Kunngissat silaanaap allanngoriartorneranut atatillugu aasaanerani tikeraarnerat

28. maj 2009

Kunngissat silaanaap allanngoriartorneranut atatillugu aasaanerani tikeraarnerat



Kunngissaq arnaq Victoria nuannisangaarami, Sisimiuni HTX-imi Issittumilu ingeniørin-ngornianik oqaloqatiginninnerminiit allat tamaasa puigoraluarpai, pingasuullutik aallalera-mik Ejnar Mikkelsen-ip qaaniit sivisuumik aalateripput, Sarfannguanilu Nunaqarfimmi Naaralaartitsivik inuuvissiortoornerlu ingerlanneqarlutik.



Sisimiut Sarfannguillu pingasunngornermi maajip 27-ini Kunngissaq arnaq Victoria, Kunngissarlu Haakon Magnus aammalu Kunngissaq Frederik tikilluaqquaat, tassa Kalaallit Nunaanni silaanaap kissakkiartorneranut tunngasutigut ilisimasanik pissarsiniarlutik kunngissat pingasuullutik Qeqqata Kommunianut tikeraarmata.



Naak, tikeraarnissat piffissaq sivikitsuinnaq atorlugu nalunaarutaagaluartoq, nutaarsiassaq pisarnertut sukkaqaluni siammarsimavoq, inuillu sumi tamani amerlaqalutik aalateriartorsimallutik, assammiiartor-simallutik kiisalu tikeraat kunngissat assileqatiginiaalullugit.



Sisimiuni Mittarfimmiit Knud Rasmussen-ip Høskoliani seqernup qinngornera atorlugu kiassaatit taku-niariarlugit illu kissamik atuinikitsoq aqqusaarlugu Sanaartornermik Ilinniarfimmukarlutik. Tassani ilin-niarfimmi ilinniartut eqimattani annikitsukkaarlutik inissisimallutik kunngissaq arnaq kunngissallu Ka-laallit Nunaanni silaannaap allanngoriartornera pillugu oqaloqatigisinnaallugit.







Piffissarli sivikitsuinnaammat, qallunaallu ingerlatsisut malunnaarsaarlutik ingerlaqqittariaqarneq oqaati-gimmassuk, kunngissap arnap Victoria-p oqaatigisariaqarsimallugu, suli oqaloqatiginninnini naammassi-nagu. Taamaakkaluarli piaakannersumik ingerlaqqittoqarpoq, taavalu illoqarfitoqaq Nasiffillu alakkarte-riarlugit Nutaaliorfik ingerlaffigineqarluni.



Nutaaliorfik ulluni makkunani seqernup kissaata kiassarnermut atorsinnaaneranik pikkorissartitsiviuvoq, nunalu tamakkerlugu peqataasut kaffillersinnaasimallutik silaannaap allanngoriartornera eqqartorusaa-jutigalugu.



Tamatuma kingorna angalasut Ejnar Mikkelsen-imukarput, Sisimiullu inuulluaqqoriarlugit Sarfanngua-nut ingerlaqqillutik. Ingerlaarneranni lektor Morten Holtegaard Nielsen-ip Artek-imeersup pilersaarut Naaralaartitsivik pillugu oqaluttuuppai, tassa uuttortaanerit, ilisimatusarneq misileraanerillu atorlugit qa-noq ilillutik sumiiffimmi teknologimik atuilluarsinnaanerup ineriartortigut issittumi Sarfannguit nunar-suup assianut ilanngunneqarsimanersut pillugit.



Kunngikkormiut tikeraarnerat nunaqarfimmiut tikilluaqqusillutik oqalugiarnertalerlugu nunaqarfitsik takornariartippaat, tikeraallu nalunaaquttap akunnerata missaani tassaniillutik. Allannginnermi inuuis-siortumut Jakobine Onæsmussen kaffisoriartoqqusisoqarluni kaagilerlugu, tassa erngutaa 17-inik ukio-qalermat. Inuuissiornerlu taanna puigorallagassaagnanngilaq.