airplanebooksbriefcase business cogs cross election entertainment fish house law lockmedicalpeopleselfservices socialtax

Sisimiuni Eqqagassanut Katersuivimmut aqutsisoq

Teknikkimut Avatangiisinullu Immikkoortortaq Sisimiuni ikuallaavimmi immikkoortiterivimmilu aqutsisussarsiorpoq.
Qinnuteqarfissaq kingulleq:
30. juli 2020
Sumiiffik/Pisortaqarfik:
Sisimiut
Sivisussuseq:
Tamakkiisumik
Atorfininnermi ulloq:
Atorfininneq pissaaq 1. september 2020 imaluunniit isumaqatigiinnikkut
Akissarsiat:
Isumaqatigiissutit malillugit

Piginnaasat 

Kalaallit Nunaanni qitiusumik ikuallaaveqalernissaq, eqqakkanillu ikuallanneqarsinnaasunik assartuisalernissaq ilaatigut sulissutigalugit, Kalaallit Nunaanni eqqagassalerinerup annertuumik allannguiffigineqarnissaanik Qeqqata Kommunia aamma Kalaallit Nunaat suliaqaleruttorput. Eqqagassanut ikuallassinnaanngitsunut sunulluunniit tamanut Qeqqata Kommunia suliaqaannarniarpoq. Illit Sisimiuni Eqqagassanut Katersuivimmi aqutisusutut, tassunga ineriartortitsinermut ikaarsaariartornerullu ineriartortinneqarneranut peqataassaatit.

Uummaarissumik suleqatigiit suleqatigissavatit, ulluinnarnilu pissanganarluinnartumik unammillernartunik suliaqartassallutit.

Nuna tamakkerlugu sumiiffinnilu eqqagassalerisarneq ineriartortinneqaleruttorpoq tassungalu ineriartortitsinermut ingerlatsisussanik inunnik pimoorussisunik pisariaqartitsisoqarpoq. Atoqqiinerup annertusarneqarnissaa piumasaqaataavoq, annertusaanissamilu tamatumani Sisimiuni Eqqagassalerinermut katersuivimmi aqutsisoq kommunimi suleqatigiani peqatigalugit pingaarutilittut inissisimasussaavoq.

Matumani suleqatitit suleqatigalugit ulluinnarni sulininnut sunniuteqarnissannut, suliffiup ulluinnarnilu sulinerup ilusilersorneqarnissaanut periarfissaqarpoq.

Sisimiuni ikuallaavik ikuallaavimmut 2,3 Mw-mik uunnaaveqarpoq, uuliakunullu 2,5 Mw-mik uunnaaveqarluni. Ikuallaavimmik ingerlatsinermi, holdit pingasut paarlakaallutik sulisarput.

 

Piginnaasassat:

  • Suliaqarfinnut naammassinikuusannik ilinniagaqarsimasutit: Maskinmester, maskinist, elektriker, automatikmekaniker assigisaanilluunniit

  • Aqutsinermut, el/automatik aamma ingerlatsissutsinut aqutsinerup iluani nalinginnaasumik misilittagaqartutit

  • Eqqagassanik sulaiqarnreup atoqqiisarnerullu iluani allamik assingusumik tunuiliaqutaqartutit

  • Aqutsinermik ilinniarsimassaatit, sulisunillu aqutsinermik misilittagaqarlutit
  • Isumannaallisaanermik, peqqinnermillu suliaqarnermik misilittagaqartutit
  • Qarasaasianik nalinginnaasumik atuisinnaassasutit
  • Peqqissaartuusutit, systemilimmik namminersorlutillu sulisinnaassasutit
  • Minnerpaamik Kat B-mut biilersinnaanermut allagartaqassasutit
  • Suleqatikkuminartuussutit, ilakkuminartuusutillu
  • Pilersaarusiornermik, suleqatigiinnillu aqutsinissamik misilittagaqartutit
  • Marluinnik oqaaseqartutit - kalaallit/qallunaatut – ajornanngippallu tuluttut
  • Ikuallaavimmi sulinermik/aserfallatsaaliinermik misilittagaqassasutit
  • Eqqagassalerinermik, atoqqiinermullu ilisimaqassasutit
  • Suliniutinik aqutsinermik misilittagaqaruit pitsaassaaq

 

Akisussaaffiit pingaarnertut tassaassapput:

  • Sulisut aqqaneq-marluk aqunneqarnissaat, kajumissaartarnissaallu
  • Suleriaatsinik, nukinnillu atorluaanissap qulakkeerneqarnissaat
  • Aserfallatsaalisassanik misissuineq, piffissamullu sivisuumut pilersaarusiornerit, malitseqartitsinerillu
  • Immikkoortiterinermi, atoqqiinermilu annertusaanissami ataqatigiissaarisoq
  • Nassiussassat, eqqakkallu eqqortumik inaalinneqarnissaasa qulakkeerneqarnissaat
  • Ikuallaavimmi nukimmik pilersuinerup atorluarneqarnissaa
  • Ikuallaaviup iluani, silataanilu torersuutitsineq
  • Eqqakkanik immikkut immikkoortunut katersuisarnerup iluani qaffassaarusuttutit
  • Sisimiuni eqqagassalerinermi tigoraaviup, immikkoortiteriviullu inerisarneqarnissaat
  • Sisimiut nunaqarfiini marluusuni vejformandit suleqatigalugit eqqagassalerinerup ataqatigiissarneqarnissaa
  • Sullitanut, tuniniaasunullu atassuteqarluarnissap qulakkeerneqarnissaa
  • Sisimiuni eqqagassalerineq pillugu suliniutit inerisarneqarnerinut suleqataaneq
  • Suliffissaq, suliartoqquneqaratarsinnaanermut sillimasussat pillugit pilersaarusiornerit

 

Akissarsiat atorfeqartitaanermilu atugassarititaasut: 

Akissarsiat, atorfinitsitaanermilu atugassarititaasut, matumani akiliunneqarluni angalasinnaatitaanerit pequtillu assartorneqarnissaat ilanngullugit, Naalakkersuisut aamma isumaqatiginninniarsinnaatitaalluni qinnuteqartup peqatigiiffiata akornanni qaqugukkulluunniit isumaqatigiissutit atuuttut naapertorlugit inissinneqassapput.

Inissaqartitsisoqarsinnaavoq, malittarisassallu atuuttut naapertorlugit akiliuteqartoqartassalluni.

Atorfininneq pissaaq 1. september 2020 imaluunniit isumaqatigiinnikkut.

 

Atorfik pillugu sukumiinerusumik paasissutissat Immikkoortortami aqutsisumut Martin Jungersen-imut, oqarasuaat (+299) 86 7475, e-mail: maju@qeqqata.gl saaffiginninnikkut pineqarsinnaapput

Qinnuteqaat soraarummeersimanermut uppernarsaatinik, imminut ilisaritinnermik, oqaaseqaatinik, saaffigineqarsinnaasunillu ilaqartinneqartut uunga nassiunneqassaaq 

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik aammalu attaveqarfissanik ilalik kingusinnerpaamik 30. juli 2020-mi tigoreersimassavarput

 

Qinnuteqaat uunga nassiunneqassaaq:

 

Qeqqata Kommunia

Sulisoqarnermi immikkoortortaq

Postboks 1014

3911 Sisimiut

E-mail: job@qeqqata.gl

Web: www.qeqqata.gl/job