airplanebooksbriefcase business cogs cross election entertainment fish house law lockmedicalpeopleselfservices socialtax

Maniitsumut atuilluartuunermi siunnersorti

Maniitsumi Qeqqata Kommunianut Atuilluartuunermi siunnersortitut atorfik pissanganartoq suliniutinik aqutsinermut misilittagalimmik inuttassarsiuunneqarpoq

Atuilluartuunermi siunnersorti aaqqissuussani nikerarsinnaasuni kiisalu innuttaasunik sullissiviusumi, akimorlugit suliat kiisalu ataqatigiissumik sulinermik qulakkeerisinnaassasoq kissaatigaarput.

Atorfik allaffissornikkut Maniitsumi inissisimavoq Maniitsumilu Ineriartortitsinermut pisortap ataani inissisimalluni.
Qinnuteqarfissaq kingulleq:
16. juni 2020
Sumiiffik/Pisortaqarfik:
Maniitsoq
Sivisussuseq:
Tamakkiisoq
Atorfininnermi ulloq:
Piaartumik isumaqatigiinnikkulluunniit
Akissarsiat:
Isumaqatigiissutit malillugit

Suliassat akisussaaffiillu: 

         Aatsitassanut inuussutissarsiutinullu sulianik tunngasunut suliarinninneq

         Atuilluartuunermik suliniutinik aqutsineq ingerlatsinerlu

         Aaqqissuussaasumik pilersaarusiorneq aamma akimortumik atuilluartuunissakkut suliniutinik isumannaarinninneq

         Aqutsisoqatigiinnut aamma suleqatigiinnut kommunip pilersissimasaanut ’Inuunerissaarneq – Det gode liv’-imut peqataaneq, kiisalu Najukkami ataatsimiisitaliamut allattoqarneq

         Suliffiup iluani avataanilu attaveqaqatigiinnikkut suliassat ineriartortinnissai isumagalugit, atuilluartuunissakkullu eqqarsartariaatsip suleqatinut innuttaasunullu ingerlateqqinnissaa

         Suliffiup avataaniittunik  oqartussaasunik, kattuffinnik suliffeqarfinnillu aammalu pisortaqatigiinnik suliassatigut avitseqateqarsinnaanermik suliniutinik inerisaanernik / suleqateqarnernik isumaginninneq

         Pinartunut suliassanik peqataaneq (ad hoc)

 

Piginnaasassat:

         Suliassanut attuumassutilimmik ilinniagartuujuvutit allamilluunniit attuumassuteqartumik ingerlaqqiffiusumik ilinniagaqarputit aamma Kalaallit Nunaanni inuiaqatigiinni pissutsinut  ilisimasaqarputit

         Oqaatsitigut allattariarsornikkullu attaveqaqateqallaqqissuuvutit

         Tamanik takunnillaqqissuseqartuuvutit, suliassanik aallartitsisinnaassuseqarputit, iliuuseqallaqqissuuvutit sungiussiasuuvutillu

         Suleqateqarluarsinnaavutit, avatangiisinnillu sunniisinnaassuseqarlutit

         Inerisaanermut ineriartortitsinermullu suliniutit misilittagaqarfigaatit

         Kulturimi marloqiusaasumik avatangiisilimmi anguniagaqartumik sulisinnaassuseqartutit

         Arlalinnik oqaaseqartuuvutit, kalaallisut, qallunaatut tuluttullu

Akissarsiat atorfininnermilu atugassarititaasut: 

Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, Namminersorlutik Oqartussat kattuffigisallu isumaqatiginninniarsinnaatitaasup akornanni isumaqatigiissutit atuuttut naapertorlugit pissapput.

 

Inissamik innersuussisoqarsinnaavoq malittarisassat sukkulluunniit atuuttut malillugit akilerneqartussamik.

 

Piaartumik isumaqatigiissuteqarnikkulluunniit atorfinitsitsisoqassaaq              

Atorfik pillugu paasissutissat annertunerusut, Maniitsumi ineriartortitsinermut pisortamut Sofie Jessenimut, oqarasuaat (+299) 81 78 49-imut imaluunniit e-mail: soje@qeqqata.gl-imut saaffiginninnikkut pissarsiarineqarsinnaapput imaluunniit Sisimiuni Atorfillit pisortaat Hans Christian Sværdimut, oqarasuaat (+299) 86 73 02, e-mail: hcsv@qeqqata.gl

 

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik 2020-imi juuni 16-ani tigoreersimassavarput.

Qinnuteqaat uunga nassiunneqassaaq: 

Qeqqata Kommunia

Sulisoqarnermut allaffik

Postboks 1014

3911 Sisimiut

E-mail: job@qeqqata.gl

Web: www.qeqqata.gl/job

 

Pisortap sulisui pillugit

Qeqqata Kommuniani Pisortap sulisui tassaapput; pisortaanerup sulisuinut pisortaq 1, ineriartortitsinermut pisortaq 1, atuilluartuunissamut siunnersortit 5, attaveqaqatigiinnermut siunnersorti 1, pedel-ilu 1.

Attavissaq:

Sofie Jessen / Hans Christian Sværd

(+299) 81 78 49 / 86 73 02

soje@qeqqata.gl / hcsv@qeqqata.gl