Sapaatip akunnera 41 – Qeqqata Kommuniani innarluutilinnut sapaatip akunneqartitsineq

Ukioq manna sapaatip akunnera 41 tassaaqqippoq Innarluutilinnut sapaatip akunneqartitsineq. Tassa imaappoq, Sisimiuni Maniitsumilu sapaatip akunnerani sammisassarpassuit.
11. oktober 2010

Ukioq manna sapaatip akunnera 41 tassaaqqippoq Innarluutilinnut sapaatip akunneqartitsineq. Tassa imaappoq, Sisimiuni Maniitsumilu sapaatip akunnerani sammisassarpassuit. Sapaatip akunnerata ingerlanerani kikkunnilluunniit peqataaffigineqarsinnaasunik sammisassarpassuaqassaaq. 
Maniitsumi ilaatigut kaassuartakkanik atuisunut eqaarsaartitsisoqassaaq, taamaattorli kikkunnit tamanit peqataaffigineqarsinnaalluni. Tamatuma kingorna kaffeqassaaq, te-qassaaq kaageqarlunilu. Sisimiuni naneruarluni illoqarfikkut ingerlaarnissaq pilersaarutaavoq, sammisassat assigiinngitsut, unammiuaartitsinerit arsaattarfissuarmilu pinnguarnerit.

Maniitsumi sammisassanut tullinnguuttunut kikkulluunniit peqataanissaannut aggersarneqarput
Pingasunngorneq 13. oktober
Ullaap tungaani Ulluunerani sammisassaqartitsivik kaassuartakkanik atuisunut eqaarsaartitsiniarpoq, taamaattorli kikkut tamarmik peqataasinnaapput.

Nal. 14.00-16 Naapiffik kikkunnut tamanut ammaniarpoq kaffisoriartoqqusillunilu

Tallimanngorneq 15. oktober
Nal. 10.00-15.00: Naapiffik ammassaaq, tamatumani nammineq sanaarisartakkaminnik tuniniaassallutik.

Sisimiuni sammisassanut tullinnguuttunut kikkulluunniit peqataanissaannut aggersarneqarput
Ataasinngorneq 11. oktober
Nal. 19.30 Naneruarfilerluni illoqarfikkut pisuttuarneq. Iliveqarfimmiit aallartilluni Taserallup tungaanut. Ingerlaaqatigiinneq spejderit illuata (Igloo Mountain) eqqaani qaqqajunnamut naassaaq. Taanna iluatsillu ukioq manna toqukkut qimagunnikut Nunatsinnilu innarluutillit tamaasa eqqaaniarniarpagut.

Marlunngorneq 12. oktober
Nal. 10.00 – 15.00 Illoqarfiup arsaattarfissuani sammisassat assigiingitsut. Nioqqutissanik assiginngitsunik sannaviullu kantinaanit tamulugassanik tuniniaasoqassaaq. Kalaaliminernik atuisut namminneq igaarisaannik akeqanngitsumik ussiisoqarsinnaavoq. 

Pingasunngorneq13. oktober
Nal. 10.00 – 15.00 Illoqarfiup arsaattarfissuani sammisassat assigiingitsut.
Oqilaniunnerit - Poorsuit atorlugit arpaliunneq - Pinnguarnerit ataatsimoorussat assigiinngitsut.

Sisamanngorneq 14. oktober
Nal. 09.00 – 18.00 Sannavik illersugaq – Pisoq tamanut ammassaaq.

Tallimanngorneq 15. oktober
Nal 10.00 – 15.00 Asummiuni siaasaaqatigiinneq. Pisoq-p atuisuminut nerisassat nammineq isumagissavai, peqatasullu allat nerisassatik imeruersaatissatillu namminneq nassassavaat.