airplanebooksbriefcase business cogs cross election entertainment fish house law lockmedicalpeopleselfservices socialtax

Atorfiit inuttassarsiorneqartut

Atorfiit inuttassarsiorneqartut Qeqqata Kommuniani
Job
Ilaqutariinnut kiffartuussivimmut Hjemmehoseri Sisimiuni

Sisimiuni Ilaqutariinnik kiffartuussivimmut Atugarissaanermi immikkoortortami Ilaqutariit kiffartuussivianni hjemmehoser-itut atorfik.

5. august 2020
Suliffik takujuk
Job
Perorsaasunik ikiortinilluunniit Maniitsumi atuartut angerlarsimaffiannut

Atuartut angerlarsimaffiat Maniitsumi perorsaasunik ikiortinilluunniit piffissaq tamakkerlugu atorfeqartussanik pissarsiorpoq.

Atuartunut angerlarsimaffiani ukiumi atuarfiusumi 2019/20-mi atuariartortut najugaqartippagut qulit, 13-niniit 16-t tikillugit ukiullit. Taakkua Atuarfik Kilaaseeqqami 9. aamma 10. klassemi atuartuupput. Najugaqartut nunaqarfinniit ukunaneersuupput: Sarfannguit, Itilleq, Napasoq aamma Atammik. Atuartut angerlarsimaffiat ulloq unnuarlu sulisoqartuuvoq, sulisut tassaallutik pisortaq ataaseq, tullersorti ataaseq, perorsaasut/ikiortit pingasut igaffimmilu aqutsisoq ataaseq kiisalu unnuarsiortut 1½, sapaatit akunneranut 40 tiimi paarlakaallutik suliffeqartut.

4. august 2020
Suliffik takujuk
Job
Qallunaatut linjefagilimmik Qinnguata atuarfianut Kangerlussuarmi
4. august 2020
Suliffik takujuk
Job
ALLAGARSIUTEQQITAQ: Pisortap tullianik Sisimiuni Atugarissaarnermut immikkoortortamut

Qeqqata Kommuniani sulisut qitiutippagut. Akimortumik suleqatigiinnermut pitsaasumut tunniussaqarnissamut soqutiginnittuuit nuannerunartillugulu? Taamaassappat illiussaaq atorfissaqartitarput? – Immikkoortortatinni pisortap tullianik tunniussimasumik, pikkorissumik akisussaassulimmillu pisariaqartitsigatta Qeqqata Kommunia ERP-mik systemimut ikaarsaarnikuuvoq, ilisimasaqarfiginissaalu iluaqutaassaaq. Sisimiut Kalaallit Nunaanni illoqarfiit annersaasa tullerivaat 1764-imi pilersinneqarnikuusoq. Ukiut 250 kingulliit ingerlanerani illoqarfik ineriartupiloornikuuvoq, illoqarfik nutaanngitsunik nutaanillu taakkulu akornaniittut pigivai. Ilinniartitaanermik, nutaaliaasumik ineriartornermik teknoligimilu ataqateqarluni piniarnermut kulturitoqaq inooqatigalugu.

Atugarissaarnermut immikkoortortaq una atorfik ilanngullugu sulisunut 25-nut amerlassusiligaavoq.

3. august 2020
Suliffik takujuk
Job
Allagarsiuteqqitaq: Maniitsumi Atugarissaarnermut immikkoortortaqarfik, Utoqqaat angerlarsimaffiani Neriusaami Forstanderissarsiorpoq

Peqqinnissaqarfimmut attuumassuteqartumik ilinniagalimmik imaluunniit peqqinnissaq pillugu suliffeqarfiit iluini attuumassuteqartumik ilinniagalimmik pissarsiorpugut. Utoqqarnut immikkoortup iluani, taamatullu aqutsinermut misilittagaqarluartuussaatit suleqatikkuminartuussaatit allannguinissamut ineriartortitsinissamullu piumassuseqartoq. Nutaaliortumik eqqarsarsinnaassuseqassaatit, ilinniarsimasunik ilinniarsimanngitsunillu suleqateqarsinnaallutit.

Utoqqaat Illuat innuttaasunik 42-nik amerlatigisunit najugaqarfigineqarpoq, inissallu marluk qasuersaarfissatut immikkoortitaallutik, sulisunut katillugu 66-inut amerlassusiligaavoq. Immikkoortortat arfiniliupput, tamarmillu immikkut ataatsimoortarfeqarlutik immikkoortutut ingerlasuupput, immikkoortullu tamarmik aalajangersimasunik sulisoqarlutik, paaqqutarinninnermut isumassuinermullu suliassat isumagineqartarlutik. Neriusaaq aamma innuttaasunut angerlarsimaffinniittunut innersuunneqartunut sammisassaqartitsisarpoq.
Neriusaami forstanderitut immikkoortortani aqutsisut arfinillit kiisalu peqqissaasoq peqatigalugit, utoqqaat illuanik ingerlatsinermi siuttutut suleqatigiissaasi. Akisussaaffeqarfinnut ilaavoq, nunaqarfimmi Kangaamiuni utoqqaat angerlarsimaffiat aqqaneq-marlunnik sulisoqartoq kiisalu angerlassimaffimmi ikiorteqartitsineq, nunaqarfiit ilanngullugit, katillugit 18-inik sulisoqartut. Neriusaaq suliffeqarfiuvoq assigiinngitsunik sulianik ilisimasaqarfiullunilu suliassaatteqartoq.

3. august 2020
Suliffik takujuk
Job
Maniitsumi teknikkimut avatangiisinullu immikkoortortami ingerlatsinermut aqutsisoq

Maniitsumi Teknikkimut Avatangiisinullu immikkoortortami atorfik 2020-imi septemberip aallaqqaataani isumaqatigiissuteqarnikkulluunniit atorfinittussamik

3. august 2020
Suliffik takujuk
Job
Pissarsiorpoq Sisimiuni nutserisuuneq

Qeqqata Kommuniani Sisimiuni nutserisuunertut atorfik pissanganartoq inuttassarsiuunneqarpoq.

Atorfik allaffissornikkut Sisimiuni inissisimavoq, Sisimiunilu Pisortaanerup sulisuinut pisortap ataani aaqqissuussaanikkut inissisimalluni.

Nutserisuunerup nutserisoqarfimmi aqutsineq ingerlatsineq ataqatigiissaarinerlu, suliffeqarfimmi innuttaasunik sullissiviusumi eqaatsumik sulisinnaaneq qulakkeersinnaassagaa kissaatigaarput.

3. august 2020
Suliffik takujuk
Job
ALLAGARSIUTEQQITAQ: Sullissisumik Maniitsumi Atugarissaarnermut Immikkoortortaqarfimmut

Maniitsumi Atugarissaarnermut immikkoortortaqarfik siusinaartumik pensionisialinnut sullissisumik pikkorissumik piumassuseqarluartumillu pissarsiorpoq.

Qeqqata Kommuniani Maniitsumi Atugarissaarnermut immikkoortortami suleqataasut innuttaasunik sullissinerup iluani inatsisit atuuttut naapertorlugit sulisarput aammalu suliatigut inuttullu ineriartornissamut periarfissaqarpoq, taamaammat illiusinnaavoq atorfissaqartitarput.
Atugarissaarnermut immikkoortortaqarfik 23-nik sulisoqarpoq, Allattoqarfimmi, meeqqanut Ilaqutariinnullu immikkoortortami, Pisortatigut ikiorsiissutinik immikkoortortami, innarluutilinnut immikkoortortami aammalu utoqqarnut siusinaartumik pensionisialinnut immikkoortortami siaruarsimallutik.

Atorfik saqqummiunneqartoq Innarluutilinnut, utoqqarnut aamma siusinaartumik pensionisialinnut immikkoortortami inissisimavoq.

3. august 2020
Suliffik takujuk
Job
Sisimiut & Kangerlussuaq Katersugaasiviinut pisortamik pissarsiorpoq

Sisimiut & Kangerlussuaq Katersugaasiviini pisortatut atorfik inuttaaruppoq.

31. juli 2020
Suliffik takujuk
Job
Maniitsumi Atuarfik Kilaaseeqqamut ukiunut aalajangersimasunut killilikkanut atorfinni ilinniartitsisut

Meeqqat atuarfiani ineriartortumut ilaarusuppiit?
Maniitsumi Atuarfik Kilaaseeqqamut ukiunut aalajangersimasunut killilikkanut atorfinni ilinniartitsisut

31. juli 2020
Suliffik takujuk
Job
Maniitsumut atuilluartuunermi siunnersorti

Maniitsumi Qeqqata Kommunianut Atuilluartuunermi siunnersortitut atorfik pissanganartoq suliniutinik aqutsinermut misilittagalimmik inuttassarsiuunneqarpoq

Atuilluartuunermi siunnersorti aaqqissuussani nikerarsinnaasuni kiisalu innuttaasunik sullissiviusumi, akimorlugit suliat kiisalu ataqatigiissumik sulinermik qulakkeerisinnaassasoq kissaatigaarput.

Atorfik allaffissornikkut Maniitsumi inissisimavoq Maniitsumilu Ineriartortitsinermut pisortap ataani inissisimalluni.

30. juli 2020
Suliffik takujuk
Job
Sisimiuni Eqqagassanut Katersuivimmut aqutsisoq

Teknikkimut Avatangiisinullu Immikkoortortaq Sisimiuni ikuallaavimmi immikkoortiterivimmilu aqutsisussarsiorpoq.

30. juli 2020
Suliffik takujuk
Job
Maniitsumi Ilaqutariinnut Inerisaavimmi inersimasunut siunnersortimik

Ilaqutariinnut Inerisaavimmi atorfiit akuerisaasut quliupput, taakkulu suliassanut assigiinngitsunut agguataagaallutik.
Ilaqutariinnut Inerisaavimmi inersimasunut siunnersorti aqutsisutut sulinissamut pisinnaataaffeqanngilaq. Sulisut allat peqatigalugit sulissaatit. Suliatigut inuttullu ineriartorneq pingaartipparput. Sulianut atatillugu allannguinissamik kissaateqaruit, suleqataanissannut periarfissaqarputit.
Ilaqutariinnut Inerisaavimmi pisortaq qaninnertut pisortarissavat.

29. juli 2020
Suliffik takujuk
Job
Allagarsiuteqqitaq: Atammimmi atuarfimmi aqutsisussamik aamma ilinniartitsisumik pissarsiorpoq

Nuup Maniitsullu akornanni Atammik inissisimavoq, imaatigut angallannikkut anguneqarsinnaasoq. Atammik 200-t angullugit inuttutigaaq, taakkunanngalu 25-t missaaniittut atuartuullutik. Klassinut pingasunut, immikkullu atuartitsinermut ataatsimut agguataagaallutik, atuarfinni 1. - 8. klassit atuartuupput. Atuartut 9. - 10. klassimi atuartussanngortillutik, Maniitsumi Qeqqata Kommunip atuartunut angerlarsimaffianut nuuttarput, Atuarfik Kilaaseeqqamilu atuartarlutik. Ilinniartitsisoqatigiit tassaapput ilinniartisisut sisamat, timelærerilu ataaseq, atuarfimmi aqutsisoq ilanngullugu.

Atuarfimmi aqutsisumik ilinniartitsisumillu pissarsiorpugut, fagini tamani akullerni angajullernilu ilinniartitsisinnaasunik.

29. juli 2020
Suliffik takujuk
Job
Sisimiuni Ilinniartitaanermut Immikkoortortap ataani Sunngiffimmi pisortamik pissarsiorpoq

Qeqqata Kommuniata peqqinnermut, peqqinnerulersitsinissamullu kulturikkullu sunngiffimmi sammisaqartitsinerit sammisarai. Kommunip pingaartitaraa innutaasut soqutigisaat, pisariaqartitaat innuttaasullu amerlassusiat aallaavigalugu naapertuuttumik sunngiffimmi atortorissaruteqarnissaq. Nammineq kajumissutsimik suliniartarneq annertusarneqassaaq, inoqarfinnilu nukiit atorluarneqarnerussallutik. Timersornikkut, kulturikkullu atugasarititaasut ineriartortinneqartuassapput, aammalu illup iluani silamilu sunngiffimmi neqeroorutit perorsaanikkut ineriartuutaasumik neqeroorutaassapput ukioqatigiinnut assigiinngitsunut, soorlu ilaatigut Islandimut isumassarsiornissaamik toraagaqartut. Suliniutini taakkunani tamani sunngiffimmi pisortaq perorsaanikkut aqutsisutut, ataqatigiissaarisutut qitiusumik inissisimavoq, aammalu innuttaasut, peqatigiiffiit, suleqatit suliffeqarfiillu taassuma ataaniittut suleqatiginerisigut kommunip anguniagaanut piviusunngortitsissalluni.

Suliassamut pissanganartumut tassunga peqataarusuppit?

27. juli 2020
Suliffik takujuk
Job
Sisimiuni Nalunnguarfiup atuarfia Ikaarsaarfimmut ilinniartitsisunik marlunnik pissarsiorpoq

(sisamaniit arfineq-marluk tikillugit ukiulinnut) ikaarsaariarfimmut ilinniartitsisut marluk aggustip aallaqqaataani isumaqatigiissuteqarnikkulluunniit atorfinittussat

24. juli 2020
Suliffik takujuk
Job
Qeqqata Kommunia Maniitsumi Sundhedsassistentimik

Qeqqata Kommuniani Atugarissaarnermut immikkoortortaqarfik, Utoqqat angerlarsimaffiat Neriusaami sundhedsassistentimik sulisussarsiorpoq.

Utoqqaat angerlarsimaffiat Neriusaaq 2008-mi ammarneqarpoq. 44-nik inissaqartitsivugut assigiinngitsunik pisariaqartitalinnik. Illu arfinilinnut agguataarneqarpoq, sulisulli ikioqatigiillutik sulisarput.
Angerlarsimaffik ineriartornermik pingaartitsisuuvoq, naleqartitat pingaartitallu aallaavigalugit sullissineq ingerlanneqartarpoq.

22. juli 2020
Suliffik takujuk
Job
Neriusaamut igaffimmi aqutsisup tullersortissarsiorneq
22. juli 2020
Suliffik takujuk
Job
Maniitsumi Angajumi suli atualinngitsunut Isumaginninnermi Socialhjælper/Socialassistentimik pissarsiorneq

Meeqqerivik Atualertussalerivik “Angaju” meeqqanut 40-nut inissaqarpoq, meeqqanut 4 – 6 ukiulinnut, ininullu pingasunut agguataarneqarsimasunik.
Pitsaaqutaassaqaaq marlunnik oqaaseqartuuguit, aamma Meeqqerivitsialammi Tunngaviit 7 ilisimasaqarfigigukkit.

22. juli 2020
Suliffik takujuk
Job
Perorsaasoq ataaseq socialhjælper/socialassistentillu pingasut Maniitsumi Aanikasimmut

Maniitsumi meeraateqarfinngortussamut “AANIKASIK”-mut sulisussarsiorpugut perorsaasutut, tassungaluunniit assingusumik, ilinniarsimasumik ataatsimik, aammalu socialhjælper/socialassistentitut ilinniarsimasunik pingasunik.

Meeqqerivik Atualertussalerivik“AANIKASIK” meeqqanut 54-nut inissaqarpoq, meeqqanut 0 – 5 ukiulinnut, ininullu sisamanut agguataarneqarsimasunik.
Sulisut eqqiaasoq ilanngullugu 14,25 inuttaqartoq.

22. juli 2020
Suliffik takujuk
Job
Atuartut angerlarsimaffianut, Maniitsumi Igaffimmi aqutsisumik pissarsiorpoq

Qeqqata Kommuniata atuartut angerlarsimaffiannut Maniitsumi Igaffimmi aqutsisumik piffissaq tamakkerlugu atorfeqartussamik pissarsiorpoq.

Qeqqata Kommuniata atuartunut angerlarsimaffiani ukiumi atuarfiusumi 2020/21-mi atuariartortut najugaqartissavaat 12-it, 13-niniit 17-t tikillugit ukiullit. Taakkua Atuarfik Kilaaseeqqami 9. aamma 10. klassemi atuartuupput. Najugaqartut nunaqarfinniit ukunaneersuupput: Sarfannguit, Itilleq, Napasoq aamma Atammik. Sulisut tassaapput pisortaq ataaseq, tullersorti ataaseq, perorsaasut pingasut igaffimmilu aqutsisoq ataaseq kiisalu unnuarsiortut 1½, sapaatit akunneranut 40 tiimi paarlakaallutik suliffeqartut.

22. juli 2020
Suliffik takujuk
Job
Qupanuk-mut peqqissaanerup iluani ilinniagalinnik

Utoqqaat angerlarsimaffiat Qupanuk marlunnik immikkoortortaqarpoq, puigortunngortut paaqqutarisariallillu, najugaqartunullu 42-inut qasuersaartumullu ataatsimut inissaqarpoq. 2019-ip ukiaani puigortunngortunut immikkoortortaq matoqqasumik ilaneqarpoq. Najugaqartut amerlanersaat paaqqutarisariaqartuupput.
Utoqqaat angerlarsimaffiat Qupanuk sulisunut 69-inut amerlassusiligaavoq, taakkunannga 45-it paaqqutarinnittuullutik.

Utoqqaat angerlarsimaffiat Qupanuk peqqissaanerup iluani ilinniagalinnik taartissarsiorpoq atorfiit inuttalerneqartussat tungaannut. Sapaatip akunneranut tamakkiisoq, sap. ak. akunnerit 40-t aammalu sapaatip akunnera allortarlugu sapaatit akunnerisa naanerani sulisoqartassalluni. Paarlakaattumik pigaartuusarnissaq naatsorsuutigineqarsinnaavoq.

21. juli 2020
Suliffik takujuk
Job
Majoriaq Sisimiut Siunnersuisarnermi piginnaanngorsaanermilu Overassistentissarsiorpoq

Majoriaq Sisimiut overassistentissarsiorpoq pingaarnertut ilinniartut inaannik suliaqartussamik.
Atorfik Majoriami immikkoortortami aqutsisumut attaveqartassaaq.

Ilinniartut inaannut immikkoortortap ataani ilinniartunut inissiat 70-iupput. Ilinniartut inaannut immikkoortortap ilinniartut inai pillugit allaffissorneq isumagisarpaa.

20. juli 2020
Suliffik takujuk
Job
Aningaasaaqarnermut Innikkoortortami Kontorfuldmægtig-mik pissarsiorpoq

Aningaasaqarnermut Immikkoortortaq atorfinnut sisamanut aalajangigaavoq: Immikkoortortami pisortaq, 2 kontorfuldmægtig, Overassistentilu.

17. juli 2020
Suliffik takujuk
Job
Sisimiuni Utoqqaat Angerlarsimaffiat QUPANUK puigortunngortut immikkoortortami aqutsisumik pissarsiorpoq

Immikkoortortami aqutsisutut sulerusuppit, utoqqarnillu sullissinissat nuannaraajuk kiisalu namminersorlutit sulisinnaallutit?
Sisimiuni Utoqqaat angerlarsimaffiat immikkoortortanut marlunnut agguataagaavoq: Paaqqutarinniffik puigortunngorsimasunullu immikkoortortaq, immikkoortortallu taakkua marluk tamarmik immikkut immikkoortortami aqutsisumit aqunneqarput:
- Paaqqutarinniffik najugaqartunut 22-nut inissaqartitsivoq ataaserlu qasuersaarfiulluni
- Puigortunngorsimasunut immikkoortortaq najugaqartunut 20-nut inissaqartitsivoq, immikkoortortarlu marlunnut avitaalluni, immikkut matoqqasumik eqqissisimatitaq aappalu ammasoq

17. juli 2020
Suliffik takujuk
Job
Maniitsumi nipilersornermik ilinniarfimmut ilinniartitsisoq

Maniitsumi nipilersornermik ilinniarfik pattagissamut noqartilimmut aammalu/imaluunniit agiarnermut, erinarsornermut/erinarsoqatigiinnermut, ataatsimut nipilersoqatigiinnermut ilinniartitsisussarsiorpoq. Qinnuteqartup piginnaasai naapertorlugit ilinniartitsineq aaqqissuunneqassaaq.
Ilinniartitsisoq Nipilersornermik ilinniarfimmi pisortamut attaveqartuussaaq.

16. juli 2020
Suliffik takujuk
Job
Allagarsiuteqqitaq: Assistentimik Kangaamiut immikkoortortaqarfiani pissarsiorpoq

Qeqqata Kommuniani Kangaamiut immikkoortortaqarfiata allaffiani assistentitut atorfik inuttassarsiuunneqarpoq.
Immikkoortortaqarfimmi allaffik allaffimmi aqutsisutut, nunaqarfileriffittut, Ilaqutariinnermi Immikkoortortaqarfimmi sulisoq ullullu affaanut pinaveersaarititsinermi ataqatigiissaarisutut atorfeqarfiuvoq.

15. juli 2020
Suliffik takujuk
Job
Allagarsiuteqqitaq - Kangerlussuup sullissiviani Allaffimmi aqutsisumik

Kangerlussuup sullissiviani Allaffimmi aqutsisutut atorfik inuttassarsiorneqarpoq.

Sullissivimmi atorfiit tulliuttutigut amerlassusiligaapput, allaffimmi aqutsisoq, isumaginninnermut siunnersorti, sunngiffimmi pinaveersaartitsinermillu sullissisoq, allaffimmiuuneq, bygningskonstruktøri aamma handymandi. Suliffik tamatigoortuuvoq sukannersunik killeqanngitsoq, Suliffiullu iluani eqaatsumik sulisinnaaneq Kangerlussuarmilu innutaasunut qanimut sullissisinnaaneq pioreerluni.

15. juli 2020
Suliffik takujuk

Qeqqata Kommuniani meeqqat atuarfianni atorfininniarluni qinnuteqaat