airplanebooksbriefcase business cogs cross election entertainment fish house law lockmedicalpeopleselfservices socialtax

Maniitsumi Ilaqutariinnut Inerisaavimmi inersimasunut siunnersortimik

Ilaqutariinnut Inerisaavimmi atorfiit akuerisaasut quliupput, taakkulu suliassanut assigiinngitsunut agguataagaallutik.
Ilaqutariinnut Inerisaavimmi inersimasunut siunnersorti aqutsisutut sulinissamut pisinnaataaffeqanngilaq. Sulisut allat peqatigalugit sulissaatit. Suliatigut inuttullu ineriartorneq pingaartipparput. Sulianut atatillugu allannguinissamik kissaateqaruit, suleqataanissannut periarfissaqarputit.
Ilaqutariinnut Inerisaavimmi pisortaq qaninnertut pisortarissavat.
Qinnuteqarfissaq kingulleq:
29. juli 2020
Sumiiffik/Pisortaqarfik:
Maniitsoq
Sivisussuseq:
Tamakkiisumik
Atorfininnermi ulloq:
1. august - imaluunniit isumaqatigiinnikkut
Akissarsiat:
Isumaqatigiissut malillugu

Suliassat akisussaaffiillu 

Imigassamut katsorsartereernerup kingorna malitseqartitsineq aamma siuariaateqarnerup pigiinnarnissaanut tapersersuineq.

Ilaqutariinnik ataasiakkaanik ilaqutariinnut siunnersuinissamik pilersaarusiornermut peqataaneq.

Angajoqqaanik pikkorissaanissap pilersaarusiorneqarneranut, ingerlanneqarneranullu peqataaneq.

Ilaqutariinnut Inerisaavimmut attuumassuteqartunut, suliniutissanik pilersaarusiornermut ingerlatsinissamullu peqataaneq.

Imigasamik ikiaroornartumillu atornerluineq pillugu ataatsimoortitsiluni aaqqissuussanut oqalugiarnertalinnut peqataaneq.

Inerisaavimmi suliatigut ineriartortinneqarneranut peqataaneq.

Ilaqutariit pillugit suliniutinik pilersaarusiornermut atuutilersitsinermullu peqataaneq

Nunaqarfinni angalaneq, sulineq aamma pisassaaq.

Suliassanut allanut peqataaneq

 

Piginnaasassat

Isumaginninnermi siunnersortitut, isumaginninnermi perorsaasutut imaluunniit katsorsaasutut ilinniarsimasuusutit
Ilaqutariinnik katsorsaanermi misilittagaqartutit

Akisussaassuteqartutit, ammasuusutit suleqatikkuminartuusutillu.

Nammineersinnaassuseqartutit.

Marluinnik oqaaseqartutit, kalaallisut/danskisullu


Akissarsiat atorfeqartitaanermilu atugassarititaasut 

Kalaallit Nunaanni Naalakkersuisut akornanni isumaqatigiissutit sukkulluunniit atuuttut malillugit.

 

Inissamik innersuussisoqarsinnaanngilaq.

 

 

Meeqqamik pinerliisimannginnermut uppernarsaat

 

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip meeqqanik pinerlussimannginnermut uppernarsaatip tigunerata kingorna aatsaat atorfinittoqarsinnaavoq. Taamaattumik naalagaaffiup politiivinit meeqqanik pinerliisimannginnermut uppernarsaammik naammaginartumik kommunimi pissarsisoqareerpat aatsaat atorfinittoqarsinnaasoq, erseqqissaatigineqassaaq.

 

Meeqqanik pinerliisimannginnermut uppernarsaammik aamma pinerlussimannginnermut uppernarsaammik Qeqqata Kommunianit pissarsiariniarneqartumik naammaginartumik peqartoq atorfinitsinneqassaaq.

 

Piaartumik, isumaqatigiissuteqarnikkulluunniit atorfinitsitsisoqassaaq.

Atorfinissagaanni, meeqqanik pinerliisimannginnermut uppernarsaat aamma pinerluuteqarsimannginnermut uppernarsaat piniarneqassapput.

Atorfik pillugu paasissutissat sukumiinerusut Inerisaavimmi pisortamut Najaraaq Røddik oqarasuaat 81 25 85, email naro@qeqqata gl imal. Atugarissaarnermut pisortamut Bertha Dalager oqarasuaat 81 78 53, email: beda@qeqqata.gl atorlugit pissarsiarineqarsinnaapput

 

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik kingusinnerpaamik 2020-mi juulip 29-ani tigoreersimassavarput.

Qinnuteqaat uunga nassiunneqassaaq: 

Qeqqata Kommunia
Sulisoqarnermut immikkoortortaq
Postbox 1014
3911 Sisimiut
E-mail: job@qeqqata.gl
Web: www.qeqqata.gl

Najaraaq Røddik

(+299) 81 25 85

naro@qeqqata gl