airplanebooksbriefcase business cogs cross election entertainment fish house law lockmedicalpeopleselfservices socialtax

Sisimiuni Majoriaq-mi Ikorfartortimut suliniummi atorfik

Ikorfartortimut suliniummi inuit anguniagaqarfinniit assigiinngitsuneersut, suliffeqarfinni ilinniagaqarfinniluunniit ataannarnissaminnut ikorfartortimik pisariaqartitsisut, tapersersorneqarlutillu ilitsersuunneqarnissaat siunertaavoq.
Qinnuteqarfissaq kingulleq:
29. maj 2020
Sumiiffik/Pisortaqarfik:
Sisimiut
Sivisussuseq:
Tamakkiisoq
Atorfininnermi ulloq:
Piaartumik isumaqatigiinnikkulluunniit
Akissarsiat:
Isumaqatigiissutit malillugit

Suliassatit makkuussapput: 

Ikorfartuinerup ingerlanneqarnerani sutigut tamatigut oqaloqatiginninnerit pilersaarusiorlugillu naammassisarnissai.

Inuusuttunut 15-iniit 29-nut ukiulinnut suliniutini pilersaarusiorneq ingerlatsinerlu

Pisortat oqartussaqarfiini, atuarfinni allanilu isumaqatigiissutit malitseqartittarnissai.

Ikorfartortinik namminerlu piumassutsikkut ikorfartortinik tapersersuineq kiisalu ataatsimeeqatiginninneq - peqataasunut tamanut attaveqaatinik pilersitsineq

Anguniagaqarfiit pillugit databasinik ataavartumik nutarterisarnissaq.

 

Naatsersuutigaarput:

Suliniutinik suliaqarnermi misilittagalik

Ammasuullutillu saaffikkuminartuussasutit

Iliuuseqarnikkut pissuseqarnikkullu kajumissuseqartuussasutit

Maligassiuisoq, patajaassutsip ammanerullu aamma tungaatigut

Inoqatinnut soqutiginnissuseqarlutit, pisariqaraangallu misiginneqataanerit ikiuukkusussuseqarnerillu takutittarlugu

Ilusilersuillaqqissoq, ammasoq oqaluukkuminartoq 

 

Suliatigut piginnaasatit Naalakkersuisut aamma Atorfillit Kattuffiata AK-p akornanni sulisunut atorfeqarnermi isumaqatigiissutit sinaakkutaasa iluaniissapput, suliniutitigut suliaqarsimanerit inuunermilu misilittagaqarnerit, taamatullu aamma ilinniarnissamut inoqatinnillu ilinniartitsinissamut alapernaatsuunissat pingaartuuvoq.

Akissarsiat atorfinitsitaanermilu atugassarititaasut:  

Naalakkersuisut aamma Atorfillit Kattuffiata AK-p akornanni sulisunut atorfeqarnermi isumaqatigiissutit. Inissaqartitsisoqanngilaq.

 

Meeqqamik pinerliisimannginnermut uppernarsaat

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip meeqqanik pinerlussimannginnermut uppernarsaatip tigunerata kingorna aatsaat atorfinittoqarsinnaavoq. Taamaattumik naalagaaffiup politiivinit meeqqanik pinerliisimannginnermut uppernarsaammik naammaginartumik kommunimi pissarsisoqareerpat aatsaat atorfinittoqarsinnaasoq, erseqqissaatigineqassaaq.

Piumasarineqartutut naammaginartumik pinerlussimannginnermik uppernarsaammik, suliffeqarfimmut qinnuteqaammik meeqqanik pinerliisimannginermik uppernarsaammit Qeqqata Kommuunianiit pissarsisoqareerpat atorfinitsitineq pissaaq.

 

Piaartumik, isumaqatigiissuteqarnikkulluunniit atorfinitsitsisoqassaaq.

 

Atorfik pillugu paasissutissat annertunerusut, Majoriaq-mi suliniummik aqutsisumut Inûna Davidsen-imut saaffiginninnikkut pissarsiarineqarsinnaapput, oqarasuaat (+299) 86 71 50, e-mail: inud@qeqqata.gl

 

Qinnuteqaat ilinniarsimanermut uppernarsaatit assilinerinik, imminut ilisaritinnermik, oqaaseqaatinik attaveqarfissanillu ilaligaq 2020-mi maajip 29-iani tigoreersimassavagut.

Qinnuteqaat uunga nassiunneqassaaq:  

Qeqqata Kommunia
HR Afdeling
Postboks 1014

3911 Sisimiut
E-mail:
job@qeqqata.gl
Web:
www.qeqqata.gl

Attavissaq:

Inûna Davidsen

(+299) 86 71 50

inud@qeqqata.gl