Suliffissarsiuussisarfik kommunip allaffissuaniit nuuppoq

20. januar 2010

Suliffissarsiuussisarfik Sisimiuni kommunip allaffissuaniit atuartut ineqarfikuannut B-904-mut nuuppoq, illu sungaartoq, kommunip allaffissuata kangia’tungaaniittoq.

Taamaattumik siunissami suliffissarsiuussisarfimmut saaffiginninnerit tamarmik atuartut ineqarfikuannut B-904-mut pisalissapput. Taanna siullermeerluni sisamanngorpat januaarip 21-ni 2010-mi ammassaaq. Ammasarnissaatalu kommunip ammarsarfii malissavai.

Allaffissaq suli oqarasuaateqalinngilaq, oqarasuaateqalerniariarpalli kommunip quppersagaatigut www.qeqqata.gl-kkut avammut nalunaarutigineqassalluni.