airplanebooksbriefcase business cogs cross election entertainment fish house law lockmedicalpeopleselfservices socialtax

Vil du være en del af en folkeskole i udvikling? Qeqqata Kommunia søger lærere til skoleåret 2020/2021

Qeqqata Kommuniani meeqqat atuarfiat ukiuni kingullermi ineriartupiloorsimavoq. Ineriartorneq tamanna ingerlaannassaaq ukiuni tulliuttuni, ilinniartitsisussarsiorpugullu nikisitseqataarusuttunik.

Kalaallit Nunaanni kommuni siullerpaatut Qeqqata Kommuniata IT-kut ineriartorneq toqqarsimavaat iPads aqqutigalugu. 2014 aallartinnerani atuartut ilinniartitsisullu tamarmik iPads-inik tunisipput, atuartitsinermi angerlarsimaffinnilu atugassanik. iPads suliniutiginerisigut kommunip kissaatigivaa atuartitsinermi angusarisat pitsanngorsarniarlugit atuartunullu tamanut IT-kut piginnaasanik periarfissanik naligiinnerusunik pilersitsiniarluni, siunissami nunarsuarmioqataanissamut pisariaqartut assigalugit.

Taakkua saniatigut pilersinniarparput meeqqat atuarfiat ilinnialernissaminnut piareersimasunik pilersitsisoq. Taamaammat immikkut ukkapparput atuarfiup-angerlarsimaffiullu suleqatigiinnerata nukittorsarneqarnera, trinikkaarlugillu ikaarsaarnerit pitssaanerusut, meeqqat atuarfianiit atuarfimmut, aamma ilinniaqqinnernut.
Ineriartorneq tamanna akuuffigerusukkukku, taava Atuarfiup Kilaaseeqqami Maniitsumiittumi atorfiit ilaat qinnutigiuk.

Atuarfiup anguniagaqarfigai atuartoq aallaavigalugu ilinniartitseriaatsit aamma ingerlaavartumik naliliinerit, iPad aamma Ileqqut Pitsaasut arfineq marluk. Anguniagaqarfiusut tamarmik pikkorissarnerni sammineqartuaannarput, atuartitsinermilu atorneqartussaallutik.
Qinnuteqarfissaq kingulleq:
4. juni 2020
Sumiiffik/Pisortaqarfik:
Sisimiut / Maniitsoq
Sivisussuseq:
Tamakkiisoq
Atorfininnermi ulloq:
1. august 2020 isumaqatigiinnikkulluunniit
Akissarsiat:
Isumaqatigiissutit malillugit

Atuarfiit qinnuteqarfigisinnaasatit: 

Maniitsumi Atuarfik Kilaaseeraq immikkut isumaqatigiissuteqarneq tunngavigalugu 10-nik ilinniartitsisussarsiorpoq

 

Atuarfik Kilaaseeraq:

325 missaani atuartoqarpoq

46-nillu ilinniartitsisunik aalajangersimasunik atorfitalik

1.klasse-miit 10. klasse tikillugu 22-nut agguakkanut klasseqarpoq

Immikkut annertusisamik atuartinneqartartut klasse-t 5-pput.

 

Atuarfiup pisortaa Elna Heilmann sianerfigineqarsinnaavoq (+299) 813122 imaluunniit email: elna@kilaas.gl

 

Ilinniartitsisut marluk Nukarlerni: Tuluttut, Danskisut, Kalaallisut Matematik, Inuiaqatigiilerineq, Rel./ Fil. Assassornerissani, Klasselærer funktion. 

 

Ilinniartitsisut pingasut akullerni: Tuluttut, Danskisut, Inuiaqatigiilerineq, Rel. /Fil, Assassorneq Familie klassenilu ilinniartitsisut. Klasselærer funktion, Immikkut atuartitsineq.

 

Ilinniartitsisut marluk angajullerni: Kalaallisut, Tuluttut, Danskisut, Matematik,  Inuiaqatigiilerineq, Rel. /Fil, Assassorneq, Familie klassenilu ilinniartitsisut. Immikkut atuartitsineq.

 

Ilinniartitsisut pingasut Specialklasseni: Fagini tamani atuartitsisinnaasoq, immikkut annertusisamik atuartitsinermik ilinniarsimasoq.

 

Maniitsoq ukiuni kingulerni arlalippassuarni aalisarnikkut ingerlalluartuuvoq, tassani kommuni illoqarfimmik takujuminarsaanermik, inissianik sanaartornissanik suliaqartarsimalluni aammalu nutaamik eqqarsarnikkut meeqqeriveqarnikkut sunngiffimmilu sammisassatigut neqeroorutinik suliaqarluni.   Maniitsumi makkunuunatigut periarfissaqarluarpoq:

  • meeqqerivinni inissat akitigut appasissut
  • sunngiffimmi susassaqartitsinermut tunngasut
  • sunngiffimmi timersorneq, tassunga ilanngullugit ujakkaarluni sangusaarlunilu sisorarfissaqqissut
  • pinngortitamut pisuttuarneq angallammillu angalaarluni periarfissat pitsaasut

 

Atammip atuarfiani aqutsisussamik aamma ilinniartitsisumik pissarsiorpoq

 

Atammiup Atuarfia:

Nuup Maniitsullu akornanni Atammik inissisimavoq, imaatigut angallannikkut anguneqarsinnaasoq. Atammik 200-t angullugit inuttutigaaq, taakkunanngalu 25-t missaaniittut atuartuullutik. Klassinut pingasunut, immikkullu atuartitsinermut ataatsimut agguataagaallutik, atuarfinni 1. - 8. klassit atuartuupput. Atuartut 9. - 10. klassimi atuartussanngortillutik, Maniitsumi Qeqqata Kommunip atuartunut angerlarsimaffianut nuuttarput, Atuarfik Kilaaseeqqamilu atuartarlutik. Ilinniartitsisoqatigiit tassaapput ilinniartisisut sisamat, timelærerilu ataaseq, atuarfimmi aqutsisoq ilanngullugu.

 

Atuarfimmi aqutsisumik ilinniartitsisumillu pissarsiorpugut, fagini tamani akullerni angajullernilu ilinniartitsisinnaasunik, periarfissaqarluni atorfinitsitaaneq aningaasarsianut isumaqatigiissutinut atugassarititaasut annerusumik naapertorlugit, taamaattorlu tjenestemanditut atorfinissinnaaneq Kalaallit Nunaanni allamik tjenestemanditut atorfeqarsimagaanni toqqaannartumik nuunnissamut periarfissaqarpoq.

 

Nunaqarfimmi atuarfimmi ilinniartitsisut kiisalu Maniitsumi Atuarfik Kilaaseeqqami ilinniartitsisut peqatigalugit, ukiup ingerlanerani faginut tunngasunik pikkorissaanerit peqataavigineqartassapput.

 

Nunaqarfimmi atuarfimmi pissanganartumik ineriartortumi, kajumissaarisumik, tunniusimatitsillaqqissumik kiisalu ersarissumik perorsaanermik aqutsinermik upperisaqartumik pisariaqartitsivugut. Ilinniartitsisunik, angerlarsimaffinnik, sunngiffimmi immikkoortortamik, ingerlatsivimmik, pingaarnertullu meeqqanik suleqateqarluarnissamik pingaartitsisumik aqutsisumik pissarsiorpugut.

 

Atorfinitsitsinissat atorfinnut tamanut pissapput 1. august 2020.

 

Atorfiit pillugit paasisaqarnerorusukkuit paasiniaaffigisinnaavat atuarfimmi aqutsisuugallartoq Aaqa K. Sethsen sianerfigineqarsinnaavoq (+299) 81 85 33  imaluunniit e-mail: atammik@kilaas.gl

 

 

Aggustip aallaqqaataanit atorfinittussanik Sarfannguup Atuarfia ilinniartitsisunik marlunnik pissarsiorpoq.

 

Sarfannguup Atuarfia:

Nunaqarfiup atuarfiani atuartut qulit missaaniipput holdinut pingasunut avinnikuullutik, pingasut 8. klassimi atuartorlu ataaseq immikkut atuartitsivimmi.

Atuarfik ilinniartitsisunut sisamanut inissaqarpoq. Maannakkut ilinniartitsisut marluk atorfeqarput, aappaa ukiup atuarfiusup naanerani pensionertussaq, timelæreri ataaseq aalajangersimasumillu vikari ataaseq.

 

Ilinniartitsisunik ataatsimik marlunnilluunniit pissarsiorpugut faginut ukununnga: Alloriarfinni tamarmiusuni Qall.-Tulutt.- Mat. Ilaatigut tapertariisillugit nammineq toqqakkat, pinngortitalerineq, inuiaqatigiilerineq aamma inuttut ineriartorneq.  Atorfimmuttaaq klasselæreriusinnaaneq ilaavoq.

Inuusuttuaqqat meeqqat atuarfianit naammassigunik ilinniaqqinnissaminnut, suliffeqalernissaminnullu sakkussaqarluarnissaat angujumallugu, atuagarsornikkut nammineersinnaassuseqarnikkullu ineriartortinneqarnissaat atuarfiup immikkut anguniagaraa.

 

Sarfannguup Atuarfia nunaqarfiup atuarfigivaa angivallaanngitsoq assullu pingortitamut qanittoq, taamaalilluni nunaqarfiup eqqaani pinngortitami kusanartorsuarmik avatangiiseqarnissamut periarfissaqartitsilluartoq. Imaatigut angalarnikkut, pisunnikkut, qimussinilluunniit angalaarnikkut. Angallammik Sisimiunut angalaneq akunnerup ataatsip missaanaaniippoq.

 

Ilinniartitsisumik soqutigisalimmik, qungujunnartunik nuannarisalimmik, atuartunut atuartitsissutitigut inuuniarnikkullu tigusilluarsinnaasoq, suleqatigiinni suleqateqarluarsinnaasoq aammalu inuiaqatigiinni ikitsuni tamarmik imminnut ilisarisimasuni peqateqarsinnaasumik atorfissaqartitsivugut.

 

Atuarfiup kissataanut tulluaruit, taava atorfimmut qinnuteqarit, nunaqarfiullu eqqaani kusanarluinnartumik pinngortitaqarlunilu uumasoqarfiusumi puigunaatsumik misigisassarsillutit.

 

Atuarfiup pisortaa Daanialeeraq Møller oqarasuaatikkut (+299) 869510 imaluunniit e-mail: sarfannguit@atuarfiit gl-mut saaffigineqarsinnaavoq.

 

Minngortuunnguup Atuarfia ilinniartitsisunik sisamanik kiisalu nalinginnaasumik immikkut atuartitsivimmi siunnersortitut ilinniartitsisumik aggustip aallaqqqaataani 2020-imi sulilersinnaasunik pissarsiorpoq

 

Minngortuunnguup Atuarfia:

atuarfiuvoq marlunnik sammivilik nutaaliaq 420 miss. atuartulik (1. - 10. klassit kiisalu immikkut atuartitsiviit qulingiluat.

Atuarfik ilinniartitsisunik 53-inik sulisoqarsinnaavoq ineriartupiloortuullunilu.

 

Atuarfimmi immikkoortortakkaartumi suleqatigiinnermi pimoorussinerup ineriartortinnissaa qitiutitaraarput. Immikkoortortat ataasiakkaat atuartunut aamma sulisunut  sapinngisamik pitsaanerpaamik ilinniartinneqarnissaq atugaqartitsinissarlu aallaavigalugit ukiup atuarfiusup tamatigoornerusumik pilersaarusiornermut suleqatigiittarput.

Qaffasisumik ilisimasaqarneq atuartuutitsinnullu inooqataanikkut pimoorussineq ilisarnaatigaarput.

 

Ilinniartitsisoqatigiiuvugut ataqatigiilluartut immikkoortortani atuarfillu tamakkerlugu suleqatigiilluartut. Aqutsisut ersarinnerusut, anguniagassanillu ersaritsitsisut sulisunullu ataasiakkaanut piffissaqarfiginnittut.

 

Ukiuni aggersuni nalileeriaatsitta holdikkaaralunilu eqaatsumik iliniartitseriaatsinut illup iluani suleqatigiinnermik inerisaalluta suliaqarpugut.

 

Tamanik inissaqartitsinermik aammalu atuartunut ataasiakkaanut tapersersuineq anguniagaraarput. Atuartut pitsaanerpaamik aammalu ingerlariaqqinnissaannut angusaqarfiusumik atuartippagut.

Taamaammat angajoqqaanut atuartunullu pingaartumik Skoleintra atorlugu attaveqarneq annertusarnikuuarput, soorlu aamma peqanngittarnermi malitseqartitsineq sulisunit tamanit pissusissamisoortutut ingerlanneqartoq.

 

Aammattaaq perorsaanikkut sullissivik/-centeri pilersinnikuuarput, ilaatigut tassani atuartitsinermi IPadi atorlugu misilittakkat ilisimasallu ineriartorteqqinnissaat ukkataralutigu. Atuartut ilinniartitsisullu tamarmik IPadinik tunineqartarput, taakkulu aamma atuartitsinermi atorneqartarnerat pitsaasumik misilittagaqarfigilereerparput.

 

Misilittagarileriikkagut ukiuni aggersuni aamma suliniutigeqqissavagut, taamaalilluni IPad pissusissamisoortumik atuartitsinermi qitiussalluni. Taamaattorli isumalimmik atorfissaanuinnaq.

 

Nukarlerni ilinniartitsisumik ataatsimik pissarsiorpugut qallunaatut, upperisarsiorneq/filosofii, timersorneq/silamilu sammisaqarnermut atuartitsissutinik piginnaasalimmik. Taamatuttaaq 3. klassinut klasselæreriussaatit; soorluttaaq nammineq toqqakkani ineriartortitsinissamut soqutigisaqartuussasutit.

 

Akullernut ilinniartitsisunik pingasunik pissarsiorpugut, tassani nipilersornermut, qallunaatut, matematik, pinngortitalerineq timersorneq/silami sammisat, kalaallisut, upperisarsiorneq/filosofii atuartititsissutinilu allani atuartitsisuussallutik.

Taamatuttaaq 4. klassini klasselæreriusinnaaneq, ukiunilu atuartitsiffiusuni sisamani arlalinnik tapersersortitut akunnerit arlalinnut atuunneq.

Atuartitsisunik, nammineq toqqakanik ineriartortitseqqinnissamut sulerusussuseqartut aammaarluta kissaatigaagut.

 

Kingullertut nalinginnaasumik immikkut atuartitsivimmut atuarfinni siunnersortitut ilinniartitsisussamik pissarsiorpugut.

Ineriartuutaasumik immikkut atuartitsinermi atuarfimmi qitiussaatit, aammalu atuarfimmi, nunaqarfinni atuarfiit pingasuusut Kangerlussuaq, Sarfannguit aamma Itilleq ilanngullugit ilinniartitsisunut siunnersortaallutillu ataqatigiissaarisuussaatit. Tamatuma saniatigut atuarfimmit MISI-mut (PPR) attaveqaataassaatit aammalu ilinniartitsisoqatit atuartitseriusaannut nakkutiginnittuussallutit, taamaalillusi suleqatigiinnikkut atuartunut ataasiakkanut ikioqatigiissinnaassallusi. Immikkoortortatsinni Perorsaanikkut sullissivimmut/-centerimut aqutsisoq qanimut attaveqaatigissavat, tassanimi holdikkaaraluni atuartitsineq aammalu sivikinnerusumik sivisunerusumilluunniit tapersersorteqartitsinissamut pikkorissaanernullu attuumassuteqartut tassani immikkoortortamiimmata.

Saniatiguttaaq atorfimmut atasumik annikitsunik atuartitsinertaqassaaq.

 

Sisimiut Kalaallit Nunaanni illoqarfiit annersaasa aapparaat niuerniarnissamut kulturikkullu sammisassanik periarfissaqarluartoq. Illoqarfik qaasuitsup killeqarfiata avannaani pinngortitami kusanartumi, aasaanerani- aamma ukiuunerani pinngortitami sammisassatigut periarfissaqarluartumi inissisimavoq. Qaqqarpassuarni avatangiiserisatsinni kusanartunik pisulluni aqquteqarpoq, aalisarfissanik, angallatinik angalaffissanik, qajariarsorfissanik aammalu piniariartarfissanik periarfissaqarluni.

Ukiukkut samisassarpassuaqarpoq, soorlu ujakaarnernik, sangusaarnermik, snowboardernermik, sikukkut sukuutsernermik, qamuteralannernik qimussernernillu.

Aammattaaq nutaaliaasumik filmertarfeqarpugut, tusarnaartitsisarfik allarpassuillu, pinngortitatsinni kusanartumi sunngiffimmi sammisassarpassuaqarnikkut Sisimiut illoqarfianut nutaaliaanerulersitsisunik.

Sulisutut timersortarfiup timigissartarfianut kortimik akeqanngitsumik tunisissaatit.

 

Atuarfiup pisortaa attavigisinnaavat, Jesper Ryttov oqarasuaatikkut  (+299) 58 41 88 attavigineqarsinnaavoq

Email: jery@qeqqata.gl

 

Nittartagarput ma.gl-mi alakkarneqarsinnaavoq.

 

 

Aningaasarsiat atorfininnermilu atugassarititaasut: 

Aningaasarsiat suliffeqartitaanerlu, soorlu angalanermi nuunnermilu aningaasartuutit malittarisassat aammalu isumaqatigiissutit Kalaallit Nunaanni Inatsisartut ilinniartitsisullu kattuffiata IMAK-ip akornanni immikkut isumaqatigiissutit atuuttut naapertorlugit pissaaq (takuuk www.imak.gl). Atorfinitsitaaneq inissinneqassaaq minnerpaamik ukiunut pingasunut, periarfissaqarluni sivitsuinissamik, ukiut ataasiakkaarlugit.

 

Inissaqartitsineq

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il il akiliuteqartoqartassaaq.

Meeqqanik pinerliisimannginnermut uppernarsaat:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Taamaattumik naalagaaffiup politiivinit meeqqanik pinerliisimannginnermut uppernarsaammik naammaginartumik kommunimi pissarsisoqareerpat aatsaat atorfinittoqarsinnaasoq, erseqqissaatigineqassaaq.

 

Pinerlussimannginnermut uppernarsaat:

Atorfik una pinerlussimannginnermik allagartamik paasiniaanissamit inatsimmik pisussaatitaavoq.  Inatsit naapertorlugu poitiiniit pinerluuteqarsimannginnermut uppernarsaat kommunimit tiguneqareerpat, aatsaat atorfinittoqarsinnaavoq.  

 

Atorfinititsineq pissaaq 1. august 2020 imaluunniit isumaqatigiinnikkut.

Qinnuteqaatit ilinniarsimanermut uppernarsaatit pisariaqaritat, CV, sulisitsisukunit oqaaseqaatit, pillagaasimanerup / pillagaasimannginnerup allagartaa kiisalu inuit imminut tunngasunik oqaaseqarsinnaasut saaffigineqarsinnaasut allattorsimaffii ilanngullugit kingusinnerpaamik nassiunneqassapput ulloq 4. juni 2020 uunga: 

Sulisoqarnermut Allaffik

Postbox 1014

3911 Sisimiut

E-mail: jobs@qeqqata.gl

www.qeqqata.gl