airplanebooksbriefcase business cogs cross election entertainment fish house law lockmedicalpeopleselfservices socialtax

Sisimiuni Meeqqanut Ilaqutariinnullu Immikkoortortaqarfimmi Isumaginninnermi siunnersortit/sullissisut marluk

Qeqqata Kommunia Sisimiuni Meeqqanut Ilaqutariinnullu immikkoortortami isumaginninnikkut siunnersortinik/sullissisunik marlunnik pissarsiorpoq.
Qinnuteqarfissaq kingulleq:
6. maj 2020
Sumiiffik/Pisortaqarfik:
Sisimiut
Sivisussuseq:
Tamakkiisumik
Atorfininnermi ulloq:
1. juni 2020
Akissarsiat:
Isumaqatigiissut malillugu

Atugarissaarnermut Immikkoortortaq: 

Atugarissaarnermut immikkoortortaq 25-nik sulisoqarpoq, taakkunannga Meeqqanut Ilaqutariinnullu immikkoortortaq sulisunut Immikkoortortami aqutsisoq ilanngullugu qulingiluanut amerlassusiligaalluni. Ikiorsiisanermut-, Utoqqarnut aamma Innarluutilinnut immikkoortortaqarpoq kiisalu allatseqarfeqarluni.

Atugarissaarnermut immikkoortortami suleqataasut suliamikkut inuttullu ineriartorput, tassani immikkoortut arlallit ukkatarineqarlutik, pingaartumik meeqqanut inuusuttunullu tunngasut. Qeqqata Kommunia meeqqanut inuusuttunullu ukkatarinnittunik suleqatigiissitanik arfinilinnik pilersitsinikuuvoq, tassani suleqatigisat attuumassuteqartut tamarmik peqataallutik aammalu taakku illup iluani avataanilu qanittumik suleqatigiillutik. Aammattaaq Atugarissaarnermut immikkoortortami sullissinerup iluani atugassiaasussamik "Qeqqata Kommuniani najoqqutassiaq"-mik taaneqartumik pilersaarummik suliaqartoqarpoq.

Inissinneqarsimasut pillugit suleqatigiissitani isumaginninnermut siunnersortip pingaarnertut suliassaqarfigissavai inissiinnermi suliassat, siunnersuineq ilitsersuinerlu, inatsit atuuttoq naapertorlugu ikiorsiiniutinik aallartitsineq, iliuusissatut pilersaarusiorneq najuinissamullu isumaqatigiissusiorneq malitseqartitsinerlu, innersuussinerit misissuinerillu, suliat akimorlugit ataatsimiinnerni najuunneq, illup iluani avataanilu suleqatigisanik suleqateqarneq, Immikkoortortami sulianut avitseqatigiinneq, kiisalu suliassat takkussuuttut nalinginnaasut.

Naatsorsuutigaarput:                                  

  • Isumaginninnermi tunngasuni inatsisinik ilisimasaqartuusutit

  • Kommunimi suliassanik suliaqarnermik il.il. misilittagaqassasutit

  • Tunniussimasuullutillu tutsuiginartuusutit

  • Akuersaartumik isiginnittariaaseqartuusutit

  • Akimortumik suleqatigisanik kiisalu sulianik sullissisut ataatsimiittarnerinik misilittagaqartuusutit

 

Ilinniakkatigut piginnaasat:

  • Isumaginninnermi siunnersortitut arlaatigulluunniit isumaginninnermut attuumassuteqartumik ilinniarsimasuusutit

  • Marluinnik oqaaseqartuusutit

  • Oqaatsitigut allattariarsornikkullu piginnaasaqarluartuusutit

 

Inuttut pisinnaasat:

  • Sullissinermik sungiusimasaqartutit

  • Ilakkuminartuusutit

  • Suliamut tunniusimasuusutit aalajaatsuullutillu

  • Suleqatikkuminartuusutit

  • Tamanik isiginnissinnaalluartuusutit aamma pisuni ulapaarfiusuni

Akissarsiat atorfininnermilu atugassarititaasut: 

Akissarsiat atorfinitsitaanermilu atugassarititaasut isumaqatigissutit sulinermilu isumaqatigiissutit sukkulluunniit atuuttut naapertorlugit inissinneqassapput.

Inissaqartitsisoqarsinnaavoq, malittarisassat atuuttut malillugit ineqarnermut qaammammut akiliisoqartassalluni.

 

Atorfininnissaq piaartumik isumaqatigiissuteqarnikkulluunniit pissaaq.

 

Pineqaatissinneqarsimannginnermik uppernarsaat:

Atorfik una pineqaatissinneqarsimannginnermut allagartamik paasiniaanissamut inatsisitigut pisussaatitaavoq.  Inatsit naapertorlugu kommuni pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik erseqqissaatigineqassaaq ulloq atorfiniffissaq isumaqatigiissutaasinnaammat, kommunip pinerlussimannginnermik allagartaq politiinit tigoreernerata kingorna.

Atorfik pillugu paasissutissat sukumiinerusut Atugarissaarnermut pisortaagallartumut Estella Buhrkall, oqarasuaat (+299) 86 74 31 imaluunniit e-mail esbu@qeqqata.gl atorlugit saaffiginninnikkut pissarsiarineqarsinnaapput.

 

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik kingusinnerpaamik ulloq 6. maj 2020 tigoreersimassavarput.

 

 

 

Qinnuteqaat uunga nassiunneqassaaq: 

Qeqqata Kommunia
Sulisoqarnermut immikkoortortaq
Postbox 1014
3911 Sisimiut
E-mail: job@qeqqata.gl
Web: www.qeqqata.gl

Attavissaq:

Estella Buhrkall

esbu@qeqqata.gl

(+299) 86 74 31