Maniitsumi suleqatigiisitsineq

17. februar 2010

Maniitsumi innuttaasut suleqatigiit ulluni arfininngorneq februarip 20-ni sapaammilu februaarip 21-ni suleqatigiisitsiniarput. Suleqatigiisitsineq Maniitsup fabrikkiata kantinaani ingerlanneqassaaq.



Maniitsup siunissami ineriartortinneqaqqinnissaanut innuttaasut suliniutaat aluminiuliorfiliornissamut pilersaarutip malitsigisaannik pilersinneqarsimasut taperserlugit suleqataaffigineqarput  Qeqqata Kommunianit Greenland Development-imillu, taakkuuppullu suleqatigiisitsinissap ingerlanneqarnissaannut aningaasaliisut.



Siorna innuttaasunit suleqatigiisitat pilersinneqarmata piffissap ingerlanerani suleqatigiit sisamat pilersinneqarput, Maniitsup ineriartortinneqarnissaanut takorluukkanik anguniakkanillu suliaqarsimallutik. Taamatut suliaqarneq takorluukkat pillugit nalunaarusiamik siorna ukiassalernerani saqqummersitsinermik kinguneqarpoq.



Nalunaarusiaq tunngavigalugu suliniutissat aalajangersimasut suussanersut erseqqissaatigineqarnissaat suleqatigiisitsinissami siunertarineqassaaq, ilaatigut ataatsimut pingaarnerutitanik iliuusissatut pilersaarusiortoqarluni. Innuttaasut suleqatigiit suleqatigiisinneqarneranni Nuummiit Kompetencekompagniet-meersoq siunnersortsi Hans Peter Poulsen-imit aqunneqassapput.



Maniitsumi Inuutissarsiornermut Siunnersuisoqatigiinnit, Piareersarfimmit suliffissarsiussisarfimmillu kiisalu Greenland Development-imit Qeqqata Kommunanillu suleqatigiisitsinissami peqataasoqartitsissaaq.



Qeqqata Kommunianit innuttaasut siunissami suleqatigiinni suleqataarusuttut  attavigerusuttorujussuuai, pingaartumik immikkut ittunik sammisaqarnissamut atatillugu, soorlu Maniitsumi aluminiumik aatsitsiviliornissamik pilersaarut piviusunngortinneqassappat, illoqarfik pioreersoq illoqarfimmik nutaamik ilanissaanik pilersaarummut atatillugu kommuni suleqatigalugu soqutigisaqarfiit aalajangersimasut aallaavigalugit isummersoqataarusuttunik.



Soqutiginnittut uunga saaffiginnissinnaapput:

Birte Engelsen

Maniitsumi Kommunip allaffia

Oqarasuaat: (+299) 81 78 04

Email: bien@qeqqata.gl