TUTTUT NUNAAT RENSDYRLAND

Apriilip 19-ani Maniitsup Katersugaasivia ”TUTTUT NUNAAT/RENSDYRLAND” mik saqqummersitsinissami matumik ammaassaaq. Ammaffissat: marlunngorneq - sisamanngorneq 11-16, arfininngorneq 13-16.
18. april 2011


Apriilip 19-ani Maniitsup Katersugaasivia ”TUTTUT NUNAAT/RENSDYRLAND” mik  saqqummersitsinissami matumik ammaassaaq. Ammaffissat: marlunngorneq -  sisamanngorneq 11-16, arfininngorneq 13-16.

2010-ip aallartinnerani atuakkanik atorniartarfik,  peqqumaataarniarfiusimasumi iliveqarfitoqqamiittoq kommunip allaffiata ilanut nuunnikuuvoq.  Tamanna katersugaasiviup nutaamik saqqummersitsinissaanut inissaqartitsilerpoq, katersugaasiviup allatigut malunnaatigilerluagassaanik.

Saqqummersitsinissap ukiup aappaata affaa sinnerlugu piareersarneqarsimasup kingunerivaa, ilaatigut  aavartarneq pillugu nunaqartunik apersuineq, kiisalu nunat tamat ”Anguajaartorfimmi qangaaniit  ullumikkumullu aavartarnermik” misissuilluni paasisasarsiornermik suliniummut peqataasimaneq.

Saqqummersitsinermi pineqarpoq nunap tamassuma  inoqaleqqaarneraniilli nunaqartut tuttunniartarnermik ileqqutoqaat. Saqqummersitsinermi ilaatigut takutinniarneqarpoq  aavartarnerup qangatut ikkunnaarsimanera; annerusumik apeqqutaallutik tuttut pisassat amerlassusiat, teknikkikut atortorissaarutit kiisalu ileqquusut.

Katersugaasivimmi saqqummersitsineq immikkut ittumik misigisassaavoq – ilaatigut tamanna misigineqarsinnaalluni niuertorusiusimasup Jens Kreutzmannip nunap assiliaa malillugu ”nunap timaani pisuttuarneq” imaluunniit puumik issiaarfissiani nalaasaajutigaluni nunap timaa pilugu kalaallit oqaluttuasaanik tusarnaarujoorneq.

 Kalaallit Nunaanni katersugaasivinni taamatut kamippaat peeqqaarlugit nunap timaani nunarsuarmik tupinnarluinnartumik saqqummersitsineq siullerpaajugunarpoq.

Allatut oqatigalugu:  Katersugaasivimmi immikkut misigisassamut kikkulluunniit tikilluaqquvavut.