airplanebooksbriefcase business cogs cross election entertainment fish house law lockmedicalpeopleselfservices socialtax

Sisimiunut Atugarissaarnermut pisortaq

Qeqqata Kommuniani Sisimiuni Atugarissaarnermut immikkoortortami Atugarissaarnermut pisortatut atorfik 2020-mi juulip aallaqqaataani inuttassarsiuunneqarpoq.
Qinnuteqarfissaq kingulleq:
11. maj 2020
Sumiiffik/Pisortaqarfik:
Sisimiut
Sivisussuseq:
Tamakkiisumik
Atorfininnermi ulloq:
1. juli 2020
Akissarsiat:
Isumaqatigiissutit malillugit

Atorfinitsitaaneq sulinermilu isumaqatigiissutit 

Atorfik allaffissornikkut Sisimiuni inissisimavoq, Atugarissaarnermullu pisortaanerup ataani inissitaalluni. Sisimiuni kommunip allaffissuani sulisut 85-it missaaniipput, taakkunannga 25-t Atugarissaarnermut pisortap immikkoortortaaniillutik, makkuusuni: allatseqarfik, meeqqanut ilaqutariinnullu immikkoortortaqarfik, ikiorsiisarnermut immikkoortortaqarfik, utoqqarnut siusinaartumillu pensionisialinnut immikkoortortaqarfik aamma innarluutilinnut immikkoortortaqarfik.

Atugarissaarnermut immikkoortortap ataaani aamma illup avataani suliffinnik sisamanik peqarpoq, taakkualu pisortaat Atugarissaarnermut pisortamut imaqarniliortarput. Immikkoortortami katillugu 170-nik sulisoqarpoq, suleqatigiit pisortallu akornanni tunngaviusumik suliffimmi ilisimasat annertoqaat.  Atugarissaarnermut immikkoortortami missingersuutit tassaapput 120 mio. koruunit missaaniipput.

Maniitsumi Atugarissaarnermut Immikkoortortaq Atugarissaarnermut pisortaqarpoq suleqatigiligassannik.

Suliassat akisussaaffiillu kiisalu Atugarissaanermut pisortap suliassai pingaarnerit:

·         Sulisut eqqortumik sullissinermik  ilitsersorlugit, ilagalugu aalajangiinermi tunngvilersuinermi aalajangiinermilu aqqutissiuussineq.

·         Atugarissaarnermut ataatsimiititaliap, Aningaasaqarnermut ataatsimiititaliap Kommunalbestyrelsillu iluanni politikkikkut sullissineq

·         Immikkoortortami missingersuutinik aningaasaqarnermillu malitseqartitsinermik nakkutilliineq kiisalu missingersuutit aningaasaliissutitigut killiliussat iluiniinnissaat, sukangasuumillu aningaasaqarnermik aqutsinissap qulakkeernissaa. Qarasaasiakkut aningaasaqarnermut aaqqissuussisarfik nutaajusumut ilinniartinneqarneq pissaaq.

·         Allaffeqarfimmi sulisunut 25-nut taakkunanilu immikkoortortani pisortat sisamaasut toqqaannartumik Atugarissaarnermut pisortamut attuumassutillit suliffeqarfiillu illup avataaniittunut ataavartumik piginnaanngorsaanerit suliffimmilu atugarissaartitsinerit qularnaassallugit. 

·         Immikkoortortami inerisaanermi takorluukkat qanorlu periusissanik isumassarsiornermi suliaqarneq.

·         Sisimiuni Maniitsumilu Atugarissaarnermi immikkoortortani ataqatigiissaarineq.

·         Atugarissaarnermi immikkoortortami suliat pitsaassusaat qulaajarlugit, tassa suliat saqqummiussassat aamma pitsaassutsit pitsaassusaat.

·         Illup avataani suliffeqarfiit illersorsinnaasumik ingerlanneqarnerat aqunneqarnerallu qulakkiissallugu

·         Illoqarfiit immikkoortortallu akornanni akimorlugu suleqatigiinnermi suleqatigiilluarnermut sunneeqataaneq.

 

Piginnaasassat

Atugarissaarnermi pisortassarput ima piginnaasaqaruni iluaqutaassaaq:

·         Naleqquttunik ilinniagaqarsimasoq

·         Pisortatut misilittagalik aamma immikkoortortat iluanni

·         Aningaasanik aqutsisinnaanermut periuseqarluartoq

·         suleqatiginninnermut pikkorissoq suleqateqarnissamullu ujartuisoq pingaartitsisorlu, tassami Qeqqata Kommuniata akimorlugu suleqateqarsinnaaneq pingaartittorujussuummagu.

·         Kalaallit Nunaanni Isumaginninneq pillugu inatsit malillugu allaffissornikkut suliaqarnermi ilisimasalik

·         Suliffeqarfimmik politikkikkut aqunneqartumik misilittagaqarneq iluaqutaassaaq - aamma kommunip iluani

·         ataqatigiissaarilluarsinnaasoq, innuttaasut politikkillu akornanni ataqatigiisitsilersinnaanermut ilisimasalik.

·         sulisunik aqutsilluarsinnaasoq, suleqatigiinnermik kaammattuisoq, sulianillu ingerlatsinermi aqqutissiuillunilu agguataarilluarsinnaasoq

·         immikkoortortami takorluuisinnaasoq periuseqarluni anguniagaqarsinnasoq

·         attaveqallaqqisoq, sulisunik tamanik Maniitsumilu Atugarissaarnermut pisortamut attaveqaqateqarluarsinnasoq

·         Marluinnik oqaaseqartuunissat (kalaallisut/qallunaatut), kisianni piumasaqaataanngilaq

 

Ilinnut neqeroorutigisinnaasavut:

·         Suliffik pissanganartoq unamminartorlu, isumaginninnerup iluani siammasissumik suliffeqarfiusoq.

·         Kommuni atuilluartuunissamik qitiutitssoq immikkoortortallu iluani tamani peqqinnissamik pingaartitsisoq

·         Sisimiuni Maniitsumilu pisortat suleqatikkuminartut

·         Illup iluani avataanilu susassaqartut suleqatigalugit

 

Atugarissaarnermut pisortaq Atugarissaarnermut pisortaanermut attaveqartuussaaq kommunilu pisortaaqatigiinni ilaasortaalluni.


Akissarsiat atorfininnermilu atugassarititaasut 

Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, Namminersorlutik Oqartussat kattuffigisallu isumaqatiginninniarsinnaatitaasup akornanni isumaqatigiissutit atuuttut naapertorlugit pissapput.

Meeqqamik pinerliisimannginnermut uppernarsaat

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip meeqqanik pinerlussimannginnermut uppernarsaatip tigunerata kingorna aatsaat atorfinittoqarsinnaavoq. Taamaattumik naalagaaffiup politiivinit meeqqanik pinerliisimannginnermut uppernarsaammik naammaginartumik kommunimi pissarsisoqareerpat aatsaat atorfinittoqarsinnaasoq, erseqqissaatigineqassaaq.

Meeqqanik pinerliisimannginnermut uppernarsaammik aamma pinerlussimannginnermut uppernarsaammik Qeqqata Kommunianit pissarsiariniarneqartumik naammaginartumik peqartoq atorfinitsinneqassaaq.

Inissaqartitsisoqarsinnaavoq, malittarisassallu atuuttut naapertorlugit akiliuteqartoqartassalluni.

Piaartumik, isumaqatigiissuteqarnikkulluunniit atorfinitsitsisoqassaaq.

Atorfik pillugu paasissutissat sukumiinerusut Atugarissaarnermut Pisortaanermut Nike Berthelsen oqarasuaat (+299) 86 73 03, email: nike@qeqqata.gl saaffiginninnikkut pissarsiarineqarsinnaapput.

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik 2020-imi maj-ip 11-ani tigoreersimassavarput.


 

Qinnuteqaat uunga nassiunneqassaaq: 

Qinnuteqaat uunga nassiunneqassaaq:

Qeqqata Kommunia
Sulisoqarnermut immikkoortortaq
Postbox 1014
3911 Sisimiut
E-mail: job@qeqqata.gl
Web: www.qeqqata.gl

Nike Berthelsen

(+299) 86 73 03

nike@qeqqata.gl