Pilersaarusiornermi periusissat: Tamanut oqallitsitsineq pissarsiffiulluartoq

Kommunip illoqarfiini nunaqarfiinilu innuttaasunik ataatsimiisitsinermi siunnersuutitsialappassuarnik kommunalbestyrelsi pissarsiaqarpoq, kiisalu oqaaseqaatinik, isumassarsianik siunnersuutinillu arlalissuarnik tigusaqarnikuulluni.
29. september 2010

Kommunip illoqarfiini nunaqarfiinilu innuttaasunik ataatsimiisitsinermi siunnersuutitsialappassuarnik kommunalbestyrelsi pissarsiaqarpoq, kiisalu oqaaseqaatinik, isumassarsianik siunnersuutinillu arlalissuarnik tigusaqarnikuulluni.

Atortussat innuttaasut ataatsimiisinneqarnerinit pissarsiarineqarnikut allaffeqarfimmi suliarineqaleruttorput, tassanilu inerniliussat 2010-mi novembarip 9-ani aningaasaqarnermut ataatsimiititaliami akuersissutigineqarnissaat siunertaalluni.

Tamatuma malitsigisaanik inernerusut aallaavigalugit kommunalbestyrelsip 2010-mi novembarip 23-ni ataatsimiinnermini aalajangiivigissavai.

Pilersaarusiornermi periusissat – Eqqarsaatersuutit oqallisissiat pillugit tamanut oqallitsitsineq tallimanngornermi 2010-mi septembarip 24-ni naammassivoq.