airplanebooksbriefcase business cogs cross election entertainment fish house law lockmedicalpeopleselfservices socialtax

Atorfiit inuttassarsiorneqartut

Atorfiit inuttassarsiorneqartut Qeqqata Kommuniani
Job
Maniitsumi Pilersaarusiornermut sulisussarsiorpoq

Qeqqata Kommuniata Maniitsumi teknikkimut avatangiisinullu Immikkoortortami illuliornermi pilersaarusiornermi nunaminertanullu tunngasunik sullissisutut atorfik inuttassarsiuupparput.
Maniitsumik Teknikkimut Avatangiisimullu immikkoortortaqarfik maannakkut arfinilinnik sulisoqarpoq.

14. februar 2020
Suliffik takujuk
Job
Igaffimmi aqutsisup tullersortaatut Neriusaaq Maniitsumi

Igaffimmi tullersortitut, Maniitsumi Utoqqaat Innarluutillillu angerlarsimaffiani, Neriusaami

Atorfik igaffimmi ningiup tullersortaatut inuttaqanngitsoq inuttassarsiupparput.

10. februar 2020
Suliffik takujuk
Job
Atuarfimmi aqutsisussamik Atammiup atuarfianut; immikkut isumaqatigiissuteqarluni atorfinittoqarsinnaalluni

Atuarfimmi aqutsisussarsiorpugut Atammiup atuarfianut 1. marts 2020-miit
Nuup Maniitsullu akornanni Atammik inissisimavoq, imaatigut angallannikkut anguneqarsinnaasoq. Atammik 200-t angullugit inuttutigaaq, taakkunanngalu 23-t missaaniittut atuartuullutik. Klassinut pingasunut, immikkullu atuartitsinermut klassimut ataatsimut agguataagaallutik, atuarfinni 1. - 8. klassit atuartuupput. Atuartut 9. - 10. klassimi atuartussanngortillutik, Maniitsumi Qeqqata Kommunip atuartunut angerlarsimaffianut nuuttarput, Atuarfik Kilaaseeqqamilu atuartarlutik. Atuarfik tallimanik ilinniartitsisoqarpoq, aqutsisoq ilanngullugu.

29. januar 2020
Suliffik takujuk
Job
Maniitsumi atuarfiit nutarterneqarnissaannut Qeqqata Kommunia sanaartortitsisutut siunnersortissarsiorpoq / sanaartornermik nakkutilliisussarsiorpoq

Atuarfik Kilaaseeraq annertuumik ukiorpaaluillu ingerlanerini nutarterneqartussanngorpoq. Kangaamiuni atuarfiup nutarterneqarnissaa aallartisarneqalerpoq. Taamaattumik suliassanut taakkununnga siunnersortaasinnaasumik / nakkutilliisuusinnaasumik Qeqqata Kommunia pisariaqartitsivoq.

Atuarfiit nutarterneqarnerat naammassippata, sanaartortitsisutut siunnersorti Teknikkimut Avatangiisinullu Immikkoortortami aalajangersimasumik atorfininnissaminut periarfissaqassaaq.

Aaqqissuussaanikkut atorfik Maniitsumi Ilinniartitaanermut immikkoortortami Ilinniartitaanermut pisortap ataaniissaaq, taamaakkaluartorli Teknikkimut Avatangiisinullu Immikkoortortaq qanimut suleqatigineqassalluni.

29. januar 2020
Suliffik takujuk
Job
Erninermut atatillugu meeqqanut ilaqutariinnullu sullissisutut paarlaasussamik Maniitsumi

Qeqqata Kommuniani Ilaqutariinnermut immikkoortortaq Maniitsoq, Isumaginninnermi siunnersortinik sullarissunik piumassuseqarluartunillu erninermut atatsillugu paarlattaasussamik pissarsiorpoq.

Suliffeqarfik Qeqqata Kommunia, Ilaqutariinnermut immikkoortortaq, inunnik sullissinermi inatsit suliamut atuumassuteqartut aallavigalugit sulineq ingerlanneqartarpoq, sulisutut aammalu inuttut inuttaasunik sullissinerup iluani inerisarnissaanut periarfissatsialak, taamaappat illiuvutit atorfissaqartinneqartoq.

Ilaqutariinnut immikkoortortaq 23-nik sulisoqarpoq imatut agguataagaasunik, Pisortatigut ikiorsiinermi immikkoortoq, Allatseqarfik, Innarluutilinnut immikkoortoq tassani sullinneqartut Inuit innarluutillit, Utoqqaat, siusinaartumik pensionisianik pisartagaqarsinnaatitaalernikut, Meeqqanut Ilaqutariinnullu immikkoortoq

Atorfik inuttassarsiorneqartoq inissisimassapput meeqqanut ilaqutariinnullu immikkoortumi, tassani siunnersortinut aqutsisoq ilanngullugu arfineq-pingasunik sulisoqarsinnaavoq. Ilaqutariinnut meeqqanullu immikkoortumi sullissineq immikkoortunut marlunnut immikkoortinneqarnikuupput, (Team 1) ernumaatit kiisalu Ilaqutariinnik sullissisut, (Team 2) meeqqat angerlarsimaffiup avataanut inissinneqarnikut kiisalu Ilaqutariit paarsisartunik sullissineq.
Atorfik paarlaasusut sulinissamut inuttassarsiuunneqartut Team 2-imi meeqqat angerlarsimaffiup avataanut inissinneqarsimasunut suliaqartussaq.

29. januar 2020
Suliffik takujuk
Job
Maniitsumi Miljøarbejder-itut atorfik inuttassarsiorneqarpoq inuusuttunut qanimut sullissisussamik

Atorfik ataaseq inuusuttunut najugaqatigiiffimmi inissisimalluni Ilaqutariinnut inerisaaviup ataani.
Maannakkut inuusuttunut najugaqatigiiffik Sisamanik sulisoqareerpoq.

24. januar 2020
Suliffik takujuk
Job
Sisimiuni Ilinniartitaanermut pisortaaneq

2020-imi marsip aallaaqqaataanit isumaqatigiissuteqarnikkulluunniit atorfinittussamik, Ilinniartitaanermut pisortaanermik Qeqqata Kommunia pissarsiorpoq.
Pisortaanermik takorluugalimmik iliuuseqarsinnaasumillu pissarsiorpugut, ilitsoqqussaralugu ersarissumik aqutsilluarsinnaasumik, aqqutissiuisuulluni pisortaqatigiit peqatigalugit politikkikkut allaffissornikkullu anguniagassanik atuutilersitsisumik.

Ilinniartitaanermut pisortaaneq Sisimiuni Maniitsumilu ilinniartitaanermut immikkoortortanut ataqatigiissitsisuussaaq, aammalu periusissianut, takorluukkanut politikkinullu oqaasertaleeqataasassalluni, aammalu Kommunimi pisortaaneq kiisalu Atugarissaarnermut pisortaaneq qanimut suleqatigissallugit. Ilinniartitaanermi pisortaaneruttaaq Kommunip aningaasaqarneranut ulluinnarni Aningaasaqarnermut pisortamit akisussaaffigineqartoq akusussaaffigissallugu.

Ilinniartitaanermut pisortaanertut suliffik ilinniartitaanermut sunngiffimmilu pisunik siammasissumik ukkataqarfigineqassaaq. Tassa imaappoq, atualertussaleriffimmik, meeqqat atuarfiinik, kulturikkut sunngiffimmilu ulluunerani neqeroorutinik aamma suliffissaqartitsiniarnermut immikkoortumi peqqinnartumik inuuneqarnissaq, atuilluartuunissaq kiisalu ataqatigiissumik akimortumik suliniuteqarnerup ineriartortinneqarnissaanik suliaqassaagut.

Qeqqata Kommuniata aningaasaqarnera patajaatsuuvoq, aningaasaqarnikkut sukangasuumik aqutsinermik piviusunngortitsinissamillu ukkataqartoq.
Assigiinngisitaartumik atuartitsinerup, digitaliseriinermut, oqaatsitigut nunarsuarmioqataanerulernissamullu, atuarfiup-angerlarsimaffiullu akornanni suleqatigiinnermut, aqutsisunik ineriartortitsinermik kiisalu meeqqat atuarfiinik ineriartortitsinissamik Kommuni immikkut ukkataqarpoq.

21. januar 2020
Suliffik takujuk
Job
Qeqqata Kommunia Qeqqata MISI-mut (PPR) Tarnit pissusiinnik ilisimasalimmik pissarsiorpoq

Qeqqata Kommuniani Qeqqani MISI / PPR tarnit pissusiinik ilisimasalimmik, Sisimiuni inissaqartitsinissamut periarfissaqarluni atorfinittussamik pissarsiorpoq.

Qeqqani MISI Sisimiuni atugassaqartitaalluni inissisimavoq aammalu atuarfimmi tarnip pissusiinik ningiumik, tarnit pissusiinik ilisimasalimmik, oqalunniarnermt tusaaniarnermut siunnersortimik, allaffimmi overassistentimik kiisalu Maniitsumi perorsaanikkut tarnit pissusiinik ilisimasalinnik marlunnik inuttaqarpoq.

Meeqqanut inuusuttunullu siusissukkut kiisalu immikkut pisariaqartitsisunut pinaveersaartitsinissaq, tapersersorteqartitsinissarlu immikkut sammisaralugit, Qeqqani Misi / PPR-ip meeqqat ukioqanngitsunit 18-it tikillugit sullitassarai.

Qeqqani MISI-ip illoqarfiit Maniitsoq aamma Sisimiut kiisalu nunaqarfittai arfinillit sullitarai, taamaattumik angalasarnissaq naatsorsuutigineqassalluni.

20. januar 2020
Suliffik takujuk
Job
Sisimiuni Ilinniartitaanermut immikkoortumi perorsaanermut siunnersorti

Qeqqata Kommuniani Sisimiuni Ilinniartitaanermut immikkoortumi perorsaanermut siunnersorti inuttassarsiuunneqarpoq.

Meeqqanut soqutiginnittuuviit aammalu meeqqerivinni Meeqqerivitsialak ineriartortinneqarnissaanut peqataallutit suleqataarusuppiit.

Sisimiuni, Kangerlussuarmi, Sarfannguani aamma Itillimi 13-inik meeqqeriveqarfiusumi, 140-nik sulisulimmi meeqqanullu 637-nut inissalimmi suliffeqartussamik, Sisimiuni Ilinniartitaanermut immikkoortoq, Meeqqerivinnut allaffeqarfik 2020-imi marsip aallaqqaataani sulilersussamik perorsaanermut siunnersortissarsiorpoq. Aamma sisamanik dagplejereqarpoq.

Meeqqanut, Atuarfinnut, kulturimut sunngiffimmullu immikkoortortanut tamanut sullissisumut, ilinniartitaanermut immikkoortumut ilaassaatit. Allatseqarfimmi sulisut arfineq-marluuvugut, inuttaasunik sullissisuulluta aammalu Ilinniartitaanermut ataatsimiititaliap ataanilluta.

20. januar 2020
Suliffik takujuk
Job
Maniitsumi Pitsaaliuinermi siunnersorti

Maniitsumi Ilaqutariinnermut Immikkoortortap ataani Ilaqutariinnut Inerisaavik-imi
sulisartussamik pitsaaliuinermi siunnersortitut atorfik inuttassarsiuunneqarpoq. Illoqarfimmi nunaqarfimmilu sulianut attuumassuteqarlutik suleqatit qanimut suleqatigalugit, pitsaaliuinermi siunnersortip pinaveersaartitsinikkut peqqinnerulersitsinissamillu suliniuteqartarluni, siammasissumik suliaqartarpoq.
Pitsaaliuinermi siunnersortip Maniitsumi Ilaqutariinnut Inerisaavimmi pisortaq qaninnertut pisortarivaa.

20. januar 2020
Suliffik takujuk
Job
Maniitsumi Ilaqutariinnermut immikkoortortap allattoqarfia overassistentissarsiorpoq

Qeqqata Kommuniani Maniitsumi Ilaqutariinnermut immikkoortortami overassistentitut atorfik inuttassarsiorneqarpoq.

Ilaqutariinnermut immikkoortortami allatseqarfik atorfinnut pingasunut aalajangigaavoq: immikkoortortami aqutsisoq, overassistent assistent-ilu.

10. januar 2020
Suliffik takujuk
Job
Sisimiuni Meeqqerivinnut allaffeqarfik angerlarsimaffimmi paarsisartumik piaarnerpaamik sulilertussamik pissarsiorpoq
10. januar 2020
Suliffik takujuk
Job
Ilaqutariinnermut immikkoortortap ataani Ikiorsiisarnermut immikkoortortami Tigooraavimmi sullissisoq

Sisimiuni Ilaqutariinnermut immikkoortortap ataani Ikiorsiisarnermut immikkoortortami Tigooraavik sullissisumik pissarsiorpoq, tassani innuttaasut Ilaqutariinnermut immikkoortortamut saaffiginnittut isumagineqartarlutik, kiisalu innuttaasut pisortaniit ikiorsiissutinik pisartagallit pisartagaqalertussalluunniit sullinneqarnissaannik nassaartoqartassalluni.
Ikiorsiisarnermut immikkoortortaq atorfinnut pingasunut inuttaligaavoq: Immikkoortortami aqutsisoq ataaseq sullissisullu sisamat.

Ilaqutariinnermut immikkoortortap ataaniipput Ikiorsiisarnermut immikkoortortaq, Utoqqarnut immikkoortortaq, Meeqqanut inuusuttunullu immikkoortortaq, Innarluutilinnut immikkoortortaq Allatseqarfillu.

Ilaqutariinnut immikkoortortaq sulisunut katillugu 25-nut amerlassusiligaavoq, tassanilu tullersorti ilaqutariinnermullu pisortaq ilaallutik.
Ikiorsiisarnermut immikkoortortap Meeqqanut inuusuttunullu immikkoortortaq, Utoqqarnut immikkoortortaq, Suliffissarsiuussisarfik Majoriarlu qanimut suleqatigai.

Taassuma saniatigut Ilaqutariinnermut immikkoortortami tamani qanimut suleqatigiinneqarpoq ataatsimoorussamik suliat pillugit ataatsimeeqatigiittoqartarlunilu aammalu nunaqarfimmi allaffiit ataatsimeeqatigineqartarlutik.

9. januar 2020
Suliffik takujuk
Job
Sisimiuni Meeqqerivinnut allaffeqarfimmi pisortaq

Sisimiuni meeqqerivinnut allaffeqarfimmi pisortatut atorfik pissanganartoq inuttassarsiuunneqarpoq. Atorfik Sisimiuni inissisimavoq aaqqissuussaanikkullu Sisimiuni ilinniartitaanermut pisortap ataani inissisimavoq. Ilinniartitaanermi immikkoortortaq makkuninnga sullitaqarpoq; meeqqeriviit, atuarfiit, Majoriaq kiisalu kultureqarnermut sunngiffimmilu sammisanut immikkoortortaq.
Meeqqerivinnut allaffeqarfimmi pisortaq, meeqqeriveqarnerup iluani politikkikkut anguniakkat suliutigineqartunullu akuutitsinissamut tunngavissamik qulakkeerisoq kissaatigaarput, taamaalillunilu meeqqanut tunngasut iluanni ineriartortitsinermut suliniutinullu tunniussaqarsinnaasoq. Meeqqat pillugit akimortumik suleqataanikkut innuttaasunillu suleqateqarnikkut akuutitsinikkullu, meeqqat pitsaasumik inuuneqalernissaanut sammivimmik meeqqeriveqarfimmi allaffimmi pisortaq sammiviliissaaq.

6. januar 2020
Suliffik takujuk
Job
Qeqqata Kommunia Sisimiuni Teknikkimut Avatangiisinullu immikkoortortaqarfik allatseqarfimmi aqutsisussarsiorpoq

Maniitsoq ineriartupiloorpoq, ukiunilu qaninnerni sanaartornerit amerliartulersimapput. Taamaammat Maniitsumi sulisugut amerliartortillugit Teknikkimut Avatangiisinullu Sanaartornermi ingeniørimik/-konstruktørimik suleqatissarsiorpugut. Sanaartornermi ingeniøritut/-konstruktøritut periarfissinneqassaatit annertuunik sanaartornermi peqataasinnaanissannut, soorlu aqqusinniorneq, sanaartorfissagissaaneq, illoqarfiup ilassutissaanik nutaamik pilersaarusiornermi peqataaneq allarpassuillu.

Atorfik Maniitsumi Teknikkeqarnermut Avatangiisinullu pisortap ataani Teknikkeqarnermut Avatangiisinullu immikkoortortami inissisimavoq.

Teknikkeqarnermut Avatangiisinullu Immikkoortortaq Maniitsumi arfinilinnik sulisoqarpoq.

6. januar 2020
Suliffik takujuk
Job
Piffissap ilaani pinaveersaartitsisumik, piffissallu ilaani allaffimmi ikiortissamik Sarfannguani pissarsiorneq

Qeqqata Kommunia piffissap ilaani pinaveersaartitsisussamik, piffissallu ilaani allaffimmi ikiortissamik pissarsiorpoq.
Taamaalilluni atorfik piffissaq tamakkerlugu atorfiussaaq.

Pinaveersaartitsinermi allaffissornermilu akimortumik ataqatigiissitamillu suliniuteqarnissamik sulisup qulakkeerinninnissaa kissaatigaarput.

31. december 2019
Suliffik takujuk
Job
Utoqqaat angerlarsimaffiani ineriartortumi peqqissaasunut aqutsisoq

Sisimiuni Utoqqaat angerlarsimaffia Qupanuk, sulisunut akisussaanngitsumik, piffissami tamakkiisumi peqqissaasunut aqutsisussarsiorpoq, najugaqartunik naleqartitsilluni isumassuisumik paaqqutarinninnermi ukkataqarfiusumi, sulinermut peqataasinnaasoq.
Utoqqaat angerlarsimaffiani peqqissaanermik ineriartortitsinermik aqutsisuussaatit, matumani suliamik ilisimasanik qaffassaanermut peqataallutit aammalu ulluinnarni najugaqartut akornanni angalaartassallutit.
Utoqqaat angerlarsimaffiat Qupanuk marlunnik immikkoortortaqarpoq, puigortunngortut paaqqutarisariallillu, najugaqartunut 42-nut qasuersaarfissamullu ataatsimut inissaqartitsilluni. 2019-ip ukiaani puigortunngortunut immikkoortortaq matoqqasumik ilaneqarpoq. najugaqartut amerlanerpaartaat paaqqutariaqartitsisuupput, illumilu peqqissaasoqarnikkut anguniagaraarput, najugaqartut napparsimavimmukaatinngikkaluarlugit, illup iluani amerlanernik katsorsaanernik ingerlatsisinnaalissalluta.
Utoqqaat angerlarsimaffiat Qupanuk sulisunut 69-inut amerlassusiligaavoq, taakkunannga 45-it paaqqutarinnittuullutik.

31. december 2019
Suliffik takujuk
Job
Sisimiuni Angerlarsimaffinni ikiortinut Isumaginninnermi peqqinnissamut ikiortit, isumaginninnermi ikiortit imaluunniit peqqinnissamut ikiortit

Qeqqata Kommuniani Angerlarsimaffinni ikiortini ilinniarsimasunik sulisussarsiorput, isumaginninnermi peqqinnermut ikiortitut, isumaginninnermi ikiortitut imaluunniit peqqinnermut ikiortitut ilinniarsimaguit, Angerlarsimaffinni ikiortit ilinnit qinnuteqaammik tigusaqarusupput. Piaartumik atorfinitsitsisoqarsinnaavoq.

Innuttaasunik inuttut ikiorneqarnissamik paaqqutarineqarnissamillu pisariaqartitsisunik, nammineernerulersitsisinnaasunik suliassanik kiisalu nalinginnaasumillu assassorfissatigut ikiuuttarput.
Ulluinnarni nal. 8-17 nalaani sulisarput, siunissamilu unnukkut sapaatip akunnerisalu naanerini innuttaasut angerlarsimaffiini sullissisinnaalernissamik suliaqartoqarluni.

31. december 2019
Suliffik takujuk
Job
Qeqqata Kommunia Assistent-imik Kangaamiut immikkoortortaqarfiani pissarsiorpoq

Qeqqata Kommunia-ni Kangaamiut immikkoortortaqarfiata allaffiani assistent-itut atorfik inuttassarsiuunneqarpoq.

Immikkoortortaqarfimmi allaffik allaffimmi aqutsisutut, nunaqarfileriffittut, Ilaqutariinnermi Immikkoortortaqarfimmi sulisoq ullullu affaanut pinaveersaarititsinermi ataqatigiissaarisutut atorfeqarfiuvoq.

31. december 2019
Suliffik takujuk
Job
Sisimiuni Meeqqanut Ilaqutariinnullu Immikkoortortaqarfimmi Isumaginninnermi ernumaatinik suliaqartussamik siunnersorti/sullissisoq

Qeqqata Kommuniani Ilaqutariinnut immikkoortortaqarfik (Sisimiut) Isumaginninnermi ernumaatinik suliaqartussamik siunnersortimik/sullissisumik ataatsimik pissarsiorpoq.
Ilaqutariinnut immikkoortortaq 25-nik sulisoqarpoq imatut agguataagaasunik, Ikiorsiinermi immikkoortortaqarfik, Ilaqutariinnermut immikkoortortaqarfik, Allatseqarfik, Utoqqarnut immikkoortortaqarfik kiisalu Innarluutilinnut immikkoortortaqarfik. Meeqqanut Ilaqutariinnullu immikkoortortaqarfik, immikkoortortami pisortaq ilanngullugu arfineq-marlunnik sulisoqarsinnaavoq.

27. december 2019
Suliffik takujuk
Job
Qeqqata Kommuniani Sisimiuni Ilaqutariinnermut Immikkoortortami Isumaginninnermut atuarfinni siunnersortimik/sullissisumik ataatsimik

Qeqqata Kommuniani Sisimiuni Ilaqutariinnermut Immikkoortortami, Meeqqanut Ilaqutariinnullu immikkoortortaqarfimmi illoqarfiup atuarfiini marluusuni Isumaginninnermut siunnersortimik/sullissisumik ataatsimik pissarsiorpoq.

Ilaqutariinnut immikkoortortaq Ikiorsiinermi immikkoortortaqarfimmi, Ilaqutariinnermut immikkoortortaqarfimmi, Allatseqarfimmi, Utoqqarnut immikkoortortaqarfimmi kiisalu Innarluutilinnut immikkoortortaqarfimmi katillugit 25-nik sulisoqarpoq. Meeqqanut Ilaqutariinnullu immikkoortortaqarfimmi, immikkoortortami pisortaq ilanngullugu atorfiit akuerisaasut qulingiluaapput.

27. december 2019
Suliffik takujuk
Job
Sisimiuni Ilaqutariit kiffartuussiviannut hjemmehosseri

Sisimiuni Ilaqutariit kiffartuussiviannut
Ilaqutariinnermut immikkoortortami Ilaqutariit
kiffartuussivianni hjemmehoser-itut atorfik inuttassarsiuunneqarpoq.

25. december 2019
Suliffik takujuk
Job
Qeqqata kommunea pissarsiorpoq Sundhedsassistent Angerlarsimaffik Neriusaaq-mi Maniitsumiittumi

Qeqqata Kommuneani Ilaqutariinnermut immikkoortortaqarfik, Neriusaami Maniitsumiittumi sundhedsassistent-mik sulisussarsiorpoq.

Angerlarsimaffik Neriusaaq 2008-mi ammarneqarpoq. 44-nik inissaqartitsivugut assigiinngitsunik pisariaqartitalinnik. Illu arfinilinnut agguataarneqarpoq, sulisulli ikioqatigiillutik sulisarput. Angerlarsimaffik ineriartornermik pingaartitsisuuvoq, naleqartitat pingaartitallu aallaavigalugit sullissineq ingerlanneqartarpoq.

22. december 2019
Suliffik takujuk
Job
Qeqqata Kommunia Maniitsumi Miljøarbejder-itut atorfiit marluk inuttassarsiorneqarput inuusuttunut sullissisussamik

Atorfik ataaseq inuusuttunut najugaqatigiiffimmi inissisimalluni Ilaqutariinnut inerisaaviup ataani.
Maannakkut inuusuttunut najugaqatigiiffik Sisamanik sulisoqareerpoq.

20. december 2019
Suliffik takujuk
Job
Sisimiuni suliniutinut siunnersortimik misilittagalimmik Pissarsiorpoq

Qeqqata Kommuniani Sisimiuni Suliniutinut aqutsisutut atorfik pissanganartoq inuttassarsiuunneqarpoq.
Atorfik allaffissornikkut Sisimiuni inissisimavoq, Kommunimilu pisortaanerup ataani aaqqissuussaanikkut inissisimalluni.

Nunaannarmi ineriartortitsinermut, Kangerlussuup Sisimiullu akornanni aqqusinniornissamut suliniummut kiisalu nunaminertanut immikkut akuersissuteqarfiusunut suliat akimorlugit ataqatigiimmillu suliniuteqarnermi suliniutinut aqutsisoq ataqatigiissaarisuussasoq kissaatigaarput.

Kommunimi takornariaqarnikkut inuussutissarsiutitigullu periarfissanik, matumani aatsitassarsiornermut suliniutit, umiarsualivinnik annertusaanernut, Sisimiut Kangerlussuullu akornanni aqqusinnermut aammalu erngup nukinganik nukissiuuteqarnissamut periarfissanik atorluaanissamut kiisalu nunaminertanut immikkut akuersissuteqarfiusunut atorluaanissamut atatillugu, kommunip ineriartortitsinermut suliaanut, Suliniutinut aqutsisoq pingaaruteqarluinnartuuvoq.

20. december 2019
Suliffik takujuk
Job
Minngortuunguup Atuarfia pedelissarsiorpoq

Sisimiuni Minngortuunnguup Atuarfianut Qeqqata Kommunia Sisimiuni Minngortuunnguup
Atuarfiani pedelissarsiorpoq.

Nammineq sulisinnaasumik, akisussaassusilimmik unneqqarissumillu pissarsiorpugut atuarfimmi silataanilu suliassanik suliaqarsinnaasumik paarsilluarsinnaasumillu.

20. december 2019
Suliffik takujuk
Job
Qeqqata Kommunia Sisimiuni Teknikkimut Avatangiisinullu immikkoortortaqarfik allatseqarfimmi aqutsisussarsiorpoq

Qeqqata Kommunia Sisimiuni Minngortuunnguup Atuarfianut paaqqinnittarfiani pisortatut atorfik inuttassarsiorneqarpoq.

Paaqqinnittarfik ammasarpoq 07.30-miit 17.00-ip tungaanut.
Aqutsisoq ilanngullugu sulisut sisamaapput.
Atuartut 1. klassimiit 3. klasse tikillugu 07.30-miit atuariartornissaata tungaanut paarineqarsinnaasarput.
Meeqqat 1. klassemiit 5. klassi tikillugu atuarnerup nalaani pisariaqartillugu paarineqartarput.
1. klassit atuareernerup kingorna 17.00-ip tungaanut paarineqartarput
Nalinnginnaasumik piffissaq suliffissaq sapaatit
akunnerannut nal. akunnerinik 40-nik sivisussuseqarpoq.

20. december 2019
Suliffik takujuk
Job
Sisimiuni Attaveqaqatigiinnermi suleqataasussamik misilittagaqarluartumik pissarsiorpoq

Qeqqata Kommuniani Atuilluartuunissakkut siunnersortimut attaveqaqatigiinnermut misilittagalimmut atorfik pissanganartoq inuttassarsiorneqarpoq.

Atuilluartuunissakkut siunnersorti aaqqissuussami nikerarsinnaasumi kiisalu innuttaasunik sullissiviusumi, Attaveqaqatigiinnerup iluani suliat akimorlugit kiisalu ataqatigiissumik sulinermik qulakkeerisinnaassasoq kissaatigaarput.

18. december 2019
Suliffik takujuk
Job
Sukorsit Tullersortitut atorfik sulisooreersunut inuttassarsiuunneqarpoq

Meeqqat inuusuttuaqqallu Sukisaarsartarfiat Sukorsini

Qeqqata kommuniani Meeqqat Inuusuttuaqqallu Sukisaarsartarfiani Sukorsit-ni Tullersortitut atorfik suleqatigiiusut akornanni inuttassarsiuunneqarpoq.

Sukisaarsartarfik meeqqanut inuusuttuaqqanullu 6-13-nik ukiulinnut aamma 13-16-nut ukiulinnut kiisalu ulluni tallimanngorneq arfininngornerlu 21-nik ukiulinnut ammasarluni, Nalunnguarfiup atuarfiani blok 3-p naqqani inissisimalluni. Sukisaarsartarfiup siunertaraa meeqqat inuusuttuaqqallu soqutigisaat qitiutillugit ilusilersueqataalluni immersueqataassallunilu.

18. december 2019
Suliffik takujuk
Job
Ulluunerani paaqqinniittarfinni perorsaasussarsiorneq

Qeqqata Kommuniani Sisimiuni ulluunerani paaqqinnittarfinni perorsaasutut atorfiit inuttasarsiuunneqartut.

Akuleriisillugu meeqqerivik Kanaartaq
• perorsaasut pingasut
Meeqqanut 64-inut ukioqanngitsuniit arfinilinnik ukiulinnut, inini sisamani agguarsimasut. Paasissutissat pineqarsinnaapput:
Pisortaaqallartoq Jacobine Jeremiassen-imut
oqarasuaat 86 66 14

Akuleriisillugu meeqqerivik Naalu
•perorsaasut marluk
Meeqqanut 56-inut, ukioqanngitsuniit arfinilinnik ukiulinnut, inini sisamani agguarsimasut. Paasissutissat pineqarsinnaapput:
Pisortamut Lucia Nive Jeremiassen-imut
oqarasuaat 86 45 53

Akuleriisillugu meeqqerivik Nuniaffik
•perorsaasoq ataaseq
Meeqqanut 62-nut ukioqanngitsuniit arfinilinnik ukiulinnut, inini sisamani agguarsimasut. Paasissutissat
pineqarsinnaapput:
Pisortamut Johanne Davidsen-imut
oqarasuaat: 86 64 25

Akuleriisillugu meeqqerivik Ungaannguaq Sisimiut
•perorsaasut marluk
Meeqqanut 44-nut ukioqanngitsuniit arfinilinnik ukiulinnut, inini pingasuni agguarsimasut. Paasissutissat pineqarsinnaapput:
Pisortamut Haldora Lennert-imut
oqarasuaat 86 53 07

Meeqqerivik Sisi
•perorsaasoq ataaseq
Meeqqanut 52-nut ukioqanngitsuniit
Meeraaqqanut 1½-3 ukiulinnut inissat 12-lluk
Meeqqerivini 3-6-nik ukiullit: 40 – it, inissaqarput, ininullu marlunut ukioqatigiikkaarlugit avinneqarsimallutik.
Paasissutissat pineqarsinnaapput:
Pisortaamut Justine Petersen-imut
oqarasuaat 86 41 93

Akuleriisillugu meeqqerivik Uiaq
•immikkoortortami aqutsisoq ataaseq
Meeqqanut 64-nut ukioqanngitsuniit arfinilinnik ukiulinnut, inini sisamani agguarsimasut. Paasissutissat pineqarsinnaapput:
Pisortamut Bia Berthelsen-imut
oqarasuaat 38 20 85

Ornittagaq Sikkersoq
•aqutsisoq ataaseq
Meeqqanut 71-nut 2. klasse-niik 3. klasse-mut.
Paasissutissat Pineqarsinnaapput:
Pisortaagallartoq Johanne Møller-imut
oqarasuaat 86 50 01

16. december 2019
Suliffik takujuk
Job
Qeqqqata Kommunia Sisimiuni Atugarissaanermut pisortaanermik Pissarsiorpoq

2020-imi februaarip aallaqqaataanit
isumaqatigiissuteqarnikkulluunniit atorfinittussamik, Atugarissaarnermut pisortaanermik Qeqqata Kommunia pissarsiorpoq.

Sisimiuni Maniitsumilu Atugarissaarnermut Immikkoortortat (ilaqutariinnermut immikkoortortat) marluusut assigiissaarnissaat Atugarissaarnermut pisortaanerup qulakkiissavaa, aammalu periusissanut, takorluukkanut politikkinullu oqaasertaleeqataasassalluni, kiisalu Kommunimi pisortaanermut aammalu Ilinniartitaanermut Aningaasaqarnermullu pisortaanermut qanimut suleqateqassalluni.

Taamaalillunilu Atugarissaarnermut pisortaanertut sulineq annertuumik suliamut ilisimasaqarnissamik piumasaqaateqassaaq, isumaginninnikkullu suliniuteqarnerup annertuumik ukkatarineqarnissaanut kiisalu aaqqissuussami innuttaasunik sullissiffiusumi eqaatsuusumilu suliat akimorlugit ataqatigiimmillu suliniuteqarnissamik pingaartitsisumi, Kommunimi pitsaasumik aningaasaqarnikkut ineriartortuarnissaanut attuumassuteqartorujussuussalluni.

Pisortaaneq ataqqinaateqarluarnikkut kiisalu oqartussaassuseqartutut pitsaasumik oqaloqatiginninnermik aqutseriaaseqarsinnaassasoq, tamatumalu saniatigut politikkikkut allaffissornikkullu anguniagassat pingaarnerit attatiinnarneqarnissaanik ukkataqarsinnaassasoq naatsorsuutigineqarpoq.

Qeqqata Kommuniata ”Inuunerinneq – inuuneq tamaat” ukkatarivaa, tassuunakkullu meeqqat isumassorneqarnissaat illersorneqarnissaallu kiisalu utoqqaat pitsaasumik inuuneqarnissaasa attatiinnarneqarnissaat qulakkeerneqassallutik. Meeraq qitiutillugu siornatigut ataatsimoorussamik suliniutaasumut, ’Qeqqata Kommuniani najoqqutassiaq’-ssami aallaavigineqassaaq, inuttullu atukkanut pitsanngorsaaqataassalluni. Taamatuttaaq pingaartipparput innuttaasut innarluutillit, utoqqaat, kiisalu puiortunngorsimasut isumassorluarneqarnissaat

16. december 2019
Suliffik takujuk
Job
Qeqqata Kommunia Sisimiuni Ilinniartitaanermut Aningaasaqarnermullu pisortaanermik pissarsiorpoq

2020-mi februaarip aallaaqqaataanit
isumaqatigiissuteqarnikkulluunniit atorfinittussamik, Ilinniartitaanermut aningaasaqarnermullu pisortaanermik Qeqqata Kommunia pissarsiorpoq

Ilinniartitaanermut Aningaasaqarnermullu pisortaaneq Sisimiuni Maniitsumilu ilinniartitaanermut immikkoortortanut kiisalu aningaasaqarnermut immikkoortortanut marlunnut ataqatigiissitsisuussaaq, periusissanut, takorluukkanut politikkinullu oqaasertaleeqataasassalluni, aammalu Kommunimi pisortaanermut kiisalu Atugarissaarnermut pisortaanermut qanimut suleqataassalluni.

Taamaalillunilu Ilinniartitaanermut Aningaasaqarnermullu pisortaanertut sulineq annertuumik suliamut ilisimasaqarnissamik piumasaqaateqassaaq, ilinniartitaanermillu suliniuteqarnerup annertuumik ukkatarineqarnissaanut kiisalu aaqqissuussami innuttaasunik sullissiffiusumi eqaatsuusumilu suliat akimorlugit ataqatigiimmillu suliniuteqarnissamik pingaartitsisumi, Kommunimi pitsaasumik aningaasaqarnikkut ineriartortuarnissaanut attuumassuteqartorujussuussalluni.

Aqutsisoq ataqqinaateqarluarnikkut kiisalu oqartussaassuseqartutut pitsaasumik oqaloqatiginninnermik aqutseriaaseqarsinnaassasoq, tamatumalu saniatigut politikkikkut allaffissornikkullu anguniagassat pingaarnerit attatiinnarneqarnissaanik ukkataqarsinnaassasoq naatsorsuutigineqarpoq.

Qeqqata Kommuniata aningaasaqarnera pitsaasuuvoq, aningaasaqarnikkut sukangasumik aqutsinermik piviusunngortitsinissamillu ukkataqartoq. Assigiinngisitaartumik atuartitsinerup, digitaliseriinermut, oqaatsit, atuarfik-angerlarsimaffiullu akornanni suleqatigiinnermut kiisalu aqutsisunik ineriartortitsinerup iluani

suliniuteqarnikkut, meeqqat atuarfiinik ineriartortitsinissamut Kommuni immikkut ukkataqarpoq.

16. december 2019
Suliffik takujuk
Job
Sisimiuni isumaginninnermut ikiortinik meeqqerivinnut

Qeqqata Kommunia Sisimiuni isumaginninnermut ikiortinik meeqqerivinnut pissarsiorpoq

Meeqqeriviit pissarsiuunneqartut:
Meeqqerivik Sisi
•socialhjælper ataaseq
Meeqqanut 40-nut pingasuniit arfinilinniit ukiulinnut, inini marluk agguarsimasut.
Meeqqanut 12-nut 1½ pingasunniit ukiulinnut
Paasissutissat pineqarsinnaapput:
Pisortamut Justine Petersen-imut
oqarasuaat: 86 41 93

Akuleriisillugu meeqqerivik Kanaartaq
•socialhjælper ataaseq
Meeqqanut 64-inut ukioqanngitsuniit arfinilinnik ukiulinnut, inini sisamani agguarsimasut. Paasissutissat pineqarsinnaapput:
Pisortamut Jacobine Jeremiassen-imut
oqarasuaat: 86 66 14

Akuleriisillugu meeqqerivik Uiaq
•socialhjælper marluk
Meeqqanut 64-nut ukioqanngitsuniit arfinilinnik ukiulinnut, inini sisamani agguarsimasut. Paasissutissat pineqarsinnaapput:
Pisortamut Bia Berthelsen-imut
oqarasuaat: 38 20 85

Akuleriisillugu meeqqerivik Naja/Aleqa
•socialhjælper ataaseq
Meeqqanut 44-nut ukioqanngitsuniit arfinilinnik ukiulinnut, inini pingasuni agguarsimasut. Paasissutissat pineqarsinnaapput:
Pisortamut Nukâraq Olsen-imut
oqarasuaat: 86 42 93

Ornittagaq Naasoq
•socialhjælper marluk
Meeqqanut 72-nut, 2.- 3. klassi - nut.
Unnukkut klubbertitsineq 5. – 6. klasse nut.
Piffissami 1.oktoberimiit 31. martsi tungaanut.
Paasissutissat pineqarsinnaapput:
Pisortamut Paneeraq Petersen-imut
oqarasuaat: 86 50 01

Akuleriisillugu meeraaqqerivik Nuka
•socialhjælper ataaseq
Meeqqanut 48-nut, ukioqanngitsuniit pingasunut ukiulinnut, inini sisamani agguarsimasut.
Paasissutissat pineqarsinnaapput:
Pisortamut Kristine Kruse
på telefon 86 40 61

16. december 2019
Suliffik takujuk
Job
Sisimiuni Ilaqutariinnermut Immikkoortortaqarfimmi Meeqqanut- aamma Ilaqutariinnermut immikkoortortamut inuussutissarsiutigalugu ilaqutariit paarsisartut pingasut

Sisimiuni Ilaqutariinnermut Immikkoortortaqarfik inuussutissarsiutigalugu ilaqutariit paarsisartunik pingasunik 2020-imi januarip aallaqqaataani isumaqatigiissuteqarnikkulluunniit atorfinittussanik pissarsiorpoq.
Inuussutissarsiutigalugu ilaqutariit paarsisartut nalinginnaasumik ilaqutariit paarsisartut assigalugit meeqqat ukioqanngitsuniit 18-nit tikillugit ukiulinnut angerlarsimaffiup avataanut inissinneqarsimasunik isumassuisuussaaq, ilaqutariit paarsisartunulli allanut sanilliullugu inuussutissarsiutigalugu ilaqutariit paarsisartut Qeqqata Kommunia aamma paarsisartut/ilaquttarsiat akornanni atorfinititsineq pineqarpoq. Inuussutissarsiutigalugu ima paasineqassaaq, piginnaasanut, sungiussisimanermut inissaqartitsinermullu Qeqqata Kommunianit annertunerusumik piumasaqaateqarneq, kiisalu isumaqatigiissutini atugassarititaasut qaqugukkulluunniit atuuttut naapertorlugit ilaqutariit paarsisartunik atorfeqartitsineq.
Nalinginnaasumik ilaqutariit paarsisartunut sanilliullu inuussutissarsiutigalugu ilaqutariit paarsisartut atorfeqarneq arlalinnik iluaqutitaqarpoq, tassa paarsinermi ajunngitsorsiaanani akisarsiaqartitaaneq pineqarmat.
Inuussutissarsiutigalugu ilaqutariit paarsisartutut atorfeqassagaanni isumaginninnikkut perorsaanikkulluunniit tunuliaquteqartariaqarpoq, aammalu meeqqanik inuusuttuaqqanillu sunnertiasunik ilisimasaqarluartuuneq sullisserusussuseqarnissaq.
Inuussutissarsiutigalugu ilaqutariit paarsisartuunermi, aappaasup/inooqataasup aappaa inuussutissarsiutigalugu ilaqutariit paarsisartuuppat, annerpaamik meeqqanik marlunnik pingaarnertut akisussaaffigisassanik tunniussisoqassaaq. Meeqqap pingajuanik inissiinermi aappariit marluullutik inuussutissarsiutigalugu ilaqutariit paarsisartutut atorfeqarnissaat naatsorsuutigisariaqarpoq.
Tassani ilisimasalinnik paarsinermi meeqqanik immikkut unammillernartumik inissisimasunik tunniussisinnaaneq pineqarmat.
Meeqqap pisariaqartissinnaansai pisariaqartitaalu eqqarsaatigalugit,sapinngisamik meeqqat ilaqutariit paarsisartullu imminnut tulluartuunissaat Ilaqutariinnermut Immikkoortortaqarfimmit anguniarneqartuassaaq.
Atorfik ulloq naallugu atorfiuvoq, taamaattumillu piffinni inuussutissarsiutigalugu ilaqutariit paarsisartut, angerlarsimaffimmi meeqqanik ikinnerusunik ilungersunannginnerusunilluunniit, meeqqanut inuusuttuaqqanullu sunnertianerusunut suliniutaasumut allatut piareersimanissaq naatsorsuutigineqartariaqarpoq.
Inuussutissarsiutigalugu ilaqutariit paarsisartuuneq allaffissornikkut Ilaqutariinnermut Immikkoortortaqarfiup ataani Meeqqanut Ilaqutariinnullu immikkoortortamut atavoq.

15. december 2019
Suliffik takujuk
Job
Majoriaq sisimiut Aqqutissiuussisoq

Aqqutissiuisumik pikkorissumik tunniusimasumillu Majoriaq Sisimiut pissarsiorpoq. Suliffik unammillernartoq imarisassaanik sunniuteqarfigineqarsinnaasoq, suliffeqarfimmilu ineriartortinneqartumi allanngoriartortumilu namminersorluni akisussaaffeqartitsingaatsiartoq. Suliniuteqarsinnaaneq aamma nutaaliorsinnaaneq nuannaarutigissavarput.

13. december 2019
Suliffik takujuk
Job
Atuarfimmi pisortatut atorfimmik ingerlatsisussamik aqutsisumik pikkorissumik Sisimiuni Nalunnguarfiup Atuarfia pissarsiorpoq

Sisimiut illoqarfiuvoq periarfissaqarluartoq, ilinniarfigissaartoq aammalu meeqqanut paaqqinnittarfinni inissaqartitsinermi periarfissagissaartoq. Kulturikkut assigiinngitsunik neqerooruteqarfiuvoq, pinngortitarsuaq kusanarluinnartoq avatangiiseralugu. Pinngortitami qimussernissamut, snescooterernissamut, sisorartarnissamut, pisuttuarnissamut, imaatigut angalaarnissamut, piniariartarnissamut aalisariartarnissamullu periarfissagissaarpoq.

12. december 2019
Suliffik takujuk
Job
Sisimiuni Kangerlussuarmilu Katersugaavinnut Katersugaasivimmi sulisussamik

Sisimiuni Kangerlussuarmilu Katersugaasiviit piaartumik atorfinittussamik katersugaasivimmi inspektøritut atorfinittussamut ilinniagartuumik pissarsiorpoq.
Katersugaasiviup akisussaaffigivaa Qeqqata Kommunia, tassunga immikkut ilanngullugu Sisimiut, Sarfannguit, Itilleq aamma Kangerlussuup eqqaat, tassani katersugaasiviup suliassaralugu katersineq, nalunaarsuineq, iluarsaassineq, eriaginninneq, misissuineq, atortorissaarutitigut atortorissaarutitiguunngitsorlu kulturikkut eriagisassanik ingerlatitseqqiineq. Katersugaasiviup ukiuni kingullerni 4.500-ni nunatami kulturikkut pinngortitakkullu oqaluttuarsartaa suliaqarfigivaa.
Sisimiuni Kangerlussuarmilu Katersugaasiviit UNESCO-p Nunarsuarmioqatigiinnut kingornussassarititaa Aasivissuit - Nipisat ineriartortinneqarneranut suleqataavoq aammalu saqqummersitsinernik nutaanik aammalu ingerlatitseqqiinermik suliniutinik allanik ineriartortitsinermi pissanganartumik siunissamik ornigaqarpoq. Suliffeqarfik ulapaarfiuvoq, ilaatigut suliassanik suliniutinillu arlaqartunik - angiisuunik mikisunillu ataatsikkut ingerlanneqartunik ingerlatsiviulluni.

11. december 2019
Suliffik takujuk

Qeqqata Kommuniani meeqqat atuarfianni atorfininniarluni qinnuteqaat