airplanebooksbriefcase business cogs cross election entertainment fish house law lockmedicalpeopleselfservices socialtax

Allagarsiuteqqitaq - Maniitsumi Atuarfik Kilaaseeraq pisortassarsiorpoq

Maniitsumi Atuarfik Kilaaseeqqami atuarfiup pisortaatut atorfik pissanganartoq 1. august 2020-miit inuttaarutissaaq.
Qinnuteqarfissaq kingulleq:
29. juni 2020
Sumiiffik/Pisortaqarfik:
Maniitsoq
Sivisussuseq:
Tamakkiisoq
Atorfininnermi ulloq:
1. august 2020-miit isumaqatigiinnikkulluunniit
Akissarsiat:
Isumaqatigiissutit malillugit

Suliassat akisussaaffiillu: 

Suliassat

  • Sulisunik aqutsineq, sulisunik ineriartortitsineq, allaffissornerlu

  • Atuarfiup perorsaanikkut ilikkarnartumillu periuseqarneranik ineriartortitsinermut akisussaaneq

  • Atuarfik atuarfiup angerlarsimaffiullu akornanni pitsaasumik suleqatigiinnissaanik qulakkeerineq

  • Atuarfik Kilaaseeqqap nunaqarfinni atuarfinnut siunnersuinermik ilinniartitsinermillu suliaqarnissaata qulakkeerneqarnissaa

  • Missingersuutinik naatsorsuutinillu nakkutlliineq malitseqartitsinerlu

  • Atuarfik Kilaaseeqqap ataaniittunik illunik nakkutilliineq, aserfallatsaaliineq ilanngullugu

  • Atuarfiup siulersuisuinut kommunalbestyrelsimullu atuarfiup ingerlanneqarneranut akisussaasuuneq

     

Atuarfik Kilaaseeraq

Atuartut 325 missaaniipput, klassinut 21-nut 1. klassimiit 10. klassimut immikkullu klassinut tallimanut agguataagaallutik. Ilinniartitsisutut atorfiit 46-nut amerlassusiligaapput.

 

Sulianut tunngatillugu inuttullu piginnaasassat tullinnguuttut pingaartippagut

Ilinniartitsisutut ilinniarsimasuuvutit aqutsisutullu ilinniagaqartuusinnaallutit.

Unammillersinnaanissat aammalu ajornakusoortunik eqqortunillu aalajangiinissamut tatitussuseqarnissat pingaartuuvoq. Allattariarsornikkut oqalunnikkullu annertuumik attaveqarsinnaassuseqartutit. Pitsaasumik misissuisinnaanermik, aaqqissuussinermik ingerlariaatsinik piginnaasaqartutit takunnissinnaannermillu pilersitsisinnaassuseqartutit. Qanoq ilinikkut tusarnaarnissamut, unammillernissamut, suliakkiinissamut malinnaanissamullu maluginnissinnaassuseqartutit. Atuarfimmi immikkoortunut agguataagaasumi pitsaasumik attavimmik pilersitsisinnaasutit.

Suleqatiginnillaqqissuusutit qiimasuusutillu. Ammasuusutit aqutseriaatsikkullu ersarissuusutit.

 

Neqeroorutigisinnaavagut

  • Aasaanerani ukiuuneranilu asimiissinnaanermut periarfissaqarluarpugut, pisunnerit, sisuupiloornermik ujakkaarnermillu sisoqqannerit, snescoter kiisalu piniarnermik aalisarnermillu periarfissaqarluarluta

  • Najugaqarfiit akornanni ukioq naallugu angallanneq periarfissaqarpoq

  • Aqutsisutut piginnaanernik ineriartornissaq aamma atuarfimmi aqutsisut akornanni avitseqatigiinnissamut periarfissat pitsaasut

 

Qeqqata Kommuniani meeqqat atuarfii

Kalallit Nunanni kommunini siulliulluni, Qeqqata Kommunia iPad atorlugu qarasaasiaqarnikkut ineriartortsinissaq suliniutigissallugu aalajangernikuuvoq. 1. klassimiit tuluttut ilinniartitsinissaq ukkatarineqarpoq. Ilaatigut atuarfimmi siunnersortinik pingasunik atorfinitsitsinikkut, kommunimi inunnik isumaginninnermut siunnersortinik qanittumik suleqatigiinnermik atuutsitsilernikkut, atuarfiup angerlarsimaffiullu suleqatigiinnerisa nukittuujunissaat ukkatarineqarpoq. Illoqarfinni atuarfinni ilaqutariinnut klassinik pilersitsisoqarnikuuvoq. Tamakku saniatigut aqutsisut ersarissuunissaat, aqutsisullu ineriartornissaat ukkataralugu suliniuteqarfiunikuuvoq.

Ineriartortitsinermut tassunga peqataarusukkuit taava Atuarfik Kilaaseeqqami atuarfimmi pisortatut atorfik qinnuteqaatigiuk.

 

 

 

Akissarsiat atorfeqarnermilu atugassarititaasut 

Akissarsiat atorfinitsitaanermilu atugassarititaasut, matumani akiliunneqarluni angalasinnaatitaanerit pequtillu assartorneqarnissaat ilanngullugit, Naalakkersuisut aamma ilinniartitsisut kattuffiat IMAK-ip akornanni qaqugukkulluunniit isumaqatigiissutit atuuttut naapertorlugit inissinneqassapput. Naalakkersuisut aamma Kalaallit Nunaanni kommunini tjenestemænd-it naapertorlugit, atorfinitsitaaneq ukiuni aalajangersimasuni atorfinitsitaanermut immikkut pissutit naapertorlugit pissaaq. Atorfinitsitaanermi aammattaaq Naalakkersuisut IMAK-illu akornanni isumaqatigiissutit atuuttut imaluunniit Naalakkersuisut IMAK-illu akornanni akissaatinut isumaqatigiissutaat malinneqassapput.

Qaammatini aqqaneq-marlunnik atorfeqareernermi akiliunneqarluni angalatitsisoqarsinnaalissaaq.

 

Meeqqanik pinerliisimannginnermut uppernarsaat

Atorfiit meeqqanik pinerliisimannginnermut uppernarsaammik piumasaqaateqartussaatitaaneq pillugu, inatsit naapertorlugu uppernarsaammik piumasaqaateqarfiupput.  Inatsit naapertorlugu kommuni meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq.  Taamaattumik maluginiaqqussavarput kommuni Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

Meeqqanik pinerliisimannginnermut pineqaatissinneqarsimannginnermullu uppernarsaat Qeqqata Kommunianiit pissarsiarineqartussaq tunngavigalugu atorfinitsitsisoqassaaq.

 

Inissaqartitsisoqarsinnaavoq, malittarisassat atuuttut naapertorlugit akilersorneqartussamik. 

2020-imi augustip aallaqqaanit atorfinitsitsisoqassaaq imaluunniit isumaqatigiissuteqarnikkut.

Qinnuteqaat ilinniarsimanermut uppernarsaatit assilinerinik, imminut ilisaritinnermik, oqaaseqaatinik, attaveqarfissanillu ilalik kingusinnerpaamik ulloq 29. juni 2020-mi tigoreersimassavarput

 

Qinnuteqaat uunga nassiunneqassaaq: 

Qeqqata Kommunia

Sulisoqarnermut Immikkoortortaq

Postboks 1014

3911 Sisimiut

E-mail: job@qeqqata.gl

Web: www.qeqqata.gl/atorfik

Attavissaq:

Anna Heilmann

(+299) 81 78 68

annh@qeqqata.gl