airplanebooksbriefcase business cogs cross election entertainment fish house law lockmedicalpeopleselfservices socialtax

Kangerlussuarmi Innuttaasunut sullissivimmi Isumaginninnermik siunnersortitut atorfik pissanganartoq

Kangerlussuarmi Innuttaasunut Sullissivimmi Isumaginninnermut siunersorti.
Qeqqata Kommuniani (Sisimiut) Atugarissaarnermut Immikkoortortaq Kangerlussuarmi Inuttaasunut sullissivimmi isumaginninnermut siunnersortimik ataatsimik pissarsiorpoq
Innutaasunik sullissivimmi atorfiit tulliuttutigut amerlassusiligaapput, sullissivimmi aqutsisoq, isumaginninnermik siunnersorti ataaseq, sullissisoq ataaseq, overassistentit marluk, pedeli ataaseq, UNESCO Suliniummut Aqutsisoq ataaseq Suliniutinilu pisortaq ataaseq. Suliffik tamatigoortuuvoq sukannersunik killeqanngitsoq, Suliffiullu iluani eqaatsumik sulisinnaaneq Kangerlussuarmilu innutaasunut qanimut sullissisinnaaneq pioreerluni.
Qinnuteqarfissaq kingulleq:
19. august 2020
Sumiiffik/Pisortaqarfik:
Kangerlussuaq
Sivisussuseq:
Tamakkiisumik
Atorfininnermi ulloq:
1. september - Imaluunniit isumaqatigiinnikkut
Akissarsiat:
Isumaqatigiissut malillugu

Suliassat akisussaafiit: 

Kangerlussuaq pillugu:

Kangerlussuup paava kitaata sineriaaniippoq, sermersuarlu kangianiilluni oqaannaraannilu aqquserngit tamarmik nunap timaanukartitsillutik. Kangerlussuaq Kalaallit Nunaannut isaariaavoq.

Kangerlussuup sakkutooqarfiunikuunera aasakkullu nunani allanisut kiarujussuartarnera eqqaassanngikkaanni, nunaqarfinni kisiartaalluni nunap timaaniinnera aamma nunaqarfimmut immikkuullarequtaavoq. Inuiaqatigiit ataqatigiilluartut, nunataalu uumasoqarluartoq misigisaqarusussutsinnut unamillertitsisinnaasoq.

Suliassat akisussaaffiillu;

Suliassat pingaarnerit tassaassapput isumaginninnerup iluani sullissinerit, tamassumalu ataani immikkoortortat attuumassutillit peqatigalugit suliffeerukkallarnermi ikiorsiissutinik, meeqqanut akilersuutinik meeqqanullu tapiissutinik suliaqarnerit. Pinaveersaartitsineq Sunngiffinnilu suliniutit suliassat ilaanniipput, taamatullu aamma Akimortumik Suleqatigiissitaliamut pitsaaliuinermillu ataatsimiititaliamut allattaaneq. Tamassuma saniatigut Qeqqata Kommuniani nunaqarfinni tamani isumaginninnermik inatsit pillugu siunnersuinerit aqqutissiuinerillu, nunaqarfinnilu suliat pillugit ataatsimiinnerni najuunnerit suliassaapput, taamaattumik Qeqqata Kommuniata iluani illoqarfinnut nunaqarfinnullu angalasaqattaarnerit pisinnaalutik. Skabeloninit atuutsitsilernissamik, pitsaassutsimut piumasaqaatinik malittarisassanillu ataqatigiissaarinerit assigiissarinerillu 

Avataani suleqatigisartakkat peqatigalugit attaveqaqatigiinneq kiisalu sulianik sullissineq pillugu ataatsimiinnerit, aammalu periuutsinik allanik soorlu ilaqutariinnik aqqutissioqatigiitsitsinermik atuutsitsilernerit. Sisimiuni Maniitsumilu Atugarissaarnermik immikkoortortani qanimut suleqatiginninnerit.

Ilinniakkatigut piginnaasat:

  • Isumaginninnermut siunnersortitut ilinniagaqarsimaneq

  • Meeqqat/ilaqutariit pillugit suliassanik piuminaatsunik suliaqarneq pillugu ilinniaqqissimasinnaavutit, piumasaqaataanngilarli

  • Marluinnik oqaaseqartuusutit.

  • Oqaatsitigut allattariarsornikkullu piginnaasaqarluartuusutit

 

Inuttut pisinnaasat:

  • sullissinermik sungiusimasaqartutit

  • Ilakkuminartuusutit

  • Aalajaatsoq, tatitooq pisussaaffimmillu naammassinnikkusussuseqartoq

  • Suliamut tunniusimasuusutit aalajaatsuullutillu

  • Suleqatikkuminartuusutit

  • Tamanik isiginnissinnaalluartuusutit aamma pisuni ulapaarfiusuni.

  • Atorfik iluaqutigalugu innuttaasunut qanilaarsinnaaneq

 

Akissarsiat atorfinitsitaanermilu atugassarititaasut: 

Akissarsiat atorfinitsitaanermilu atugassarititaasut isumaqatigissutit sulinermilu isumaqatigiissutit sukkulluunniit atuuttut naapertorlugit inissinneqassapput.

Inissaqartitsisoqarsinnaavoq, malittarisassat atuuttut malillugit ineqarnermut qaammammut akiliisoqartassalluni.

 

Piaartumik isumaqatigiissuteqarnikkulluunniit atorfinititsisoqassaaq.

 

Pineqaatissinneqarsimannginnermik uppernarsaat:

Atorfik una pineqaatissinneqarsimannginnermut allagartamik paasiniaanissamut inatsisitigut pisussaatitaavoq. Inatsit naapertorlugu kommuni pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik erseqqissaatigineqassaaq ulloq atorfiniffissaq isumaqatigiissutaasinnaammat, kommunip pinerlussimannginnermik allagartaq politiinit tigoreernerata kingorna.

Atorfik pillugu paasissutissat sukumiinerusut Immikkoortortami aqutsisumut Julie Kúnak, oqarasuaat (+299) 86 74 19 e-mail: juku@qeqqata.gl imaluunniit Atugarissaarnermut pisortamut Estella Buhrkall, oqarasuaat (+299) 86 74 31 e-mail esbu@qeqqata.gl atorlugit saaffiginninnikkut pissarsiarineqarsinnaapput.

 

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik kingusinnerpaamik 2020-mi augustip 19-niani tigoreersimassavarput.

 

Qinnuteqaat uunga nassiunneqassaaq: 

Qeqqata Kommunia
Sulisoqarnermut immikkoortortaq
Postbox 1014
3911 Sisimiut
E-mail: job@qeqqata.gl
Web: www.qeqqata.gl

Julie Kúnak

(+299) 86 74 31

esbu@qeqqata.gl