Quersuup eqqaani nassiussanik tunniussisarfittaarnissamut biilinullu inissiisarfiliornissamut atatillugu, Qeqqata Kommunianit J.M. Jensenip Aqquserngani allanngortiterisoqarniarpoq, taamaalilluni umiarsualivimmi angallannikkut akornusersueqqaanngikkaluarluni nassiussanik tunniussisarneq toqqaannartumik Jensenip Aqqusernatigut pisalissalluni. RAL-illu eqqaani biilinut inissiivik maannakkut atuuttoq, illoqarfiup umiarsualivianut inuutissarsiornermullu iluaqutaasussamik umiarsualivimmut atalissalluni, taamaattumik containereqarfik aqqusinniornissami biilinullu inissiiviliornissamik pilersaarummut ilanngunneqassaaq. Qaqqaq 25.000 m³-ip missaani annertutigisoq qaartiterneratigut kommuni biilinut inissiisarfiliorniarpoq, soorlu titartakkami ilanngunneqarsimasumi takuneqarsinnaasoq.
Aqquserngup allanngortinneranut tassunga akerliliissutaasinnaasut oqaaseqaataasinnaasulluunniit Qeqqata Kommuniata kingusinnerpaamik 2010-mi novembarip 24-ani tigoreersimassavai.