airplanebooksbriefcase business cogs cross election entertainment fish house law lockmedicalpeopleselfservices socialtax

Perorsaasumik Maniitsumi Atualertussaasivik Aanikasik-mut

Maniitsumi Ilinniartitaanermut immikkoortortami Meeqqerivik atualertussaasivik 'Aanikasik' perorsaasussarsiorpoq.
Qinnuteqarfissaq kingulleq:
12. maj 2020
Sumiiffik/Pisortaqarfik:
Maniitsoq
Sivisussuseq:
Tamakkiisumik
Atorfininnermi ulloq:
1. juni 2020-mi imaluunniit isumaqatigiinnikkut
Akissarsiat:
Isumaqatigiissutit malillugit

Suliassat akisussaaffiillu 

Meeqqerivik meeqqanut sisamaniit arfinilinnut ukiulinnut 54-inut inissaqarpoq, ininut sisamanut agguataarneqarsimasuuvoq, sapaatillu akunneranut 40 tiimit suliffiulluni. Sulisut 14,25-it akuerisatut aalajangigaapput.

Suliassat akisussaaffiillu:

  • Meeqqanik piginnaasamikkut ineriartortunik killiffissiuineq
  • Angajoqqaanik suleqateqarneq, taamaalilluni perorsaanikkut tapertaassalluni piumasaqaatinullu atuutsitsissalluni
  • Meeqqerivimmut pitsaasumik ineriartortitseqataaneq

 

Piginnaasat naatsorsuutillu:

 

  • Perorsaasutut assigisaatulluunniit ilinniarsimanissaq
  • Pitsaassaaq sulilertussaq kalaallisut qallunaatullu oqaaseqaruni
  • Meeqqerivitsialaap suleriusaanik ingerlariaasaanillu ilisimasaqarluni
  • Aalajaatsumik suleriutsinullu atuutsitsisuussasoq
  • Akisussaassusermik pigisaqarneq, imminut suliaraluni qiviarsimasuulluni, akuersaartumillu meeqqanut sulisunullu suleriuseqarluni
  • Suleqatinit saaffikkuminartuussaaq
  • Sullisserusussuseqassaaq aammalu namminersorsinnaassuseqarluni

Akissarsiat atorfininnermilu atugassarititaasut 

Akissarsiat atorfeqarnermilu atugassarititaasut, tassunga ilaallutik atorfininnermi soraarnermilu angalaneq, NPK imaluunniit SIK isumaqatigiissutaat atuuttut malillugit aaqqinneqassapput.

Inissaqartitsisoqarsinnaavoq qinnuteqartumut perorsaasutut ilinniarsimasumut, inatsisit atuuttut malillugit qaammammut il. il. akilersorneqartussamik.

Inissaqartitsisoqanngilaq qinnuteqartumut socialhjælperitut ilinniagaqarsimasumut.

Pisortatigoortumik pillagaasimannginnerup allagartaa aammalu meeqqanut allagartaq naammaginartumik naammassisimagaanni atorfinitsinneqarneq pisarpoq, taakkua atorfinitsinneqartussamut neqeroorfigineqartumit akuersissummik pereernikkut sulisitsisumit Rigspolitinut piniarneqartarput. 

Atorfimmut sukumiinerusumik paasissutissat meeqqeriviup pisortaanut Malia L. Rosing-imut oqarasuaat (+299) 81 33 75/38 38 70, e-mail: aanikasikmaniitsoq@qeqqata.gl saaffiginninnikkut pineqarsinnaapput.

Qinnuteqaat, ilinniarsimanermut uppernarsaatit, CV, oqaaseqaatit, siusinnerusukkullu sulisimanermut uppernarsaatit ilanngullugit kingusinnerpaamik 12. maj 2020 tigoreersimassavarput.

 


Qinnuteqaat uunga nassiunneqassaaq: 

Qeqqata Kommunia
Sulisoqarnermut immikkoortortaq
Postbox 1014
3911 Sisimiut
E-mail: job@qeqqata.gl
Web: www.qeqqata.gl

Malia L. Rosing

(+299) 81 33 75/38 38 70

aanikasikmaniitsoq@qeqqata.gl