airplanebooksbriefcase business cogs cross election entertainment fish house law lockmedicalpeopleselfservices socialtax

Maniitsumi Atugarissaarnermut Immikkoortortaqarfimmi siusinaartumik pensionisiaqartunut atorfik inuttassarsiorneqarpoq

Maniitsumi Qeqqata Kommuniani Atugarissaarnermut immikkoortortaqarfik siusinaartumik pensionisialinnut sullissisumik pikkorissumik piumassuseqarluartumillu pissarsiorpoq.
Qeqqata Kommuniani Maniitsumi Atugarissaarnermut immikkoortortami suleqataasut innuttaasunik sullissinerup iluani inatsisit atuuttut naapertorlugit sulisarput aammalu suliatigut inuttullu ineriartornissamut periarfissaqarpoq, taamaammat illiusinnaavoq atorfissaqartitarput.
Atugarissaarnermut immikkoortortaqarfik 23-nik sulisoqarpoq, Allattoqarfimmi, meeqqanut Ilaqutariinnullu immikkoortortami, Pisortatigut ikiorsiissutinik immikkoortortami, innarluutilinnut immikkoortortami aammalu utoqqarnut siusinaartumik pensionisialinnut immikkoortortami siaruarsimallutik.
Atorfik saqqummiunneqartoq Innarluutilinnut, utoqqarnut aamma siusinaartumik pensionisialinnut immikkoortortami inissisimavoq.
Qinnuteqarfissaq kingulleq:
3. juli 2020
Sumiiffik/Pisortaqarfik:
Maniitsoq
Sivisussuseq:
Tamakkiisoq
Atorfininnermi ulloq:
1. august 2020 isumaqatigiissuteqarnikkulluunniit
Akissarsiat:
Isumaqatigiissutit malillugit

Akisussaaffiit suliassallu: 

·         Siusinaartumik pensionisiat pillugit Inatsisartut inatsisaannut naapertuuttumik sullissineq

·         Suliffissarsiuussisarfik suleqatigalu qulaajaaneq piginnaanngorsaanerlu, taassuma iluani sulisinnaassutsimik nalilersuinerit qinnuteqartullu piginnaasaqarfiinik inaarutaasumik aalajangersagaq suliffinnut qanoq ittunut tulluartuussanersoq naleqqussaaneq.

·         Siunnersuineq ilitsersuinerlu

·         Atugarissaarnermut ataatsimiititaliamut innersuutinik suliaqarneq

·         Siusinaartumik pensionisialinnut  atornerluinermut katsorsaanermik kissaateqartunut sullissineq, katsorsartereernerullu kingorna katsorsartinnerup ingerlaqqinnissanik suliaqarneq.

·         Iliuusissanik pilersaarusiuussinerit malitseqartsitinerillu

·         Majoriaq Peqqinnissaqarfillu suliffeqarfiillu allat avataani suleqatigineqassapput.

 

Naatsorsuutigaarput:

  • Isumaginninnermi inatsimmut ilisimasaqartutit, piumasaqaataanngilarli.
  • Kommunimi suliassanik suliaqarnermik misilittagaqassasutit il il.
  • Attaveqaqatigiit kiisalu sulianik sullissisut ataatsimiittarnerinik misilittagaqartuusutit.
  • Pisuni ulapaarfiusuni tamanik isiginnissinnaalluartuusutit

 

 

Ilinniakkatigut piginnaasat:

         Isumaginninnermi siunnersortitut arlaatigulluunniit isumaginninnermut attuumassuteqartumik ilinniarsimasuusutit.

         Marluinnik oqaasilik

         Oqaatsinik atuinermut allattariasornermullu pitsaasumik piginnaasaqartuusutit.

 

Inuttut pisinnaasat:

         Sullissinermik sungiusimasaqartutit

         Saaffikkuminartuusutit, akuersaartumillu isiginnittariaaseqartuusutit.

         Nammineersinnaassuseqartumik akisussaassuseqartumillu sulisinnaasutit

         Aalajaatsuusutit tatiginartuusutillu

         Suliassanut ilisimaarinnittuusutit, pimoorussisuullutillu

         Suleqatikkuminartuusutit.

Akissarsiat atorfinitsitaanermilu atugassarititaasut: 

Akissarsiat atorfinitsitaanermilu atugassarititaasut isumaqatigissutit sulinermilu isumaqatigiissutit sukkulluunniit atuuttut naapertorlugit inissinneqassapput.

 

Atorfimmut atatillugu inissaqartitsisoqanngilaq.

 

Atorfininnissaq 2020-imi aggustip aallaqqaataani isumaqatigiissuteqarnikkulluunniit pissaaq.

 

Pineqaatissinneqarsimannginnermik uppernarsaat:

Atorfik una pineqaatissinneqarsimannginnermut allagartamik paasiniaanissamut inatsisitigut pisussaatitaavoq. Inatsit naapertorlugu meeqqanik pinerliisimannginnermut pineqaatissinneqarsimannginnermullu uppernarsaammik kommuni aatsaat pissarsereerpat atorfinitsitsisoqarsinnaavoq. Taamaattumik erseqqissaatigineqassaaq, kommunip pineqaatissinneqarsimannginnermut allagartaq politiinit tiguneqareernerata kingorna ulloq atorfiniffissaq aatsaat isumaqatigiissutaasinnaammat,

Atorfik pillugu paasissutissat sukumiinerusut Atugarissaarnermut pisortamut Bertha Dalager-imut, oqarasuaat +299 81 78 53 e-mail: beda@qeqqata.gl imaluunniit immikkoortortami aqutsisumut Louise Kristiansen-imut, oqarasuaat +299 81 78 58 e-mail: louk@qeqqata.gl saaffiginninnikkut pissarsiarineqarsinnaapput

 

Qinnuteqaat ilinniarsimanermut uppernarsaatit assilinerinik, imminut ilisaritinnermik, oqaaseqaatinik attaveqarfissanillu ilaligaq 2020-mi julip pingajuani tigoreersimassavagut.

Qinnuteqaat uunga nassiunneqassaaq: 

Qeqqata Kommunia

Sulisoqarnermut allaffik

Postbox 1014

3911 Sisimiut

e-mail: jobs@qeqqata.gl

 

www.qeqqata.gl

Attavissaq:

Bertha Dalager / Louise Kristiansen

(+299) 81 78 53 / 81 78 58

beda@qeqqata.gl / louk@qeqqata.gl