airplanebooksbriefcase business cogs cross election entertainment fish house law lockmedicalpeopleselfservices socialtax

Atorfiit inuttassarsiorneqartut

Atorfiit inuttassarsiorneqartut Qeqqata Kommuniani
Job
Sisimiuni Attaveqaqatigiinnermi suleqataasussamik misilittagaqarluartumik pissarsiorpoq

Qeqqata Kommuniani Atuilluartuunissakkut siunnersortimut attaveqaqatigiinnermut misilittagalimmut atorfik pissanganartoq inuttassarsiorneqarpoq.

Atuilluartuunissakkut siunnersorti aaqqissuussami nikerarsinnaasumi kiisalu innuttaasunik sullissiviusumi, Attaveqaqatigiinnerup iluani suliat akimorlugit kiisalu ataqatigiissumik sulinermik qulakkeerisinnaassasoq kissaatigaarput.

18. december 2019
Suliffik takujuk
Job
Qeqqqata Kommunia Sisimiuni Atugarissaanermut pisortaanermik Pissarsiorpoq

2020-imi februaarip aallaqqaataanit
isumaqatigiissuteqarnikkulluunniit atorfinittussamik, Atugarissaarnermut pisortaanermik Qeqqata Kommunia pissarsiorpoq.

Sisimiuni Maniitsumilu Atugarissaarnermut Immikkoortortat (ilaqutariinnermut immikkoortortat) marluusut assigiissaarnissaat Atugarissaarnermut pisortaanerup qulakkiissavaa, aammalu periusissanut, takorluukkanut politikkinullu oqaasertaleeqataasassalluni, kiisalu Kommunimi pisortaanermut aammalu Ilinniartitaanermut Aningaasaqarnermullu pisortaanermut qanimut suleqateqassalluni.

Taamaalillunilu Atugarissaarnermut pisortaanertut sulineq annertuumik suliamut ilisimasaqarnissamik piumasaqaateqassaaq, isumaginninnikkullu suliniuteqarnerup annertuumik ukkatarineqarnissaanut kiisalu aaqqissuussami innuttaasunik sullissiffiusumi eqaatsuusumilu suliat akimorlugit ataqatigiimmillu suliniuteqarnissamik pingaartitsisumi, Kommunimi pitsaasumik aningaasaqarnikkut ineriartortuarnissaanut attuumassuteqartorujussuussalluni.

Pisortaaneq ataqqinaateqarluarnikkut kiisalu oqartussaassuseqartutut pitsaasumik oqaloqatiginninnermik aqutseriaaseqarsinnaassasoq, tamatumalu saniatigut politikkikkut allaffissornikkullu anguniagassat pingaarnerit attatiinnarneqarnissaanik ukkataqarsinnaassasoq naatsorsuutigineqarpoq.

Qeqqata Kommuniata ”Inuunerinneq – inuuneq tamaat” ukkatarivaa, tassuunakkullu meeqqat isumassorneqarnissaat illersorneqarnissaallu kiisalu utoqqaat pitsaasumik inuuneqarnissaasa attatiinnarneqarnissaat qulakkeerneqassallutik. Meeraq qitiutillugu siornatigut ataatsimoorussamik suliniutaasumut, ’Qeqqata Kommuniani najoqqutassiaq’-ssami aallaavigineqassaaq, inuttullu atukkanut pitsanngorsaaqataassalluni. Taamatuttaaq pingaartipparput innuttaasut innarluutillit, utoqqaat, kiisalu puiortunngorsimasut isumassorluarneqarnissaat

16. december 2019
Suliffik takujuk
Job
Qeqqata Kommuniani Sisimiuni Sulisoqarnermut immikkoortortaqarfimmi Sulisoqarnermut siunnersortitut- taartaagallartutut atorfik inuttasarsiuunneqarpoq

Qeqqata Kommuniani Sulisoqarnermut immikoortortami pissanganartunik suliassartaqartumi suleqatigiinnut peqataarusuppit. Piginnaasalimmik pimoorussilluartumillu piaartumik isumaqatigiinnikkulluunniit sulisussarsiorpugut.

Sulisoqarnermut immikkoortortami Qeqqata Kommuniani - Sisimiuni Maniitsumi kiisalu nunaqarfinni allaffissornikkut suliffeqarfinnilu pisortanik siunnersuisarpugut. Sulisoqarnermut tunngatillugu inatsisilerinermi apeqqutit pillugit aqutsisunik suleqateqarluta oqaloqateqartarpugut, inatsisillu malillugit allaffissornikkut sulisoqarnermut suliat isumaqatigiissutilerinikkut, atorfillit pillugit inatsisilerinikkut, sulianik suliarinnittarneq pillugu inatsisilerinikkut allatigullu attuumassuteqartunik inatsisilerinikkut eqqortumik ingerlanneqarnissaanut qulakkeerinnissalluta.

6. december 2019
Suliffik takujuk
Job
Sisimiuni Innuttaasunik sullissivik overassistentissarsiorpoq

Qeqqata Kommuniani Sisimiuni Innuttaasunik sullissivimmi overassistentitut atorfik inuttassarsiorneqarpoq.
Innuttaasunik sullissivik atorfinnut arfinilinnut aalajangigaavoq: immikkoortortami pisortaq overassistentillu tallimat.

25. november 2019
Suliffik takujuk
Job
Qullersaqarfimmi allatseqarfik kontorfuldmægtige-mik pissarsiorpoq

Qeqqata Kommunia Sisimiuni qullersaqarfimmi allatseqarfimmut kontorfuldmægtige-mik pissarsiorpoq. Allatseqarfimmi pisortap ataanut sulisoq atorfinitsinneqassaaq.

Allatseqarfik immikkoortortaqarfiuvoq, pingaarnertut politikerinik kiffartuussisarfiusoq. Qullersaqarfimmi allatseqarfik allaffeqarfimmi immikkoortortani tamani sullissisuuvoq. Fuldmægtigitut ulluinnarni sulinermi politikerit aalajangiussaat tunngavigalugit ineriartortitsinermik suliniutinillu aallartitsinermik suliaqartassaatit kiisalu suliassanik assigiinngitsunik ikorfartuinermik naammassinninnermillu suliaqartassallutit.

Allatseqarfimmi suleqataasutut suliffimmik piffiit ilaanni pilertortumik aamma piffissaalatsilluni isumagisassanik suliassaqarfiusumut nuannarinnittuussaatit. Politikerit inuillu assigiinngitsorpassuit akornanni aamma piffissap ingerlanerani suliniutit ilusaasa imarisaasalu allanngorfigisinnaasaanni sulineq nuannarissavat.

31. oktober 2019
Suliffik takujuk
Job
Sulisoqarnermut pisortaq

Qeqqata Kommuniani Sulisoqarnermut pisortatut atorfik inuttassarsiorneqarpoq.

HR-mi immikkoortortaqarfik Sulisoqarnermut pisortamik pikkorissumik piginnaasalimmillu piaartumik isumaqatigiissuteqarnikkulluunniit pissarsiorpoq. Ulapaartuaannartuuvugut, utaqqikutsoorsinnaavatsigilli. HR-imi sulisut arfiniliupput, sisamat Sisimiuni inissisimallutik, Maniitsumi ataaseq kiisalu ilinniartoq.

30. september 2019
Suliffik takujuk
Job
Sisimiuni inissisimasumut kommunip qullersaqarfianut QEQQATA KOMMUNIA KOMMUNIMI PISORTAANERMIK pissarsiorpoq.

INUIAQATIGIINNIK INERIARTORTITSEQATAARUSUPPIT?

2009-imi januaarip aallaqqaatani Sisimiut Maniitsullu kommunerisimasaasa kattunneqarneratigut Qeqqata Kommunia pilersinneqarpoq. Qeqqata Kommuniani inuit 10.000 missaaniittut najugaqarput.
Ukiut arlaqartut piareersaasoqareerluni, Qeqqata Kommunia Namminersorlutik Oqartussallu suliamut ilisimasalinnik suleqateqarlutik, Aasivissuit - Nipisat 2018-ip aasaanerani UNESCO-p Nunarsuarmioqatigiinnut kingornussassanut ilanngutitippaa, taamaalillunilu Kalaallit Nunaanni nunarsuarmioqatigiinnut kingurnussasaasut pingajuulluni. Tamatuma saniatigut Kangerlussuarmiit Sisimiut tungaanut nunaannakkut aqqusinniornissamut, kommunimut ineriartortitsinissamut suliniut pingaaruteqartoq suliarineqarpoq, immikkoortunik akuersissutinik arlalinnik tapertaqartoq, soorlu Maniitsup eqqaani qulimiguulimmik sisorariarneq, Sisimiut eqqaani akuersissuteqarluni sisorartitsisarfik, Maniitsup Sisimiullu akornanni kitaatungaani sineriak sinerlugu eqalunniarfiit, taamatullu Kangerlussuarmi tammajuitsussarsititsilluni piniartitsisarneq. Taamaalillunilu Qeqqata Kommunia aningaasaqarnikkut pitsaalluinnartumik ineriartorluni.

Qeqqata Kommunia immikkuullarissumik pinngortitami nunataqarluni, kulturikkut nalissaqannginnermigut, taseqarnermigut, assigiinngissitaartumik uumasoqarluarnermigut kiisalu illoqarfinni imaannaanngitsumik avatangiiseqarnermigut ilisarnaateqarpoq. Kommuni Kalaallit Nunaata kitaata qeqqani inissisimavoq, taamaalillunilu inuiaqatigiinni nunat assigiinngitsut akornanilu attaveqarnermut tunngatillugu qitiusumik inissisimavoq, taamaalillunilu kommuni nunasivigissallugu orniginartuulluni. Tamatuma saniatigut ilinniarnissamut arlaqartutigut periarfissaqarpoq. Tamakku tamaasa ataatsimoortinneqarneratigut kommunip siunissami ineriartornissaanut pitsaasumik aallaaviupput. Qeqqata Kommuniani nuna annertooq, tikikkuminartoq sikujuitsuusorlu isumalluutaavoq pingaaruteqartoq, isumalluutinillu qajassuussilluni atuilluarnissaq illersuinissarlu pingaaruteqarpoq. Nunaannaq Kalaallit Nunaani atuilluartumik aningaasaqarnermik pilersitseqataasuuvoq.

24. september 2019
Suliffik takujuk
Job
Qeqqata Kommunianut Kommunimi Pisortaaneq


Sisimiuni inissisimasumut kommunip qullersaqarfianut Qeqqata Kommunia kommunimi pisortaanermik pissarsiorpoq.

19. august 2019
Suliffik takujuk
Job
Sisimiuni Meeqqanut aamma ilaqutariinnermut immikkoortortamut inuussutissarsiutigalugu ilaqutariit paarsisartut pingasut.

Piaartumik isumaqatigiissuteqarnikkulluunniit atorfinittussamik Qeqqata Kommunia nutserisumik/oqalutsimik pissarsiorpoq.
Allattariarsornikkut nutserinerit kiisalu toqqaannartumik oqaloqatiginninnernilu oqaluttaasarnissat suliassaapput.
Kalaallisut qallunaatullu oqaluinnarnikkut allattariarsornikkullu piginnaasaqarnissaq qinnuteqartumut piumasaqaataavoq.
Qarasaasiamik allattariarsornermi nalinginnaasumik atuisinnaaguit iluaqutaassaaq.

9. august 2019
Suliffik takujuk

Qeqqata Kommuniani meeqqat atuarfianni atorfininniarluni qinnuteqaat