Maniitsumi_Kangaamiunilu_2010-mi_nersornaasiineq

1979-imili Maniitsup kommunalbestyrelsiata ukiumut kingullermeerlutik ataatsimiinnerminni innuttamik ilaannik ataatsimik arlallilluunniit nersornaasiisarneq ileqqorilersimavaa. Ileqqorlu taanna Qeqqata Kommuniata ingerlateqqiinnalersimallugu.
13. december 2010

1979-imili Maniitsup kommunalbestyrelsiata ukiumut kingullermeerlutik ataatsimiinnerminni innuttamik ilaannik ataatsimik arlallilluunniit nersornaasiisarneq ileqqorilersimavaa. Ileqqorlu taanna Qeqqata Kommuniata ingerlateqqiinnalersimallugu.

Nersornaasiissarnermilu inuk/-it Maniitsup Kommunetoqaani ullumikkut Qeqqata Kommuniani maligassiuilluarsimasut, pissutsinillu soqutiginnilluarlutik eqiasuillutik arlaannik aallarnisaasimasut nersorniarlugit tunineqartarlutik. Nersornaasiinerlu ukiumut ataasiarluni ingerlanneqartarluni.

2010-mi Maniitsumi ukiumut nersornaasiineq borgmesterip tullersortaanit Karl Lyberth-imit ingerlanneqassaaq:
Elias S. J. E. Lyberth, Maniitsoq. 
Eliarsimik nersornaasiineq ilaatigut peqatigiiffilerineranit tunngavilersugaavoq. Pingaartumik timersornerup iluani Eliarsi inuunermini ingerlattualersimavaa, sulilumi utoqqaat peqatigiiffiata timersortartuini peqataalluni. Eliarsi aamma Qeqqata Kommuniani utoqqarnik siunnersortinut peqataavoq, taamatullu 1993-imiit 2005-imut ilagiit sinniisaanni ilaasortaasimalluni.

Ane Skifte, Maniitsoq. Ane ilaatigut sulisartunut tunngasutigut suliaqartuarnera tunngavilersuutaavoq. Ane 1995-imiilli sulisartut peqatigiiffianni peqataalersimavoq, tassanilu aningaaserisutut siulittaasutullu ingerlatsisimalluni. Tamatuma saniatigut ukiuni arfineq-pingasuni SIK-p siulersuisuunerini ilaasortaasimavoq. Ane ukiut ingerlanerini siunnersortini ataatsimiititalianilu assigiinngitsuni ilaasortaasarsimavoq, taamatullu aamma Maniitsumi ullumikkumut arnat peqatigiiffeqarneratigut qujassutissaqarfigivarput. Ane ullumikkut Maniitsumi utoqqaat timersoqatigiiffianni siulittaasuuvoq, taamatullumi aamma nunatsinni utoqqaat peqatigiiffiisa kattuffianni siulittaasuulluni.

2010-mi Kangaamiuni ukiumut nersornaasiineq Efraim Olsen-imit borgmesteri sinnerlugu ingerlanneqassaaq:
Jensine aamma Per Christiansen, Kangaamiut. Jensine aamma Per ilaatigut 1985-imiilli Pisiniarfeeqqamik ingerlataqarnerat tunngavilersuutaavoq. Ukiut ingerlanerini pisiniarfimmi inuusuttorpaalussuit sulisorisarsimavaat, taakkulu tassani ingerlanerminni kajumissaarneqarluarlutik inuunerminni taanna ilinniutigisarsimallugu. Taamaalilluni Pisinniarfiata inuusuttut ingerlariaqqinnissaannik aqqutissiuuttarsimallugit, aammalumi Kangaamiuni timersornerup tungaatigut. Tamatuma saniatigut Jensine aamma Per Kangaamiuni takornariaqarnerup ineriartortinneqarnerani peqatalluinnarsimapput.

Nersornaasiinerit Maniitsumi Kangaamiunilu ingerlanneqarput decembarip 10-ani 2010-mi.