Immikkoortoq 3-mi tuttunniarnerup piffissaa allanngortinneqarpoq

Immikkoortoq 3-miittut tuttoqatigiit Pinngortitaleriffimmit kisinneqareernerisa kingorna aamma KNAPK
15. november 2010

Immikkoortoq 3-miittut tuttoqatigiit Pinngortitaleriffimmit kisinneqareernerisa kingorna aamma KNAPK, KANUKOKA kiisalu TPAK tusarniareerlugit, Aalisarnermut, Piniarnermut Nunalerinermullu Naalakkersuisoqarfimmiit nalunaarutigineqassaaq Immikkoortoq 3-mi (Aqutsiveqarfik Nuummi Akia-niit Aqutsiveqarfik Maniitsoq-Kangerlussuup kujataata tungaa ilanngullugu) aavarfik 31.januar 2011-mut inuussutissarsiutigalugu piniarnermik allagartalinnut sivitsorneqarmat. Aqutsiveqarfinni pineqartuni akuersissutit siusinnerusukkut nassiunneqarnikut atorneqarsinnaapput. Nunap assinga ilanngussaq takuuk.

Sunngiffimmi piniarnermut allagartalinnut tuttunniarneq 15. november 2010 kingorna unissaaq.

Aalisarnermut, Piniarnermut Nunalerinermullu Naalakkersuisoqarfimmit tusagassiuutinut nalunaarut ilanngussami atuarneqarsinnaavoq.