airplanebooksbriefcase business cogs cross election entertainment fish house law lockmedicalpeopleselfservices socialtax

Maniitsumi sanaartornermut suleqataasoq

Maniitsoq ineriartupiloorpoq, ukiunilu qaninnerni sanaartornerit amerliartulersimapput. Taamaammat Maniitsumi sulisugut amerliartortillugit Teknikkimut Avatangiisinullu Sanaartornermut suleqataasussamik suleqatissarsiorpugut. Sanaartornermut suleqataasutut periarfissinneqassaatit annertuunik sanaartornermi peqataasinnaanissannut, soorlu aqqusinniorneq, sanaartorfissagissaaneq, illoqarfiup ilassutissaanik nutaamik pilersaarusiornermi peqataaneq allarpassuillu.

Atorfik Maniitsumi Teknikkeqarnermut Avatangiisinullu pisortap ataani Teknikkeqarnermut Avatangiisinullu immikkoortortami inissisimavoq.

Teknikkeqarnermut Avatangiisinullu Immikkoortortaq Maniitsumi arfinilinnik sulisoqarpoq.
Qinnuteqarfissaq kingulleq:
1. juli 2020
Sumiiffik/Pisortaqarfik:
Maniitsoq
Sivisussuseq:
Tamakkiisoq
Atorfininnermi ulloq:
Piaartumik isumaqatigiinnikkulluunniit
Akissarsiat:
Isumaqatigiissutit malillugit

Suliassat akisussaaffiillu: 

       Sanaartornermut suleqataasoq pilersaarusiornermut isumagineqarnissaanullu, kiisalu immikkoortortami missingersuutinik aqutsinermik sanaartugassanillu tamanik akisussaasuuvoq.

Sanaartornermut pilersaarusiornermiit kommunip sanaartugassaataanik tunniussinissamik ingerlatsineq.

Kommunip sanaartugassaataanik annikinnernik siunnersuutinik suliaqarnermiit naammassinninnermut.

Sanaartukkanik nakkutilliineq sanaartornermilu aqutsisuuneq.

Kommunip journalinut toqqorterinermullu systemianut naapertuuttumik sanaartornermi allattorsimasunik toqqorterineq.

Immikkoortortami suleqataasut allat suleqatigalugit Teknikkeqarnermut Avatangiisinullu immikkoortortami suliassat takkussuuttut nalinginnaasut.

 

Piginnaasassat:

       Teknikkimut attuumassutilimmik ilinniarsimassasutit – illussanik titartaasartoq, ingeniøri imaluunniit bygningskonstruktøri allanilluunniit attuumassuteqartunik.

Atuisut, eqimattat kissaataat, sanaartortitsisullu suliassaannik ataqatigiissaarinissamik misilittagaqartutit.

Pisortat aamma/imaluunniit namminersortut sanaartortitsinerinik annerusunik nakkutilliinermik misilittagaqarluartutit.

Oqaatsitigut allattariarsornikkullu attaveqaqateqallaqqissasutit.

Nammineersinnaassuseqartutit.

Piumassuseqassasutit, ulapaarfinnilu eqqissisimasumik sulisinnaassasutit.

Marluinnik oqaaseqartuusutit, kalaallisut/qallunaatut – tamannali piumasaqaataanngilaq.

Suleqatitit, aqutsisut, politikerillu kiisalu illup avataani suleqatit suleqatigisinnaassagitit.

Aaqqissuussaasumik suleriaaseqartutit, misissueqqissaarisinnaassuseqartutit kiisalu paasinartumik ersarissumillu saqqummiisinnaasutit.

Ammasuusutit, qiimasuusutit, qiimmisaarnermillu nuannarisaqarlutik persuarsiorpalaartuunngitsutit.

Atorfinitsitaanermi atugassarititaasut: 

Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, Namminersorlutik Oqartussat kattuffigisallu isumaqatiginninniarsinnaatitaasup akornanni isumaqatigiissutit atuuttut naapertorlugit inissinneqassapput. Isumaqatigiissutitigut piumasaqaataasut naapertorlugit atorfinitsitsisoqassaaq.

 

Inissaqartitsisoqarsinnaavoq, taannalu malittarisassat atuuttut naapertorlugit akilersorneqassalluni.

 

Piaartumik isumaqatigissuteqarnikkulluunniit atorfinitsitsisoqassaaq.

 

Atorfik pillugu annertunerusumik paasisaqarusukkuit, Maniitsumi Teknikkeqarnermut Avatangiisinullu Immikkoortortami pisortamut Ulrik Lyberth-mut, oqarasuaat +299 81 78 40 mail: ully@qeqqata.gl-imut attaveqarnissannut tikilluaqqusaavutit.

 

Qinnuteqaat

Qinnuteqaat soraarummeersimanermik uppernarsaatinik, imminut ilisaritinnermik, oqaaseqaatinik attavigineqarsinnaasunillu ilaqartinneqartoq, kingusinnerpaamik 2020-imi juulip 1-ani nassiunneqassaaq.

Qinnuteqaat uunga nassiunneqassaaq: 

Qeqqata Kommunia

Sulisoqarnermut allaffik

Postboks 1014

3911 Sisimiut

E-mail: job@qeqqata.gl

Web: www.qeqqata.gl/job

 

Attavissaq:

Ulrik Lyberth

(+299) 81 78 40

ully@qeqqata.gl