Biilit, umiatsiaaqqat allallu inuttassarsiuussat

Sisimiut illoqarfianni biilit, umiatsiaaqqat allallu igitassaasinnaasut Qeqqata Kommuniata nalunaarsornikuuai.
7. juli 2010

Sisimiut illoqarfianni biilit, umiatsiaaqqat allallu igitassaasinnaasut Qeqqata Kommuniata nalunaarsornikuuai.

Inatsisartut peqqussutaat nr. 12, 1988-imi decembarip 22-aneersoq, inatsisartut peqqussutaatigut nr. 8, 2007-imi novembarip 15-ianeersukkut allanngortinneqartumi § 35c inneersuussutigalugu, eqqagassaasinnaasut qaammatini pingasuni inuttassarsiuunneqareertillugit kommuni igitsisinnaatitaavoq.

Inuttassarsiuussineq allagarsiussap matuma saqqummerneraniit allartissaaq.

Inuttasaarsiuussinerlu ima ingerlanneqassaaq, Teknikkimut Avatangiisinullu Immikkoortortami mappi saqqumitillugu inissinneqassaaq. Mappip imarissavai inuttassarsiukkap assitaa paasissutissartaalu. Inuit mappimik qimerluuiartorsinnaapput. Assit malillugit ilisarisaqarunik, piginnittutut allassinnaallutik.

Ataasinngornermi, marlunngornermi tallimanngornermilu saaffiginnittarfik ullaakkut quliniit ualikkut marlut tungaannut, sisamanngornermilu ullaakkut quliniit tallimat ammasarpoq.

Inuttarssarsiuutaraluanik kommuni qaammatit pingasut qaangiunnerisigut peersisinnaavoq, tamatumanilu piginnittuusimasinnaasumut taarsiisussaatitaasinnaanani.

Aggerit mappimiittullu qimerloorlugit, imaassinnaavormi umiatsiaaqqat biililluunniit ilaasoq. Qanormi iliuuseqanngikkuit annaaginnassavatit.

§ 35c. Kommunalbestyrelsip eqqakkanik igitsisarnissaq isumagisaraa aalajangiiffigissallugulu, stoffip suussutsilluunnit eqqagassatut naliliiffigineqartarnissaat. Biilinik, umiatsiaanik, umiarsuarnik, qamuteralannik suussutsinillu angisuunik assigisaannillu igitsinissaq aatsaat pisinnaasassaaq, taakkua sivikinnerpaamik qaammatini pingasuni inuttassarsiuunneqareeraangata.