DanFish 2009

12. oktober 2009

DanFish 2009

Aalborg Kongres og Kultur Center-imi ukioq manna 21-ssaanik Danfish messe-rnermi Qeqqata Kommunia aamma Qeqqani Inuutissarsiutitigut Siunnersuisoqatigiit peqatigiillutik sinniisuutitaqarput. Aalisarneq pillugu saqqummersitsineq aalisartut naapitsiviattut qitiuvoq, aalisarnermilu teknikkikkut atortorissaarutinik, atortunik, ilisimasanik kiisalu nammassinnaasumik aningaasatigullu ineriartornermut tunngasunik ulluni pingasuni saqqummersitsiviusumi nunanit 19-init saqqummersitsisut 350-inik ikinnerunngitsut saqqummersitsissallutik.

Kommuni aamma Inuutissarsiutitigut Siunnersuisoqatigiit peqatigiillutik nunap immikkoortortaani aalisarneq pillugu paasissutissiissapput, nunanilu tamalaani suleqatigisat attaveqarfigineqarnerisa attatiinnarneqarnissaat, nutaanillu attaveqalernissaq ulluni taakkunani aamma piffissaqarfigineqassalluni. 

Royal Arctic Line-p, KNAPK-p aamma Arctic Business Network-ip eqqaani paasissutissiiveqarput, tassuunakkullu saqqummersitsinermi nunanit tamalaanit ornigarneqaqalutik ataatsimoorlutillusooq Kalaallit Nunaat avammut nittarsaappaat.

Taamaalilluni saqqummersitsineq assigiinngitsutigut iluaqutitaqarpoq, matumanilu attaveqaatissanik aalisarnermullu tunngasunik paasissutissanik pissarsinissaq pingaarnersaalluni, aammali Kalaallit Nunaata kitaani qaasuitsup killeqarfiani nunap immikoortortaani inuutissarsiutitigut misigisassatigullu periarfissat inuppassuarnut nittarsaanneqarnissaannut periarfissiilluni.