airplanebooksbriefcase business cogs cross election entertainment fish house law lockmedicalpeopleselfservices socialtax

Maniitsumi Atugarissaarnermut immikkoortortaqarfik Pillorissaasunik pissarsiorpoq

Pillorissaasutut ilinniagaqaruit, suliffimmilu tamatigoortumik pissanganartunillu sulinissannut soqutiginnilluarlutit, taava immaqa Maniitsumi Atugarissaarnermut immikkoortoqarfimmi pillorissaasutut atorfik inuttassarsiuunneqartoq ilinnut naleqqussimassaaq.
Qinnuteqarfissaq kingulleq:
10. juli 2020
Sumiiffik/Pisortaqarfik:
Maniitsoq
Sivisussuseq:
Tamakkiisoq
Atorfininnermi ulloq:
1. august 2020
Akissarsiat:
Isumaqatigiissutit malillugit

Suliat akisussaaffiillu: 

Pillorissaasup suliassai:

 

  • Suliatigut misissuinerit naliliisarnerillu, matumani ICF-imik COPM-imillu atuineq ilanngullugu
  • Ulluinnarni piginnaanngorsaqqiineq
  • Ataavartitsisussamik sungiusarneq, ataasiakkaarinikkut holdikaartumillu
  • Ikiuutinik pisiniarnerit, tunniussineq kiisalu ikiuutinik sungiusaaneq/ilitsersuineq
  • Uppernarsaasiineq
  • Akimortumik suleqatigiinneq
  • Ilinniartitsisunik, ilaqutaasunik aammalu akimortumik suleqatigiinnik ataatsimeeqateqartarneq

Pingaartipparput:

 

  • Innarluutilinnut meeqqanullu tunngasunut soqutigisaqarluartuusutit
  • Meeqqat tungaatigut ilisimasaqarluartutit, ajornanngippat ulluinnarni piginnaanngorsaaqqiinermik misilittagaqarsimasuusutit
  • Misissueriaatsinut nalilersueriaatsinullu attuumassuteqartunut misilittagaqartuusutit
  • Namminersorlutit suliaqarsinnaasutit, suliffissannillu ilusilersuisinnaallutit pilersaarusiorsinnaassasutit. (Nammineq aaqqissuussisinnaaneq)
  • Akimortumik sulialinnik suleqateqartarnermik ilisimasaqarluartutit
  • Ulluinnarni ulapaarfiusuni isiginnissuseqarluarsinnaasutit
  • Isumassarsiullaqqissuusutit, iliuuseqarusussuseqartoq suliatigullu inissilluarsimasutit
    • Kulturini assigiinngitsuniissinnaasutit
    • tamatigoortuusutit, pissutsinilu allanngorartuartumi allannguinissamut piareersimasuusutit
    • Suleqateqarsinnaassasutit, ammasuusutit, inissaqartitsisuullutillu
    • Ingerlatitseqqiilluarsinnaasutit -  suleqatigiinnullu allanut ilinniartitsilluarsinnaallutik

Neqeroorutigaagut:

 

  • Sunneeqataasinnaaneq, ulluinnarnilu suliassannut nammineq pilersaarusiorsinnaaneq
  • Immikkoortumi immikkut ilisimasaqarfiusumi suliatigut ikioqatigiinneq
  • Suleqatit nuannersut

Akissarsiat atorfininnermilu atugassarititaasut: 

Aningaasarsiat suliffeqartitaanerlu, isumaqatigiissutit Naalakkersuisut PPK-llu akornanni isumaqatigiissutit atuuttut naapertorlugit pissaaq.

 

Meeqqanik pinerliisimannginnermut uppernarsaat:

Atorfiit meeqqanik pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiupput. Inatsit naapertorlugu kommuni meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik maluginiaqqussavarput kommuni Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

Meeqqanik pinerliisimannginnermut pineqaatissinneqarsimannginnermullu uppernarsaat Qeqqata Kommunianiit pissarsiarineqartussaq tunngavigalugu atorfinitsitsisoqassaaq.

 

Inissaqartitsisoqarsinnaanngilaq.

 

Atorfinitsitsineq pissaaq 1. august 2020 imaluunniit isumaqatigiinnikkut.

 

Atorfik pillugu paasissutissat sukumiinerusut Atugarissaarnermut pisortamut Bertha Dalager-imut, oqarasuaat +299 81 78 53, email: beda@qeqqata.gl imaluunniit immikkoortortami aqutsisumut Louise Kristiansen-imut, oqarasuaat +299 81 78 58, email: louk@qeqqata.gl saaffiginninnikkut pissarsiarineqarsinnaapput.

 

Qinnuteqaat soraarummeersimanernut uppernarsaatit assilinerinik, imminut ilisaritinnermik, CV, oqaaseqaatinik attuumassuteqarsinnaasunillu ilalerlugu tigoreersimassavarput Juli-p 7-ani 2020.

 

 

Qinnuteqaat uunga nassiunneqassaaq: 

Qeqqata Kommunia
Sulisoqarnermut immikkoortortaq
Postbox 1014
3911 Sisimiut
E-mail: job@qeqqata.gl
Web: www.qeqqata.gl