq

  • Pisuussutinik pigeriikkanik ataqatigiissaarineq

  • Pinaveersaartitsiniutinik tigussaasunik aallarnisaaneq

  • Atuarfimmi Meeqqerivimmilu tigussaasunik paasisitsiniaanermut suliaqarneq

  • Pinaveersaartitsilluni sammisaqartitsinermut tunngatillugu peqatigiiffinnik suleqateqarneq

  • Inuit allattorsimaffiannut atatillugu suliassat

  • Ineqarnermut tapiissutinik qinnuteqaatit

  • Meeqqat tapiinik suliaqarneq

  • Erninermut atatillugu ullormusiat

  • Meeqqanut akilersuutissanik qinnuteqaatit

  • Meeqqerivinnut allatsinnerit

  • Eqqagassalerinermi sullinneqarnermut ilanngunniat / unititsiniallu

  • Kommunip karsia

  • Suliassat takkussuuttut nalinginnaasut

 

Piginnaasassat:

 

  • Suleqateqarluarsinnaasutit avatangiisinnillu sunniisinnaassuseqassasutit

  • Allaffissornerup pinaveersaartitsinerullu iluini misilittagaqarlutit

  • Akimortumik ataqatigiissaarisinnaasuusutit

  • Kulturimi marloqiusaasumik avatangiisilimmi anguniagaqartumik sulisinnaassuseqartutit

  • Ajornanngippat arlalinnik oqaaseqartuussasutit, kalaallisut qallunaatullu

Akissarsiat atorfininnermilu atugassarititaasut: 

Akissarsiat atorfeqartitaanermilu atugassarititaasut, Namminersorlutik Oqartussat kattufigisallu isumaqatigiinniarsinnaatitaasup akornanni isumaqatigiissutit atuuttut naapertorlugit pissapput.
Pinaveersaartitsisutut / allaffimmiutut atorfik Sarfannguani kommunip allaffiani atorfiuvoq, aaqissuussaanikkullu aqutsisup ataani inissisimalluni.

Piaartumik isumaqatigiissuteqarnikkulluunniit atorfinititsisoqassaaq.

Atorfik pillugu annertunerusumik paasissutissat saaffiginnissuteqarnikkut paasiniarneqarsinnaapput.
Qinnuteqaat ilinniarsimanermut uppernarsaatinik, imminut ilisaritinnermik oqaaseqaatinik attaveqarfissamillu ilalik kingusinnerpaamik 2020-imi apriilip 27-ani tigoriissavarput.

 

Qinnuteqaat uunga nassiunneqassaaq: 

 

Qeqqata Kommunia
Sulisoqarnermut Immikkoortortaq
Postboks 1014
3911 Sisimiut

E-mail: job@qeqqata.gl
Web: www.qeqqata.gl/job

Attavissaq:

Aron Olsen / Louisannguaq Rosing

(+299) 86 95 15 / 81 94 20

aron@qeqqata.gl / loro@qeqqata.gl