airplanebooksbriefcase business cogs cross election entertainment fish house law lockmedicalpeopleselfservices socialtax

Maniitsumi Atugarissaarnermut immikkoortortaqarfiup allattoqarfia assistentissarsiorpoq

Qeqqata Kommuniani Maniitsumi Atugarissaarnermut immikkoortortaqarfimmi assistentitut atorfik inuttassarsiorneqarpoq.
Atugarissaarnermut Immikkoortortaqarfimmi allattoqarfik atorfinnut pingasunut aalajangigaavoq: Immikkoortortami aqutsisoq, overassistent assistent-ilu.
Qinnuteqarfissaq kingulleq:
15. juni 2020
Sumiiffik/Pisortaqarfik:
Maniitsoq
Sivisussuseq:
Tamakkiisoq
Atorfininnermi ulloq:
1. juli 2020 isumaqatigiinnikkulluunniit
Akissarsiat:
Isumaqatigiissutit malillugit

Suliassat akisussaaffiillu ukuupput:  

·         Allakkat isertut/anisullu nalunaarsorneri, scan-erlugit toqqorterneri, winformatik-imut journal-inut allattorneri, qaammatikkaartumik nalunaarsuinerit nalunaarutit/ernumaatit, Isumaginninnermut maalaartarfimmiit il.il.

·         Oqarasuaatikkut saaffiginnittunik tigooraaneq ingerlatitseqqiinerlu.

·         Journalskuffe-t allaffeqarfiup iluani sulianut kiisalu innuttaasunut ataasiakkaanut tunngasut iluarsaanneri, sag-it torersarneri, sag-inik toqqortuinerit, nalunaarsornerilu.

·         Winformatik-imi journal-it, sag-illu ataqatigiissaarneri

·         Suleqatigiit iluini paarlakaajaattumik suliaqartarneq, sulinngiffeqartoqartillugu suliat ingerlaannartuarnissaat qulakkeerneqartarpoq.

·         Allaffimmilu suliassat assigiinngitsut allat.

 

Piginnaassutsit:

• Allaffimmiutut assingusumilluunniit ilinniagaqarsimasuuvutit

• Akisussaassuseqartuuvutit

• Sullissillaqqissuuvutit

• Kalaallisut qallunaatullu allattariarsornikkut

  oqalunnikkullu pisinnaasaqarluartuuvutit

• Tamakkiisumik isiginneriaaseqartuuvutit

  aamma ulapiffiup nalaani

• Suliassanut tunngatillugu eqaatsumik suleriaaseqartuuvutit

• Qiimasuuvutit

 

Aningaasarsiat atorfininnermilu atugassarititaasut: 

Akissarsiat sulinermilu atugassarititaasut Kalaallit Nunaanni Namminersorlutik Oqartussat pineqartullu peqatigiiffiata isumaqatigiinniuteqarsinnaatitaasup akornanni isumaqatigiissut atuuttut naapertorlugit aaqqinneqassapput.

 

Atorfimmut atatillugu inissaqartitsisoqanngilaq.

 

Atorfinitsitsineq pissaaq 1. juli 2020 imaluunniit isumaqatigiinnikkut.

 

Atorfinnut sukumiinerusumik paasissutissat immikkoortortami aqutsisumut Anja K. Drastrup-imut oqarasuaat (+299) 81 78 71, e-mail: akdr@qeqqata.gl   imaluunniit pisortamut tullersortimut Andrea Karlsen-imut oqarasuaat (+299) 81 78 62, e-mail: anka@qeqqata.gl saaffiginninnikkut pineqarsinnaapput.

 

Qinnuteqaat soraarummeersimanernut uppernarsaatit assilinerinik, imminut ilisaritinnermik, CV, oqaaseqaatinik attuumassuteqarsinnaasunillu ilalerlugu tigoreersimassavarput ulloq 15. Juni 2020

 

Qinnuteqaat uunga nassiunneqassaaq: 

Qeqqata Kommunia

Sulisoqarnermut immikkoortortaq

Postbox 1014

3911 Sisimiut

E-mail: job@qeqqata.gl

Web: www.qeqqata.gl

Attavissaq:

Anja K. Drastrup / Andrea Karlsen

(+299) 81 78 71 / 81 78 62

akdr@qeqqata.gl / anka@qeqqata.gl