Kangerlussuarmi efterskole periarfissilluarnikuunngisaannarpoq, sulili kingusinaanngilavut

26. februar 2010

Borgmesterip Hermann Berthelsen-ip ajuusaarutigilluinnarlugulu paasinngilluinnarpaa, Kangerlus¬suarmi efterskole-p matunissaa Naalakkersuisut ullumikkut nalunaarutigimassuk. Matusiniarnera¬nilu patsisilersuutaasut aamma eqqumiiginngitsuugassaanatik.

’Kangerlussuup mittarfiata nunanit tamanit miffigineqarsinnaasup akornusersuutaanera’ kiisalu ’nunaqarfimmi periarfissaasuanera’ matusiniarnerani patsisiginiarneqarlutik. Naalakkersuisut aamma efterskole-p siulersuisuisa akornutaasinnaasut periarfissanit salliutinniarsarivaat.

Efterskole-p Kangerlussuarmiinnerani nunarsuarmut avammut paasisassarsiorluni periarfissaqassu¬seq isiginngitsuusaarniarneqarsorinarpoq. Ilinniarnermut atatillugu akikitsumik angalasinnaanerit Kangerlussuarlu aqqusaarlugu angalasorpassuit, oqaatsitigut ilinniarnissamik periarfissiilluartuup¬put, taamanikkullumi efterskoleqalerniarnermi tunngaviusut tamanna ilagalugu, Hermann Berthel¬sen-ip eqqaamaniarpaa.

Tamannali Qasigiannguanut atuugunanngilaq, tassa Kangerlussuarmi efterskole-p siulersuisuisa najugaqarfiannut. Sumiiffimmi siulersuisoqarnissaa pisariaqarpoq, taakku Kangerlussuaq sumiif¬fimmilu periarfissarpassuit ilisimaarissariaqarmatigit. Uagullumi Kangerlussuarmi piareersimavu¬gut, Kangerlussuarmi nunaqarfimmi aqutsisut siulittaasuat Albrecht Kreutzmann oqarpoq.

Kangerlussuarmi inuusuttut mittarfeqarfiit iluani takornariaqarnikkullu sullivinnik soqutiginartunik misiliivissaqarluarput, Kalaallimmi Nunaanni mittarfeqarfiit pingaarnersaat takornariaqarnikkullu ornitassat tassaniipput. Aammattaarmi kiffartuussinermik inuutissarsiutitigut periarfissarpassuaqar¬poq. Minnerunngitsumillu aamma Naalakkersuisut Kangerlussuakkoornerminni oqalugiartussatut pe¬riarfissaalluarlutik. Periarfissarli tamanna Naalakkersuisut aammalumi efterskole-p siulersuisuisa atorsimanngilaat, taama oqarpoq Albrecht Kreutzmann.

Kangerlussuarmi pinngortitarsuaq periarfissatut puigussanngilarput, inuusuttummi amerlanersaasa sinerissami periarfissat annerusumik ilisimaarimmatigit. Sermersuaq, umimmaat, tuttut kiisalu ili¬simatusarfiit nunanit tamaneersunit atugaasut tamarmik Kangerlussuup eqqaaniipput, inuusuttulli efterskolerusuttut periarfissat soqutiginartut tamakku periarfissariunnaassavaat. Ajoraluartumik ef¬terskolertut bowlinngertarfimmi, timersortarfimmi, gokartertarfimmi filmertarfimmiluunnit pitsaa¬sumi Qeqqata Kommuniata efterskolemut atorneqarsinnaasutut neqeroorutigisaraluini takussaaval¬laarsimanngillat.

Kangerlussuaq Efterskole 2008-mi 2009-milu kingusinaartumik aallarnisartarsimavoq, ukiunilu taakkunani utaqqiisaaginnartutut ukioq ataatsimut atuutsinneqartarluni. Tamatuma kinguneranik forstanderit assigiinngitsut pingasut ukiut marluk ingerlanerini atorfeqarsimallutik, tamannalu aam-ma sulisunut toqqisisimanartuusimanani. Kangerlussuarmi efterskole Qasigiannguanut sanilli¬ullugu qularnaatsumik tunulliunneqarsimalluni, Hermann Berthelsen isumaqarpoq.

Hermann Berthelsen-ip Albrecht Kreutzmann-illu Naalakkersuisut kajumissaarusuppaat, Kanger¬lussuarmi efterskole pillugu kommunip saaffiginnissuterpassui akissuteqarfigeqqullugit. Taamaa¬lilluni Kangerlussuarmi efterskoleqalernissamik pilersaarut sumiiffimmini aqunneqartoq aallartis¬sinnaassaaq. Inuusuttut nunatsinni efterskolernerminni ulluinnarni atukkatik qimallugit allatigut misigisaqarnissaannik periarfissittariaqarpavut. Tamatumuuna Kangerlussuaq periarfissaalluarpoq, Hermann Berthelsen aamma Albrecht Kreutzmann naggasiipput.