airplanebooksbriefcase business cogs cross election entertainment fish house law lockmedicalpeopleselfservices socialtax

Sisimiuni Ilinniartitaanermut immikkoortortaqarfimmut overassistenti

Sisimiuni Ilinniartitaanermut immikkoortortaqarfiup allatseqarfiani 2020-mi apriilip aallaqqaataanit imaluunniit piaartumik isumaqatigiissuteqarnikkut inuttaligassanngorlugu overassistentitut atorfik inuttassarsiuunneqarpoq.
Qinnuteqarfissaq kingulleq:
31. marts 2020
Sumiiffik/Pisortaqarfik:
Sisimiut
Sivisussuseq:
Tamakkiisoq
Atorfininnermi ulloq:
1. Maj 2020 isumaqatigiissuteqarnikkulluunniit
Akissarsiat:
Isumaqatigiissutit malillugit

Akisussaaffeqarfiit suliassaqarfiillu: 

·         Innuttaasunik sullissineq/ saaffiginnittarfimmi innuttaasunik tigooraaneq

·         Allakkat isertut anisussallu toqqorterinerlu

·         Akiligassiissutinik allattuineq

·         Angalasussanut pilersaarusiorneq

·         Nalinginnaasumik allaffissorneq

·         Atualertussanik nalunaarsuineq

·         Suliassat takkussuuttut.

Taakku saniatigut ukununnga piareersimaneq:

·         Meeqqerivinnut allaffeqarfimmut

·         Ataatsimiititialiamut allattaanissamut

Sisimiuni Ilinniartitaanermut immikkoortortaq arfineq-pingasunik sulisoqarpoq, tullinnguuttutigut agguataagaasunik:

Ilinniartitaanermut pisortaq, immikkoortortami aqutsisoq, allatseqarfimmi overassistentit marluk, Perorsaanermut siunnersorti ataaseq, Meeqqeriviit allaffeqarfiani pisortaq, Sunngiffimmi inspektøri, Timersornermut siunnersorti ataaseq.

Naatsorsuutigaarput:

·         Allaffissornikkut ilinniagaqarsimasuusutit

·         Aalajaatsuusutit suleqatiginnikkumasuusutillu

·         Sullissillaqqissuussutit

·         Kalaallisut qallunaatullu oqalussinnaallutillu allassinnaasutit, piumasaqaataanngilarli

·         Qarasaasiamik atuisinnaasuusutit

·         Suliassatigut eqaatsumik suleriaaseqartuusutit

·         Isumagissaartuusutit

Aningaasarsianut atorfininnermullu tunngasut: 

Akissarsiat atorfinitsitaanermilu atugassarititaasut atorfininnerup nalaani Naalakkersuisut SIK-llu akornanni isumaqatigiissutit atuuttut malillugit iluarsineqassapput.

Inissaqartitsisoqanngilaq.

Atorfik pillugu paasissutissat annertunerusut, immikkoortortami aqutsisumut Eva Jensen, oqarasuaat (+299) 86 73 90 imaluunniit e-mail: ejen@qeqqata.gl-imut saaffiginninnikkut pissarsiarineqarsinnaapput.

Qinnuteqaat ilinniarsimanermut uppernarsaatit assilinerinik, imminut ilisaritinnermik, oqaaseqaatinik attaveqarfissanillu ilaligaq 2020-mi martsip 31-ani tigoreersimassavarput.

Qinnuteqaat qarasaasiaq atorlugu uunga nassiunneqarsinnaavoq: 

Qeqqata Kommunia

Sulisoqarnermut Allaffeqarfik

Postboks 1014

3911 Sisimiut

E-mail: job@qeqqata.gl

Web: www.qeqqata.gl

Attavissaq:

Eva Jensen

(+299) 86 73 90

ejen@qeqqata.gl