airplanebooksbriefcase business cogs cross election entertainment fish house law lockmedicalpeopleselfservices socialtax

Sisimiuni Nalunnguarfiup atuarfia Ikaarsaarfimmut ilinniartitsisunik marlunnik pissarsiorpoq

(sisamaniit arfineq-marluk tikillugit ukiulinnut) ikaarsaariarfimmut ilinniartitsisut marluk aggustip aallaqqaataani isumaqatigiissuteqarnikkulluunniit atorfinittussat
Qinnuteqarfissaq kingulleq:
24. juli 2020
Sumiiffik/Pisortaqarfik:
Sisimiut
Sivisussuseq:
Tamakkiisumik
Atorfininnermi ulloq:
1. august imaluunniit isumaqatigiinnikkut
Akissarsiat:
Isumaqatigiissut malillugu

Suliassat akisussaaffiillu: 

Nalunnguarfiup Atuarfia:

Atorfiit marluusut:

Nalunnguarfiup Atuarfia atuartunut 400 missaaniittunut ulluinnarni akisussaavoq. Alloriarfimmi 15-inik ilinniartitisoqartumut alloriarfimmilu aqutsisoqartumut pissaatit, tassani suleqatigiinneq pingaarnerpaatinneqarluni. Ukiumut sapaatip akunneranullu pilersaarutit suliarisarpagut, tassani aallaavittut ukioqatigiaarlugit pilersaarusiorfigisarlugit. Atuartunut holdikkaarinermik kattussisoqarnikuuvoq, tassani atuartunut aamma atuartoqatigiinnut anguniagalimik suliniutinik suliaqartarluta. Ukioq atuarfiusussami aggersumi sulinerup taassuma ataqatigiissarneqarnissaa misilissavarput, taamaalilluta klassini atuartunik aammalu klassip avataani atuartunut annikinnerusumik nukiit atorneqartassallutik. Kalaallisut qallunaatullu atuarsinnaalernissamut inerisaaneq, atuartullu inuttut ineriartornerat qitiutinneqarput.

 

Ilinniartitsisunik marlunnik suliatigut siammasissumik takutitisinnaasunik pisariaqartitsivugut. Ukiup atuarfiusup pilersaarusiorneranik ima angusaqartigereeratta, skemat pioreersut aallaavigineqassapput.

 

Atorfiit marluusut:

Ilinniartitsisunit misilittagalinnit suliassat tigusussaavatit. Suleqatigiinnut suliamut atatillugu ilisimasaqarluartunut isissaatit, tassani suliassat assigiinngissitaartut, atuartut inuttut ineriartornerat atuartitsisutillu atuartut ilinniarfinnut allanut ingerlariaqqinnissaannut tapersiisut ukkatarineqarlutik. Taamaattumik atuartut ilinniartitsissutini siuarsarnissaattulli aamma inuttut inerikkiartornertuulli imminerminut anguniagassissinnaasunik inunnik pissarsiorpugut.

 

Inuttut piginnaasatit siammasissuussapput. Ilinniartitsissutini Matematik, Naturfag, Kalaallisoorneq, Upperisarsiorneq inuiaqatigiilerinermillu sapinngisamik matussusiisussaavugut. Ungasinnerusoq isigalugu atuartitsissutini qallunaatoornermi tuluttoornermullu aammattaaq pisariaqartitsisussaavugut.

 

Nalunnguarfiup Atuarfia sukkasuumik ineriartorluarpoq ersarissunik anguniagassalimmik, atuartut pitsaanerpaamik atuarnissaanik, pitsaasunillu angusaqarlutik ingerlaqqittarnissaat anguniarlugu.

Ilinniartitsisoqatigiit ataqatigiilluartut immikkoortortanilu atuarfillu tamakkerlugu suleqatigiilluartut sulisorivagut. Aqutsisut ersarinnerusut, anguniagassanillu ersaritsitsisut sulisunullu ataasiakkaanut piffissaqarfiginnittut.

Qeqqata Kommuniani atuartut ilinniartitsisullu tamarmik iPad-eqartuummata, qinnuteqartoq iPad-imik sakkutut ilisimasaqarnissaa iluaqutaassaaq.

Nalunnguarfiup Atuarfiani sapaatip akunneranut pilersaarutinut, angajoqqaanut attaveqarnikkut, atuarfiullu iluani attaveqarnikkut ulluinnarni skoleintra atugaraa.

 

TEA (Tabulex Elev Administration) atuartunik nalunaarsuinermi ulluinnarni atorneqartarpoq. Ukiumullu marloriarluni Angusakka sammineqartarput.

Taamaalillunilu ulluinnarni sulinermi qarasaasiarsorneq ilaavoq.

 

Sisimiut qaasuitsup killeqarfiata avannaatungaaniippoq, pinngortitarsualu kusanaqaluni. Ukiukkut aasakkullu pinngortitami sammisaqarnissamut periarfissaqarluarpoq. Nalunaaquttap akunnera ataatsip iluani pisukkaani qaqqani uagutsinnut ungalusimannittuni pisuffiit kusanangaartut tikinneqarsinnaapput. Umiatsaaqqamik angalanissamut piniariarnissamullu periarfissaqarluarpoq. Ukiukkut samisassarpassuaqarpoq, soorlu ujakaarnernik, sangusaarnermik, snowboardernermik, sikukkut sukuutsernermik, qamuteralannernik qimussernernillu.

Akissarsiat atorfeqartitaanermilu atugassarititaasut 

Akissarsiaqartitaanermut atorfinitsitaanermullu atugassarititaasut, taakkununnga ilanngullugit akiliunneqarluni angalasinnaatitaaneq aamma pequtit assartorneqarneri Naalakkersuit ilinniartitsisullu kattuffiata IMAK-ip akornanni isumaqatigiissutit sukkulluunniit atuuttut naapertorlugit inissinneqassapput.

Atorfinitsitaaneq isumaqatigiissuteqarnikkut pissaaq, kisianni Kalaallit Nunaanni allami tjenestemanditut atorfeqareersimagaanni toqqaannartumik tjenestemanditut ikaarsaartoqarnissaanut periarfissaqarpoq.

 

Meeqqamik pinerliisimannginnermut uppernarsaat

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip meeqqanik pinerlussimannginnermut uppernarsaatip tigunerata kingorna aatsaat atorfinittoqarsinnaavoq. Taamaattumik naalagaaffiup politiivinit meeqqanik pinerliisimannginnermut uppernarsaammik naammaginartumik kommunimi pissarsisoqareerpat aatsaat atorfinittoqarsinnaasoq, erseqqissaatigineqassaaq.

 

Meeqqanik pinerliisimannginnermut uppernarsaammik aamma pinerlussimannginnermut uppernarsaammik Qeqqata Kommunianit pissarsiariniarneqartumik naammaginartumik peqartoq atorfinitsinneqassaaq.

 

Inissaqartitsisoqarsinnaavoq, malittarisassallu atuuttut naapertorlugit akiliuteqartoqartassalluni.

 

Aggustip aallaqqaataani isumaqatigiissuteqarnikkulluunniit atorfinittoqassaaq.

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik kingusinnerpaamik 2020-mi juulip 20-ani nal. 12.00 tigoreersimassavarput.

 

Attaveqarneq:

Atuarfimmi pisortaq, Dan Gert Christensen oqarasuaatikkut (+299) 86 43 88 mobil: (+299) 52 88 81, e-mail dgch@qeqqata.gl atorlugit attavigineqarsinnaavoq (+299) 52 88 81

Qinnuteqaat uunga nassiunneqassaaq: 

Qeqqata Kommunia
Sulisoqarnermut immikkoortortaq
Postbox 1014
3911 Sisimiut
E-mail: job@qeqqata.gl
Web: www.qeqqata.gl

Dan Gert Christensen

(+299) 86 43 88 Mobil (+299) 52 88 81

dgch@qeqqata.gl