Sisimiuni Kulturikkut kingornussassanut ulloqartitsineq 2009

3. september 2009

Sisimiuni Katersugaasiviup, Maniitsumi Katersugaasiviup Qeqqata Kommuniatalu septembarip 12-ini 13-ilu Kulturikkut kingornussarsiassanut ulloqartitsineq 2009 malunnartinniarneqarnerani illit ilaquttatillugu qaaqquneqarpusi.

Septembarip 12-iani Sisimiuni Katersugaasiviup matui ammarneqarpata, nunarujussuaq tassanilu kulturi ukiuni 4.000-ini pioreersimasut pillugit nuannersumik allaanerulaartumillu saqqummiisoqassaaq. Maniitsup, Kangerlussuup Sisimiullu akornanni nunarujussuaq nunarsuaq tamakkerlugu ilinniartitaanermut, ilisimatusarnermut kulturikkullu tunngasuni FN-ip sammisaqarfianut ilaavoq, alutornartorsuullunilu nalissaqanngitsorsuummat kinguaassanut eriaginartuuvoq. Aasivissuit aamma Arnagarnup Qoorua ullutsinni misissuiffigineqartussanut ilaapput, UNESCO-mi nunarsuaq tamakkerlugu eriagisassanut allattorsimaffimmut ilanngunneqarsinnaallutik.

Nunarsuarmi kulturikkut kingornussassaqartitsiviusut nalissaqanngilluinnartunik misigisassaqartitsiviullutillu tamarmik immikkut kulturimut ataqqinnilernissamut sunniuteqartarlutik, pinngortitami naleqartitat takussaallutillu nersornartuupput. Sisimiuni Katersugaasivik oqallitsitsinissaminut atatillugu septembarip 12-iani unnukkut ammassaaq, nunarujussuarmi tassani ilisimasalinnik misigisalinnillu Maniitsumit Sisimiuniillu peqataasoqassalluni: Marius Olsen Sisimiuneersoq, tassani piniarnermik, angalanermik takornariartitsinermillu aallutaqarsimavoq, taamaalillunilu ikittunnguaannarnit periarfissaasoq nunami tassani inuuneq inuutissarsiornerlu misigisimallugu. Tea Dahl Maniitsup Katersugaasiviani pisortaavoq, nunamilu tassani kulturikkut piniarnermilu inooriaatsit pillugit aasaq manna ilisimasassarsiorsimalluni.

Ullup tullissaani akeqanngitsumik busserluni angalatitsisoqassaaq, HTX-imilu atuartut ilinniarnerminnut atatillugu katersugaasivimmi sulinerminni ilisimalikkatik Sisimiuni misileraaviusut takornariartitsissavaat, oqaluttuarisaaneq eqqarsaatigalugu Asummiut eriagineqartariaqartunut kulturikkullu pingaaruteqartunut sooq ilaanersoq: Nal. 14:00 eqqorlugu bussit katersugaasivimmiit ingerlassapput, Asummiunilu kulturikkut itsarnitsat ataatsimoorluta takornariassallugit tassanilu kulturikkut kingornussat tassaniittut qanoq pingaaruteqartiginersut oqallisigissallugu. Katersugaasivimmut utinnginnitsinni taqussagut tassani nereqqaassavagut.

Aaqqissuussaq sioqqullugu sapaatip akunnerani 37-mi aaqqissuussallu kingorna sapaatip akunnerani 38-mi Maniitsup Sisimiullu atuakkanik atorniartarfiini UNESCO pillugu atuakkianik atuagaaralianillu atuarujoorfissaqassaaq, pinngortitarsuarli kulturilu misileraaviusuni alutornarluinnartuullutillu eriagisassaalluinnartarput aamma immikkorluinnaq ittuullutik …

Ulluni taakkunani sukumiisumik pilersaarusiaq:

2009-MI UNESCO-P KULTURIKKUT KINGORNUSSASSANUT ULLOQARTITSINERANI PILERSAARUT 

 

Arfininngorneq septembarip 12-iat

Sisimiut Katersugaasiviani oqallitsitsineq

 

19:00 Tikilluaqqusineq

19:10 UNESCO-p Kulturikkut kingornussassanut ulloqartitsinera 2009 pillugu ilisarititsineq

19:30 Takornariartitsisartoq Marius Olsen, piniarnermi angalasarnerpassuani nunamilu tassani atuisarnermik misilittagarpassuani pillugit oqaluasaassaaq

20:00 Unillatsiarneq, kaffisorusaajutigalugu oqalliserujoortoqarsinnaavoq

20:10 Maniitsup Katersugaasiviani pisortaq, Tea Dahl, nunami tassani sulinerminik misigisalikkersaarlunilu assinik alutornartorpassuarnik takutitsissaaq

21:00 Angerlarfissanngorpoq

 

 

Sapaat septembarip 13-iat

Nal. 14:00 Sisimiut Katersugaasivianiit busserluni Asummiunukarneq.

Malugiuk: Taqussat kaffilu nammineq nassassagakkit, silalu nalunarsinnaammat atisat oqortut eqqaamallugit

 

14:00 Akeqanngitsumik busserluni Asummiunukarneq, tassaniippullu kulturikkut itsarnitsat ukiunik 4.000-inik pisoqaatigisut

14:15 HTX-imi atuartut angallassisuullutillu nunap oqaluttuassartaanik nassuiaassapput

15:15  Kaffisorusaajutaa taqussat nerineqassapput, kulturikkullu kingornussarsiassat pillugit eqqartuisoqassalluni

16:00 Katersugaasivimmukaqqinneq