airplanebooksbriefcase business cogs cross election entertainment fish house law lockmedicalpeopleselfservices socialtax

Sisimiuni perorsaasutut atorfiit

Qinnuteqarfissaq kingulleq:
24. april 2020
Sumiiffik/Pisortaqarfik:
Sisimiut
Sivisussuseq:
Tamakkiisumik
Atorfininnermi ulloq:
1. maj 2020
Akissarsiat:
Isumaqatigiissutit malillugit

Qeqqata Kommuniani Sisimiuni ulluunerani paaqqinnittarfinni perorsaasutut atorfiit inuttasarsiuunneqartut: 

 

 

Akuleriisillugu meeqqerivik Kanaartaq

  • Immikkoortortami aqutsisoq

  • Perorsaasoq

Meeqqanut 64-inut ukioqanngitsuniit arfinilinnik ukiulinnut, inini sisamani agguarsimasut. Paasissutissat pineqarsinnaapput:

Pisortaagallartoq Jacobine Jeremiassen-imut oqarasuaat: 86 66 14.

 

Meeraateqarfik Naalu

  • Immikkoortartami aqutsisoq

Meeqqanut 56-inut, ukioqanngitsuniit arfinilinnik ukiulinnut, inini sisamani agguarsimasut. Paasissutissat pineqarsinnaapput:

Pisortamut Lucia Nive Jeremiassen-imut oqarasuaat: 86 45 53.

 

Akuleriisillugu meeqqerivik Nuniaffik

  • Perorsaasoq

Meeqqanut 62-nut ukioqanngitsuniit arfinilinnik ukiulinnut, inini sisamani agguarsimasut. Paasissutissat pineqarsinnaapput:

Pisortamut Johanne Davidsen-imut oqarasuaat: 86 64 25.

 

Akuleriisillugu meeqqerivik Ungaannguaq

  • Perorsaasut marluk

Meeqqanut 44-nut ukioqanngitsuniit arfinilinnik ukiulinnut, inini pingasuni agguarsimasut. Paasissutissat pineqarsinnaapput:

Pisortamut Haldora Lennert-imut oqarasuaat: 86 53 07.

 

Meeraaqqerivik Nuka

  • Perorsaasoq

Meeqqanut 48-nut ukioqanngitsuniit pingasunik ukiulinnut, inini sisamani agguarsimasut. Paasissutissat pineqarsinnaapput:

Pisortamut Kristine Kruse-imut oqarasuaat 86 40 61.

 

Akuleriisillugu meeqqerivik Naja/Aleqa

  • Pisortaq

  • Perorsaasoq

Meeqqanut 44-nut ukioqanngitsuniit arfinilinnik ukiulinnut, inini pingasuni agguarsimasut. Paasissutissat pineqarsinnaapput:

Pisortaagallartoq Bolethe Marie Petersen oqarasuaat 86 42 93.

 

Meeraateqarfik Sisi

  • Perorsaasut marluk

Meeqqanut 52-nut, meeraaqqanut ataaseq affarlumiit pingasunut ukiulinnut inissat aqqaneq marluk.

Meeqqerivinni pingasuniit arfinilinnut ukiullit 40 – t inissaqarput, ininullu marlunut ukioqatigiikkaarlugit avinneqarsimallutik. Paasissutissat pineqarsinnaapput:

Pisortamut Justine Petersen-imut oqarasuaat 86 41 93.

 

Meeraateqarfik Uiaq

  • Immikkoortortami aqutsoq

Meeqqanut 64-inut meeraaqqanut affaleereernikuniit pingasunut ukiulinnut inissat 24-t, meeqqerivinni pingasuniit arfinilinnut ukiullit 40 – t inissaqarput, ininullu sisamanut ukioqatigiikkaarlugit avinneqarsimallutik. Paasissutissat pineqarsinnaapput: Pisortaamut Bia Berthelsen-imut oqarasuaat 38 20 85.

 


Suliassat akisussaaffiillu: 

Meeqqanut suli atualinngitsunut perorsaanikkut inerikkiartuutaasunik ulluunerani neqeroorutit pillugit Inatsisartut inatsisaat nr.16, 3. december 2012-imeersoq malinnaavigineqarnissaanut akisussaaqataassaatit, tamatumalu saniatigut Qeqqata Kommuniata nittartagaani nassuiarneqarnikuusut, Qeqqata Kommuniata politikkikkut takorluugaat, Meeqqanut Inuusuttunullu politikki, perorsaanikkut anguniakkat malillugit sulissallutit.

 

Piginnaasassat:

  • Perorsaasutut ilinniarsimasuusutit

  • Meeqqeriveqarnermi tunngasunut misilittagaqartuusutit

  • Susassaqaqatigit peqatigalugit sulisinnaasutit

 

Naatsorsuutigaarput:

  • Inatsisinik ilisimaarinnissasutit

  • Suliniutinut nutaanut ammasuusutit, suleqatikkuminartuusutit, saaffikkuminartuusutit nersuerpalaartuusutit akuersaarpalaartumik perorsaariarnermi isiginnittariaaseqartutit.

  • Aalajaatsuussasutit, akisussaassuseqarlutillu

 

Akissarsiat, atorfinitsitaanermilu atugassarititaasut

Akissarsiaqartitaaneq atorfinitsitaanerlu, akiliunneqarluni angalaneq pequtinillu assartuineq ilanngullugit, Kalaallit Nunaanni Namminersorlutik Oqartussat, kalaallit nunaanni kommunit aamma NPK akornanni isumaqatigiissutit malillugit pissapput.

Inissaqartitsisoqarsinnaavoq, malittarisassallu atuuttut naapertorlugit akiliuteqartoqartassalluni.

Atorfimmut atatillugu annerusumik paasiniaasinnaavutit Meeqqeriviit allaffiata pisortaanut Amos Frederiksen, oqarasuaat 86 74 02.

Maajip aallaqqaataani 2020 isumaqatigiissuteqarnikkulluunniit atorfinittoqassaaq.

Qinnuteqaat soraarummeersimanermik uppernarsaammik, imminut ilisaritinnermik, oqaaseqaatinik attavissanillu ilaligaq apriilip 24-iani 2020 tigoreersimassavarput.

 

 

Qinnuteqaat uunga nassiunneqassaaq: 

Qeqqata Kommunia
Sulisoqarnermut immikkoortortaq
Postbox 1014
3911 Sisimiut
E-mail: job@qeqqata.gl
Web: www.qeqqata.gl