Maniitsumi_B526_aamma_B527_tuniniakkat

Qeqqata Kommuniata Maniitsumi Qimatulivissuarniittut B-526 aamma B-527 tuniniarpai.
21. december 2010

Qeqqata Kommuniata Maniitsumi Qimatulivissuarniittut B-526 aamma B-527 tuniniarpai. Illut ataatsimoortillugit tunineqassapput, pisisorlu pisussaatinneqassaaq pisinermiit ukioq ataaseq qaangiutsinnagu illut isateriarlugit nutaamik nunaminertami illuliorneq aallartinneqassasoq. Taamaattoqanngippat pisineq atorunnaarsinneqassaaq pisisumut annaasanut taarsiinertaqanngitsumik. Kommunimut pilersaarut naapertorlugu nunaminertami illut ataasiakkaat imaluunniit arfalleriit qaliaqanngitsut imaluunniit aappaa avillugu quleriit sananeqarsinnaapput.

Illunut neqeroorutit Maniitsumi Teknikkimut Avatangiisinullu immikkoortortaqarfimmut kingusinnerpaamik ull. 24. januar 2011 tunniunneqassapput.

Qeqqata Kommunia neqeroorutit takkuttut akornanni toqqaasinnaatippoq imaluunnit tamaasa itigartillugit.