airplanebooksbriefcase business cogs cross election entertainment fish house law lockmedicalpeopleselfservices socialtax

Maniitsumi fritidsklubbi aamma ungdomsklubbi ’Inuusuit’ tamanut pisortaasussamik pisortassarsiorpoq

Qeqqata Kommuniani Maniitsumi fritidsklub aamma ungdomsklubbi ’Inuusuit’-mmi tamanut pisortatut atorfik inuttassarsiorneqarpoq.

Fritidsklubbi ulluunerani 4. - 5. klassenit orninneqartarpoq. Ungdomsklub Inuusuit unnukkullu inuusuttunik 6. klassiniit 21-nut ukiulinnut sammisassaqartitsiviulluni, inuusuttut soqutigisaannik aallaveqarluni ingerlanneqarpoq.

Qeqqata Kommuniata ukkatarivai meeqqat atugarisaat. Kommunip ukkatarivai peqqinneq, peqqinnermi kulturikkullu siuarsaanermik siunertallit sunngiffimmi neqeroorutit. Kommmunip pingaartippai pilersissallugit sunngiffimmi neqeroorutit pitsaasut ullutsinnullu tulluartut, innuttaasut soqutigisaannut, pisariaqartitaannut inuttussutsimullu tulluartut. Sunngiffimmi neqeroorutit nutarterniarneqalerput perorsaanikkut ineriartuutaaneri aallaavigalugit, ukioqatigiinnut assigiinngitsunut tulluarsakkat. Ilaatigut Islandimiit isumassarsiorfiit atorlugit. Suliarnermi tassani fritidsklubbi aamma ungdomsklubbi pissanganartumik inissisimapput perorsaanikkut ineriartuutaasumik aamma aqutsinermi, ataqatigiissaanermi innuttaasunillu, peqatigiiffinnik, suleqatinik, atuarfimmik, skolepasningimi fritidshjemmimilu suleqateqarnikkut kommunip takorluugaannik piviusunngortitsiniarnermi peqataassalluni.
Suliami tassani soqutiginartumi peqataarusuppit?
Qinnuteqarfissaq kingulleq:
3. juli 2020
Sumiiffik/Pisortaqarfik:
Maniitsoq
Sivisussuseq:
Tamakkiisoq
Atorfininnermi ulloq:
1. august 2020 isumaqatigiinnikkulluunniit
Akissarsiat:
Isumaqatigiissutit malillugit

Akisussaaffiit suliassallu ilaatigut ukuussapput 

·         Ulluinnarni fritidsklubbimi aamma ungdomsklubbimi Inuusuit-ni aqutsineq

·         Fritidsklubbimi ungdomsklubbimilu suliassanik pilersaarusiorlunilu piviusunngortitsineq

·         Fritidsklubbip ungdomsklubbillu ineriartorneranut peqataaneq

·         Fritidsinspektøri qanimut suleqatigalugu missingersuusiorneq, naatsorsuuserineq malinnaatitsinerlu

·         Sulisut suliffissaasa pilersaarusiorlugillu ataqatigiissarneqarnerat

·         Atuarfik, meeqqat, inuusuttut angajoqqaavinullu qanimut suleqateqarneq.

 

Piginnaasat

·         Perorsaasutut, isumaginninnermi ikiortitut, klubbimiluunniit ikiortitut ilinniarsimaneq, suliffimmilluunniit assingusumik misilittagaqartutit.

·         Aqutsinermik allaffissornerullu iluani misilittagartutit

·         Nammineersinnaasutit, aallarnisaasinnaasutit, piumassuseqartutit takunnilluarsinnaallutillu.

·         Suliassat suliffissallu eqqarsaatigalugit tamatigoortuusutit.

·         Suleqatikkuminartuusutit qiimmaarissuullutillu.

Akissarsiat sulinermilu atugassarititaasut 

Akissarsiaqartitaaneq atorfeqartitaanerlu, taakkununnga atorfininnermi suliunnaarnermilu pequtinik angallassineq ilanngullugit, atorfininnerup nalaani Naalakkersuisut aamma N.P.K imaluunniit S.I.K. akornanni isumaqatigiissutit atuuttut naapertorlugit pissaaq.

Meeqqanik pinerliisimannginnermut uppernarsaat

Atorfiit meeqqanik pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiupput. Inatsit naapertorlugu kommuni meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik maluginiaqqussavarput kommuni Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

 

Meeqqanik pinerliisimannginnermut pineqaatissinneqarsimannginnermullu uppernarsaat Qeqqata Kommunianiit pissarsiarineqartussaq tunngavigalugu atorfinitsitsisoqassaaq.

 

Inissaqartitsisoqarsinnaavoq, malittarisassallu atuuttut naapertorlugit tassunga akiliuteqartoqartassalluni.

 

Atorfininneq pissaaq 1. august 2020 imaluunniit isumaqatigiinnikkut.

 

Atorfik pillugu paasissutissat annertunerusut sunngiffimmi pisortamut Regine Mathiassen-imut oqarasuaat (+299) 81 78 61, e-mail: rema@qeqqata.gl saaffiginninnikkut pissarsiarineqarsinnaapput.

 

Qinnuteqaat soraarummeersimanermut uppernarsaatit assilinerinik, imminut ilisaritinnermik, CV, oqaaseqaatinik attuumassuteqarsinnaasunillu ilalerlugu tigoreersimassavarput ulloq 3. juli 2020-imi.

Qinnuteqaat uunga nassiunneqassaaq: 

Qeqqata Kommunia

Sulisoqarnermut Immikkoortortaq

Postboks 1014

3911 Sisimiut

E-mail: job@qeqqata.gl

Web: www.qeqqata.gl/atorfik

 

Attavissaq:

Regine Mathiassen

(+299) 81 78 61

rema@qeqqata.gl