airplanebooksbriefcase business cogs cross election entertainment fish house law lockmedicalpeopleselfservices socialtax

Sisimiuni Utoqqaat Angerlarsimaffiat QUPANUK puigortunngortut immikkoortortami aqutsisumik pissarsiorpoq

Immikkoortortami aqutsisutut sulerusuppit, utoqqarnillu sullissinissat nuannaraajuk kiisalu namminersorlutit sulisinnaallutit?
Sisimiuni Utoqqaat angerlarsimaffiat immikkoortortanut marlunnut agguataagaavoq: Paaqqutarinniffik puigortunngorsimasunullu immikkoortortaq, immikkoortortallu taakkua marluk tamarmik immikkut immikkoortortami aqutsisumit aqunneqarput:
- Paaqqutarinniffik najugaqartunut 22-nut inissaqartitsivoq ataaserlu qasuersaarfiulluni
- Puigortunngorsimasunut immikkoortortaq najugaqartunut 20-nut inissaqartitsivoq, immikkoortortarlu marlunnut avitaalluni, immikkut matoqqasumik eqqissisimatitaq aappalu ammasoq
Qinnuteqarfissaq kingulleq:
17. juli 2020
Sumiiffik/Pisortaqarfik:
Sisimiut
Sivisussuseq:
Tamakkiisoq
Atorfininnermi ulloq:
1. august 2020 isumaqatigiissuteqarnikkulluunniit
Akissarsiat:
Isumaqatigiissutit malillugit

Immikkoortortami aqutsisutut ineriartornissamut periarfissat pissanganartut: 

Utoqqaat angerlarsimaffianni inulerisuni immikkut ilinniarsimassuseq aallunneqarpoq, ukiormannalu sulisugut 14-it peqqissaanermut ikiortitut ilinnialersippagut Peqqissaanermik ilinniarfik Majoriaq-llu suleqatigalugit. Naatsorsuutigaarpullu januar 2021-mi naammassissasut.

Illup peqqissaasua peqatigalugu ilinniarsimassutsikkut siunnersoqatigiittarneq ingerlajuartuuvoq, tassanilu tungiuinermi pitsaassutsimik qulakkeerinninniarneq suleqatigiissutigineqarpoq.

Maannakkut najugaqartut tamarmik immikkut sullinneqarnissaannut qulakkeerinninnissamut sulianik ingerlatsileruttorpugut. Pissanganartunik aamma allanik siumut ineriartuutissanik aalingersakkanik suliaqaleruttorpugut.

 

Illit ilaatigut makku suliarisassavatit:

  • Najugaqartussat nutaat qanigisaasut suleqatigalugit tikilluaqqussallugit
  • Najugallit ilaqutaasalu akornanni ilisimatitsisarneq attaveqaataanerlu

  • Allaffissornikkut sulinermilu suliassanut akisussaaneq, aqutsisoqarnermi ilaatigut sulisoqarnermut akisussaaneq kiisalu missingersuutinut akisussaaneq
  • Paaqqutaqarneq isumassuinerlu, utoqqarnut suliassaqarfimmi siunertarineqartut, anguniakkat malittarisassallu suliarineqarsimasut qulakkeereqataaffiginissaat
  • Oqaloqatigiinnikkut toqqissisimanermik tatigeqatigiinnermillu pilersitsineq
  • Najugaqartup pisinnaasai nukittorsaavigissallugit, ataqqinnittumik suleriaaseqarlutit
  • Utoqqarnik isumassuinerup iluani ingerlanneqartut naapertorlugit peqataanikkut ineriartortitseqataaffiginissai
  • Pigaartunut pilersaarutit, sulinngiffeqarnissamut pilersaarutit aamma ukiumut pilersaarusiornerit
  • Suleqatitaanik ilinniartunillu ilisarititsineq
  • Nakorsaq utoqqaat angerlarsimaffianiitillugu nakorsiartitsineq
  • Pisortap tullersortilluunniit peqanngeriataarnissaanut akisussaaffimmik tigumminninneq
  • Qeqqata Kommuniata naleqartitaanik piviusuutitsineq

 

Naatsorsuutigaarput:

  • Peqqissaanerup tungaatigut ilinniagaqarsimanissat
  • Aqutsisutut misilittagaqaruit pitsaassaaq
  • Aalajaatsuusutit suliannullu akisussaassuseqartutit
  • Isumassatsialaateqassasutit ingerlatsisinnaassuseqassasutillu
  • Ajornanngippat marluinnik oqaaseqartuussasutit
  • Politikkimut tunngasuni aaqqissugaassusermi suliaqarnermik misilittagaqassasutit, matumani allanngorarfiujuartumi aaqqissuussaanermullu piumasaqaateqarfiusumi
  • Aqutsisutut ersarittutit sulianillu aallussillutit, inunnik allanik naapitaqarnermik nuannarisalik suliaqarfinni suleqatinut, innuttaasunut taakkulu qanigisaannut suleqatinullu akuersaartumik ammasumik akuliusimasutit
  • Utoqqarnut susassaqarfimmik nuannarinnillutillu soqutigisaqartutit
  • Allakkatigut oqaatsitigullu attaveqallaqqissuussasutit
  • Sammisassani tamani peqataasinnaasoq
  • Naleqqussarluarsinnaallutillu qiimasuusutit
  • Suliffimmi avatangiisinik pitsaasunik pilersitseqataasinnaasoq, suleqatinullu suleqatiginnilluarsinnaasoq

Neqeroorutigaarput: 

  • Ilitsersuut

  • Suliffimmi ineriartortumi akisussaaqataaneq sunniuteqaqataanerlu pingaartinneqartut

  • Sapaatip akunneranut suliffissat akunnerit 40-pput, ataasinngornermiit tallimanngornermut nal. 7.00 - 15.00

Pineqaatissinneqarsimannginnermik uppernarsaat:

Atorfik una pineqaatissinneqarsimannginnermut allagartamik paasiniaanissamut inatsisitigut pisussaatitaavoq.  Inatsit naapertorlugu kommuni pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik erseqqissaatigineqassaaq ulloq atorfiniffissaq isumaqatigiissutaasinnaammat, kommunip pinerlussimannginnermik allagartaq politiinit tigoreernerata kingorna.

 

Akissarsiat atorfeqartitaanermilu atugassarititaasut:

Akissarsiat sulinermilu atugassarititaasut Kalaallit Nunaanni Namminersornerullutik Oqartussat pineqartullu peqatigiiffiata isumaqatigiinniuteqarsinnaatitaasup akornanni isumaqatigiissut atuuttut naapertorlugit aaqqinneqassapput.

 

Qaammatini pingasuni misiligummik atorfinitsitsisoqassaaq.

 

Inissaqartitsisoqarsinnaavoq, malittarisassat atuuttut malillugit ineqarnermut qaammammut akiliisoqartassalluni.

 

Atorfiniffissaq: 1. august 2020 isumaqatigiissuteqarnikkulluunniit.

 

Atorfinnut sukumiinerusumik paasissutissat Utoqqaat Angerlarsimaffiani pisortaasumut Peter Mattaaq oqarasuaat: (+299) 86 73 50-mut, email: pema@qeqqata.gl –imut saaffiginninnikkut pissarsiarineqarsinnaapput.

 

Qinnuteqaat ilinniarsimanermut uppernarsaatinik, imminut ilisaritinnermik oqaaseqaatinnillu ilaligaq kingusinnerpaamik 17. juli 2020 nassiunneqarsimassaaq.

 

 

Qinnuteqaat uunga nassiunneqassaaq: 

Qeqqata Kommunia
Sulisoqarnermut immikkoortortaq
Postbox 1014
3911 Sisimiut
E-mail: job@qeqqata.gl
Web: www.qeqqata.gl