Sisimiuni Akiani najugaqarfimmi nutaami aqquserngit qanoq taaguuteqassappat

Sisimiuni Akiani najugaqarfimmi nutaami aqquserngit taaguutissaqartinneqanngillat. Taamaatumik innuttaasut kajumissaaqqippagut aqqusinernut tallimaasunut nassuiaataasinnaasunik aqqusinernut taaguutinik siunnersuusioqqeqqullugit.
21. september 2011

Sisimiuni Akiani najugaqarfimmi nutaami aqquserngit taaguutissaqartinneqanngillat. Taamaatumik innuttaasut kajumissaaqqippagut aqqusinernut tallimaasunut nassuiaataasinnaasunik aqqusinernut taaguutinik siunnersuusioqqeqqullugit. Nunap assingani uani aqquserngit aappalaartumik ersarissaaserneqarput.

Sisimiuni innuttaasunik ilisarimaneqarlulartut malillugit taaguusersorneqassappat, kalaallit pinngortitaat kusartoq malillugu nassuiaasersorneqassappat imaluunniit allarluinnarmiik? Illit siunnersuisinnaatitaavutit, kingusinnerpaamillu tallimanngornermi 2011-mi oktobarip 21-ani tusarfigerusuppatsigit. Siunnersuutitit email-ikkut uunga qeqqata@qeqqata.gl imaluunnit nalinginnaasumik allakkatigut Qeqqata Kommunia, Teknikkimut Avatangiisinullu immikkoortortaq, Postboks 1014, 3911 Sisimiut, nassiutissavatit.

2011-mi oktobarip 21-ata kingorna aqquserngit taaguutaat sorliit atorneqassanersoq kommunalbestyrelsi aalajangiissaaq. Siunnersuutaasut tiguneqartut ilaannit akuersissuteqartoqassappat, soorunami aqquserngup taaguutissaa siunnersuummillu ajugaasumik nassiussisuusoq www.qeqqata.gl aqqutigalugu tamanut saqqummiunneqassaaq.