Sapaatip akunnera 31-mi BMX-ertarfissaassarsi suliarilerutsigu ikiortigu

Taseraliup biilinut unittarfiata eqqaani Qeqqata Kommunia BMX-ertarfiliulerpoq. BMX aamma down hill-ertartoq Danny Dahl Sørensen, suliassatsinnut ikiorniarluta Sisimiunut tikilerpoq. Danny 13-inik ukioqarlunili BMXertalerpoq, unammiuaarnerpassuarnullu peqataasarluni
25. juli 2011

Taseraliup biilinut unittarfiata eqqaani Qeqqata Kommunia BMX-ertarfiliulerpoq. BMX aamma down hill-ertartoq Danny Dahl Sørensen, suliassatsinnut ikiorniarluta Sisimiunut tikilerpoq. Danny 13-inik ukioqarlunili BMXertalerpoq, unammiuaarnerpassuarnullu peqataasarluni. Juulip 30-ani København-imi BMX-inik nunarsuarmi pissartanngorniunnissamut peqataassaaq. Sisimiuni inuusuttut peqatigalugit BMX-ertarfissaq suliariariniarlugu, issartanngorniutereernerup kingunilaanngua Sisimiut aallassaaq.

Ikiiuussinnaasut tamaasa atorfissaqartippagut! BMX-ertarfissap suliarineqarnissaanut Illit ikinngutitillu ikiuukkusukkussi, taava Tamara-mut tahe@qeqqata.gl-imut imaluunniit oqarasuaat 867476-imut nalunaaritsi imaluunniit Teknikkimut Avatangiisinullu Immikkoortortamut aqqusaarlusi peqataaniarnersi nalunaarutigisiuk.

Sapaatip akunnera 31 tamaat ikiorneqarnissaput pisariaqartipparput, taamaakkaluartorli ulloq ataaseq ualikkulluunniit ikiuussinnaavutit, taamaattumik peqataaniarlutit nalunaarit.

Suliaq naammassippat, Danny peqatigalugu BMX-ertarfittaaq atoqqaarfissioqataaffigissavat. Danny tricks-inik takutitsissaaq, BMX-illaqqissinissamullu siunnersorneqarnissannut periarfissaqassallutit.