airplanebooksbriefcase business cogs cross election entertainment fish house law lockmedicalpeopleselfservices socialtax

Maniitsumi Atugarissaarnermut immikkoortortaqarfik, Utoqqaat angerlarsimaffiani Neriusaami Forstanderissarsiorpoq

Utoqqaat Angerlarsimaffiat innuttaasunik 42-nik amerlatigisunit najugaqarfigineqarpoq, inissallu marluk qasuersaarfissatut immikkoortitaallutik, sulisunut katillugu 66-inut amerlassusiligaavoq. Immikkoortortat arfiniliupput, tamarmillu immikkut ataatsimoortarfeqarlutik immikkoortutut ingerlasuupput, immikkoortullu tamarmik aalajangersimasunik sulisoqarlutik, paaqqutarinninnermut isumassuinermullu suliassat isumagineqartarlutik. Neriusaaq aamma innuttaasunut angerlarsimaffinniittunut innersuunneqartunut sammisassaqartitsisarpoq.
Peqqinnissaqarfimmut attuumassuteqartumik ilinniagalimmik imaluunniit peqqinnissaq pillugu suliffeqarfiit iluini attuumassuteqartumik ilinniagalimmik pissarsiorpugut. Utoqqarnut immikkoortup iluani, taamatullu aqutsinermut misilittagaqarluartuussaatit suleqatikkuminartuussaatit allannguinissamut ineriartortitsinissamullu piumassuseqartoq. Nutaaliortumik eqqarsarsinnaassuseqassaatit, ilinniarsimasunik ilinniarsimanngitsunillu suleqateqarsinnaallutit.
Neriusaami forstanderitut immikkoortortani aqutsisut arfinillit kiisalu peqqissaasoq peqatigalugit, utoqqaat illuanik ingerlatsinermi siuttutut suleqatigiissaasi. Akisussaaffeqarfinnut ilaavoq, nunaqarfimmi Kangaamiuni utoqqaat angerlarsimaffiat aqqaneq-marlunnik sulisoqartoq.
Qinnuteqarfissaq kingulleq:
7. juli 2020
Sumiiffik/Pisortaqarfik:
Maniitsoq
Sivisussuseq:
Tamakkiisoq
Atorfininnermi ulloq:
1. august 2020 isumaqatigiinnikkulluunniit
Akissarsiat:
Isumaqatigiissutit malillugit

Akisussaaffiit suliassallu: 

Utoqqaat illuani Neriusaami sulisunut sulianut, sulisoqarnikkut aningaasaqarnikkullu aqutsinermik akisussaaneq,

Immikkoortortani tamani sulisunik suliamut ineriartortitsinissamut akisussaaneq. Utoqqaat immikkoortortaani ineriartortitsinermut suliaqarnermut peqataaneq. Sunniuteqaqataanerup, aalajangeeqataanerup akisussaaqataanerullu siuarsarnissaa. Utoqqarnik sullissinermi kiisalu puigortunngortunik isumassuineq pillugit ilisimasanik ingerlatitseqqiineq.

Immikkoortortani aqutsisut isumasioqatigalugit, sulianik nalilersuineq, pingaarnersiuineq agguataarinerlu. Sulisooqatigiinni suleqatigiinnermik ingerlatitseqqiineq siuarsaanerlu. Ineriartuutaasumik oqaloqatiginninnernik ingerlatsineq.

Attuumassuteqartuni ataatsimeeqataasarneq.

 

Piginnaasassat:

Peqqinnissamut inuiaqatigiinnulluunniit sammisumik ilinniagaqarneq (assersuutigalugu peqqissaasoq, pillorissaasoq, timimik sungiusaasoq, isumaginninnermik siunnersorti assigisaaluunniit).

 Aqutsinermik misilittagaqartoq.

Utoqqaat angerlarsimaffigimmassuk, utoqqaat angerlarsimaffiani forstanderitut ersarissuunissat kiisalu aqutsinikkut, suliamik ilisimasaqarnikkut uummateqarnikkut ingerlalluarnikkullu siuttuunissat pingaaruteqarpoq.

Politikikkut aqutaalluni aaqqissugaasumi suliaqarnissamik misilittagaqartoq.

Forstanderi pisussaassutsiminik ilaginnaajumanngitsoq tunniusimasorlu, aaqqissuussaasumik aqutsisoq qiimasuullunilu sunniisinnaalluartoq.

Utoqqaat angerlarsimaffianut ilisimasaqarluarlunilu misilittagaqarluartoq, aqutsisutullu ilinniarsimasoq.

Ammasumik pitsaasumillu aqutseriaaseqartoq, akisussaassuseqarnermik malunnaatilik kiisalu sunniivigeqartigiinnermik oqaloqatigiinnermillu aallaaveqartoq.

Takorluuisinnaasoq, isumassarsiaqarluartoq nutaaliortumillu eqqarsarsinnaasoq.

Pisuni ulapaarfiusuni eqqissisimasumik sulisinnaasoq.

Suliamik ilisimasaqarnerup inuttullu qanoq ittuussusermik assigiimmik pingaartitsisoq ataqatigiissaarisinnaasorlu, suliaqarfinni assigiinngitsuni sulisunilu ilinniarsimanngitsut akornanni pitsaasumik suliffimmi attaveqaatinik pilersitsisinnaasoq.

 

Aningaasarsiat atorfeqartitaanermilu atugassarititaasut  

Akissarsiat atorfinitsitaanermilu atugassarititaasut atorfininnerup nalaani Naalakkersuisut kattuffiullu isumaqatigiissuteqarsinnaatitaasup akornanni isumaqatigiissutit atuuttut naapertorlugit aaqqinneqassapput.

Pinerlussimannginnermik allagartaq naammaginarsimassappat aatsaat atorfinittoqarsinnaavoq. Atorfimmut atatillugu inissamik innersuussisoqassaaq, malittarisassat atuuttut naapertorlugit qularnaveeqqut/attartornermut akiligassat akilerneqassallutik. Atorfinitsitaanermi angalaneq pequtillu nassiunneri akilerneqassapput.

Atorfininneq 2020-imi august-ip aallaqqaataani isumaqatigiissuteqarnikkulluunniit pissaaq.

Piaartumik isumaqatigiissuteqarnikkulluunniit atorfinitsitsisoqassaaq.         

Pinerlussimannginnermut/pinerluuteqarsimanermut uppernarsaat naammaginartuunera tunngavigalugu atorfinitsitsisoqassaaq. Atorfik pillugu paasissutissat sukumiinerusut Ilaqutariinnermut immikkoortortami Ilaqutariinnermut pisortaq Bertha Dalager, oqarasuaat (+299) 81 78 53 email: beda@qeqqata.gl imaluunniit pisortap tullianut Andrea Karlsen, oqarasuaat (+299) 81 78 62 email: anka@qeqqata.gl atorlugit saaffiginninnikkut pissarsiarineqarsinnaapput.

Qinnuteqaat ilinniarsimanermut, siusinnerusukkullu suliffigisimasanik paasissutissanik, ilinniarsimanermut uppernarsaatinik, attaveqarfissanik oqaaseqaatinillu ilalerlugu

kingusinnerpaamik 2020-imi juli-ip 7-ani Qeqqata Kommuniani Sulisoqarnermut Allaffeqarfiup tigoreersimassavaa

 

Qinnuteqaat uunga nassiunneqassaaq: 

Qeqqata Kommunia

Sulisoqarnermut immikkoortortaq

Postbox 1014

3911 Sisimiut

E-mail: job@qeqqata.gl

Web: www.qeqqata.gl

Attavissaq:

Bertha Dalager / Andrea Karlsen

(+299) 81 78 53 / 81 78 62

beda@qeqqata.gl / anka@qeqqata.gl