Quppersakkat saqqummiunneqarneri

Neriuffiit Kattuffiat – Kalaallit Nunaanni kræftimut akiniuiniaqatigiit Sisimiuni kommunalbestyrelsip ataatsimiittarfiani marlunngornermi 2011-mi februaarip 15-iani nappaassuaq kræfti pillugu quppersakkanik 6-inik nutaanik saqqummersitsivoq. Quppersakkat nutaat 6-it Neriuffiit kattuffiata quppersakkat 10-usut siorna saqqummersitaanut ilassutaapput.
16. februar 2011

Neriuffiit Kattuffiat – Kalaallit Nunaanni kræftimut akiniuiniaqatigiit Sisimiuni kommunalbestyrelsip ataatsimiittarfiani marlunngornermi 2011-mi februaarip 15-iani nappaassuaq kræfti pillugu quppersakkanik 6-inik nutaanik saqqummersitsivoq. Quppersakkat nutaat 6-it Neriuffiit kattuffiata quppersakkat 10-usut siorna saqqummersitaanut ilassutaapput.

Saqqummiussinermi Borgmesteri Hermann Berthelsen aamma peqqissaavik sinnerlugu najuuttoq, Taavannguaq Fleischer quppersakkanik tigusisuupput.

Taamatut aaqqissuussisoqartoqarsinnaanera Hermann Berthelsen-ip nuannaarutigaa, kajumissutsiminnillu suliniuteqartuusut inuiaqatigiinnut annertuumik suliaqarneranut qujalluni. Erseqqissaatigaluguttaaq, kræfti pillugu paasisitsiniaanermik suliaqarnissaq inuiaqatigiit tamakkerluta peqataaffigisariaqaripput.

Quppersakkat nutaat 6-it qulequtaat tassaapput: Illissap paavatigut kræfteqarneq, aqajaqqukkut kræfteqarneq, iviangikkut kræfteqarneq, inalugarsuakkut erlukkullu kræfteqarneq, nikallunnganeq qasoqqanerlu pillugit paasissutissat kiisalu qanoq kræfteqalernaveersaartoqarsinnaanera pillugu quppersagaliaq. Quppersakkat peqatigiiffiup nittartagaani qanittumi takuneqarsinnaanngornissaat peqatigiiffimmit kajumissutsimik suliniaqatigiiffiusumit neriuutigineqarpoq. Quppersakkat saqqummersinneqartut nutserneqarnissaanut naqiterneqarnissaanullu Tips og Lotto aningaasaliisuuvoq.