Kommunip pilersaarusiorfigineqarneranut tapiliussap nr. 39-p tamanut tusarniutigineqarnera – Sisimiuni Teknikkikkut atortuutinut atugassiaq, Aqqusinersuarmi mittarfikoq.

Kommunip pilersaarusiorfigineqarneranut tapiliussassatut nr. 39-tut siunnersuut Aningaasaqarnermut ataatsimiititaliamit Kommunalbestyrelsimiillu 2010-mi juulip 26-ani akuersissutigineqarpoq
27. juli 2010

Kommunip pilersaarusiorfigineqarneranut tapiliussap nr. 39-p tamanut tusarniutigineqarnera – Sisimiuni Teknikkikkut atortuutinut atugassiaq, Aqqusinersuarmi mittarfikoq.

Kommunip pilersaarusiorfigineqarneranut tapiliussassatut nr. 39-tut siunnersuut Aningaasaqarnermut ataatsimiititaliamit Kommunalbestyrelsimiillu 2010-mi juulip 26-ani akuersissutigineqarpoq. Kommunip pilersaarusiorfigineqarneranut tapiliussaq 2010-mi juulip 27-anit septembarip 7-ia tikillugu tamanit oqallisissianngorlugu sapaatip akunnerini arfinilinni tamanut saqqummiunneqarpoq. Nivinngaanikkut kiisalu kommunip nittartagaatigut www.qeqqata.gl-ikkut 2010-mi juulip 27-ani tamanut saqqummiunneqarpoq.

Aqqusinersuarmi mittarfikup atuleqqinneqarnissaa periarfissinniarlugu, kommunip pilersaarusiorneqarneranut tapiliussaq suliarineqarpoq. Mittarfik qulimiguulinnuinnaq miffissatut, inissikkiartorfissatut, aallarfissatullu kisimi atugassiaavoq. Inuussutissarsiutilinnit apeqquteqaatigineqartup akuersaarneqarnissaanik Kommunalbestyrelsip kissaateqarnera, tassuunakkullu namminersortut ilaatigut takornarissanik angallassisinnaanissaannik periarfissinneqarnissaat tamatumunnga tunuliaqutaavoq. Kommunalbestyrelsen nalilerpaa, Aqqusinersuarmi qulimiguulinnut mittarfik siunertamut tassunga naleqqutissasoq. 1998-imi Sisimiut illoqarfiani 799 meterinik takitigusumik mittarfittaarnissaa tikillugu qulimiguulinnut mittarfik atorneqarpoq. Air Greenland-ip timmisartunik Dash-7-inik nunap iluani timmisartuussineranut Sisimiuni mittarfiup kiffartuuppaa, taamaakkaluartorli timmisartut nammineq pigineqartut aamma kiffartuuttarpaat, soorluttaaq Air Greenland-ip qulimiguuliutai tassanngaa aamma kiffartuunneqarunnaartut. Qulimiguulinnut mittarfiup atorunnaarneqarneratigut, Illoqarfimmi immikkoortumut pilersaarutitigut D7-ikkut ”Sunngiffeqarnermut sanaartukkat inuusuttunut siunertaqartut” aqqutigalugu nunap immikkoortortaa tamanna teknikkikkut atortuutinut atugassiaanikuulluni inuusuttunut sammisassaqartitsivissatut atugassianngortinneqarluni allanngortinneqarpoq. Nunap immikkoortortaa taanna ullumikkut inuusuttut ornittagaattut atorneqartup, qulimiguulinnut mittarfittut atugassianngoqqillugu kommunip pilersaarusiorfigineqarneranut tapiliussatigut ugguuna allanngortinneqarpoq.

Kommunip nittartagaani www.qeqqata.gl-imi pilersaarutissatut siunnersuut takuneqarsinnaavoq, imaluunniit Qeqqata Kommuniani Teknikkimut Avatangiisinullu Immikkoortortami Pilersaarusiornermut immikkoortortaqarfimmut saaffiginnissuteqarnikkut pissarsiarineqarsinnaalluni.

Oqaaseqaataasinnaasut akerliliissutaasinnaasulluunniit tusarniaanerup nalaani uunga tunniunneqarsinnaapput: Qeqqata Kommunia – Teknikkimut Avatangiisinullu Immikkoortortaq - Postboks 1014 - 3911 Sisimiut.

Oqaaseqaataasinnaasut akerliliissutaasinnaasulluunniit kingusinnerpaamik 2010-mi tallimanngornermi septembarip 7-iani nal. 15.00 kommunimut tunniunneqarsimassapput.

Qeqqata Kommunia Teknikkimut Avatangiisinullu Immikkoortortaq Pilersaarusiornermut immikkoortortaqarfik

Siunnersuut PDF-nngorlugu aaguk.