Sisimiuni_kommunip_mersortarfiutaata_Natseq-p_tuninissaani_neqerooruteqarnissamut_piumasaqaatit

Suliffissarsiuussisarfimmut/Piareersarfimmut oqarasuaat 86 75 44-imut attaveqarluni isumaqatigiissuteqarnikkut mersortarfik alakkarterneqarsinnaavoq.
8. december 2010

Suliffissarsiuussisarfimmut/Piareersarfimmut oqarasuaat 86 75 44-imut attaveqarluni isumaqatigiissuteqarnikkut mersortarfik alakkarterneqarsinnaavoq.

Mersortarfik Natseq-mut ilanngullugit tuniniarneqartut:
• Mersukkat naammasseriikkat. Nalunaarsuutit ilanngussat takukkit.
• Mersornermi atortut toqqortaatit. Nalunaarsuutit ilanngussat takukkit
• Pequtit maskiinallu. Nalunaarsuutit ilanngussat takukkit
• INI aqqutigalugu attartorneq qaammammut 13.763 koruuninik akiliuteqarfigineqartartoq ingerlatiinnarneqarsinnaavoq.

Ammerinikkut kulturikkut eriagisassat qanoq ingerlateqqinneqarsinnaanerinut neqerooruteqartup uppernarsaanissaa piumasaqaataavoq. Annerpaamik neqerooruteqartumut, uppernarsaanissamillu aalajangersakkamut naammassinnittumut Natseq tunineqassaaq.
Neqeroorutit allanngortinneqarsinnaanngillat, piumasaqaatitaqassanngillat naangaassutitaqassanatillu. Akiliisinnaassuseqarnermut uppernarsaat neqeroorummut ilanngunneqassaaq.

Pisinissamik neqeroorut Qeqqata Kommuniani Allatseqarfimmut tunniunneqassaaq ima ilisarnaaserlugu: Neqeroorut – Natseq.
Neqeroorut kingusinnerpaamik decembarip 20-ani allatseqarfiup tigoreersimassavaa. Neqeroorutinik tamanik atuutsitsinnginnissaminut kommuni pisinnaatitaavoq.

Qeqqata Kommunia
Makkorsip aqquserna 2
Postboks 1014
3911 Sisimiut