airplanebooksbriefcase business cogs cross election entertainment fish house law lockmedicalpeopleselfservices socialtax

Sisimiuni Kangerlussuarmilu Katersugaavinnut Katersugaasivimmi sulisussamik

Sisimiuni Kangerlussuarmilu Katersugaavinnut 1 Juuli katersugaasivimmi inspektøritut atorfinittussamut ilinniagartuumik pissarsiorpoq.

Katersugaasiviup akisussaaffigivaa Qeqqata Kommunia, tassunga immikkut ilanngullugu Sisimiut, Sarfannguit, Itilleq aamma Kangerlussuup eqqaat, tassani katersugaasiviup suliassaralugu katersineq, nalunaarsuineq, iluarsaassineq, eriaginninneq, misissuineq, atortorissaarutitigut atortorissaarutitiguunngitsorlu kulturikkut eriagisassanik ingerlatitseqqiineq. Katersugaasiviup ukiuni kingullerni 4.500-ni nunatami kulturikkut pinngortitakkullu oqaluttuarsartaa suliaqarfigivaa.

Sisimiuni Kangerlussuarmilu Katersugaasiviit UNESCO-p Nunarsuarmioqatigiinnut kingornussassarititaa Aasivissuit - Nipisat ineriartortinneqarneranut suleqataavoq aammalu saqqummersitsinernik nutaanik aammalu ingerlatitseqqiinermik suliniutinik allanik ineriartortitsinermi pissanganartumik siunissamik ornigaqarpoq. Suliffeqarfik ulapaarfiuvoq, ilaatigut suliassanik suliniutinillu arlaqartunik - angiisuunik mikisunillu ataatsikkut ingerlanneqartunik ingerlatsiviulluni.
Qinnuteqarfissaq kingulleq:
15. juni 2020
Sumiiffik/Pisortaqarfik:
Sisimiut
Sivisussuseq:
Tamakkiisoq
Atorfininnermi ulloq:
1. juli 2020 isumaqatigiissuteqarnikkulluunniit
Akissarsiat:
Isumaqatigiissutit malillugit

Suliassaqarfik: 

Sapaatip akunneranut akunnerit 40-t suliffiusarput. Katersugaavisiup aaqqissuussaanut atatillugu atorfik aammattaaq unnukkut sapaatillu akunnerisa naanerini imaqarsinnaavoq. Suliffissaq pingaarneq tassaavoq Sisimiuni Katersugaasivik, kisianni katersugaasiviup Kangerlussuarmi immikkoortortaani piffissani sivikinnerusuni sulisarsinnaaneq naatsorsuutigineqassaaq.

 

Katersugaasivimmi inspektøri katersugaasiviup sulisuisa sinnerinik ulluinnarni sulinerni ilaasassaaq, ingammik makkunannga:

 

-          Katersugaasiviup atuarfinnut sullissinerata ineriartorteqqinnissaa aaqqissuunnissaalu

-          Katersugaasivimmi katersat nalunaarsorlugit paaralugillu

-          Sumiiffimmi suleqatinik suleqateqarneq

-          Suliat pillugit katersugaasiviullu suliai allat pillugit apeqqutinik akissuteqarneq

-          Saqqummersitanik ineriartortitsineq nivinngaassuinerlu

-          Oqaasiinnartigut allattariarsornikkullu ingerlatitseqqiineq

-          Katersugaasiviup pisortaata peqannginnerani pisortaagallarneq

-          Suliassat takkussuuttut assigiinngitsut

 

Piginnaasassat

Katersugaasivimmut attuumassuteqartup iluani ilinniagartuumik kanditatimik piginnaasalimmik atorfik inuttalerneqarusuppoq, tassunga ilaallutik atuarfinni ilinniartitsisut. Ilinniakkamut taarsiullugu misittagaq attuumassutilik atorneqarsinnaavoq. Atorfimmik inuttaliinermi makku pingaartinneqassapput:

 

-          Kalaallit Nunaanni kulturikkut pinngortitatigullu pissutsinut ilisimasaqarneq

-          Oqaatsitigut piginnaasaqarneq, ingammik kalaallisut tuluttullu

-          Naliliisarnermik, uppernarsaasarnermik ilisimasanillu avitseqateqarnermut misilittagaqarneq

-          Oqaasiinnakkut allattariarsornikkullu attaveqarluarsinnaaneq

 

-          IT-mut piginnaasaqarluartoq, ajornanngippat database-nut

-          Isumassarsillaqqinneq, anguniagaqallaqqinneq annertuumillu nammineersinnaassuseqarneq

-          Nukittuumik suleqateqallaqqinneq, aamma suliat akimorlugit

-          Sungiussiasuuneq alapernaannerlu - nutaanik ilinniagaqarnissamut piginnaasaqarneq

Akissarsiat atorfeqartitaanermilu atugassarititaasut: 

Atorfininnissaq pissaaq 1. juuli imaluunniit isumaqatigiissuteqarnikkut.

 

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunanaanni Namminersorlutik Oqartussat kattuffiullu isumaqatigiinniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

 

Qinnuteqaat

Katersugaasivik pillugu paasissutissat sukumiinerusut nittartakkami sisimiut.museum.gl atorlugu nassaarineqarsinnaapput. Atorfik pillugu paasissutissat sukumiinersut Katersugaasivimmi pisortaq Marie Bønløkke Missunu e-mail mabm@qeqqata.gl imaluunniit oqarasuaat +299 862550 atorlugit pissarsiarineqarsinnaapput.

 

Qinnuteqaat imminut ilisiartinnermik, ilinniarsimanermut pikkorissarnermilu uppernsarsaatinik, kiisalu uppernarsaatinik attuumassutilinnik ilaligaq kingusinnerpaamik 15. Juuni 2020 nassiunneqasssaaq.

Qinnuteqaat uunga nassiunneqassaaq: 

Qeqqata Kommunia

Sulisoqarnermut Immikkoortortaq

Postboks 1014

3911 Sisimiut

E-mail: job@qeqqata.gl

Web: www.qeqqata.gl/atorfik

Attavissaq:

Marie Bønløkke Missuno

(+299) 86 25 50

mabm@qeqqata.gl