Tusagassiutitigut nalunaarut Sisimiuni Nalunnguarfiup eqqaani sukisaarsaartarfimmi timigissaatinik atoqqaartitsineq

Tallimanngorneq septembarip 30-ani nal. 15.00 Qeqqata Kommuniani borgmesteri, Hermann Berthelsen, nalunnguarfiup eqqaani sukisaarsaartarfimmi timigissaatinik nutaanik atoqqaartitsissaaq.
29. september 2011

Tallimanngorneq septembarip 30-ani nal. 15.00 Qeqqata Kommuniani borgmesteri, Hermann Berthelsen, nalunnguarfiup eqqaani sukisaarsaartarfimmi timigissaatinik nutaanik atoqqaartitsissaaq.

Atoqqaartitsinissamut kommunimi atuarfiit, paaqqinnittarfiit innuttaasullu qaaqquneqarnikuupput, aammattaaq kommunip timikkut sungiusaasartua atortorissaarutit assigiinngitsut qanoq atorneqartarnissaanut siunnersuillunilu ilitsersuissaaq.



Takkuttunut tamanut kommuni naatitanik nerisassaqartitsissaaq.

Timigissartarfimmik atoqqaartitsinerup Sisimiuni Nalunnguarfiup eqqaani – Sisimiuni SUKISAARSAARTARFIIT, ineriartortitsinerup kingullersarigallarpaa. Ukiarmanna siusinnerusukkut tatsip eqqaani BMX-ertarfik, nerriviit angisuut issiavittallit, naatsiiviit pisuinnarnullu aqqut atoqqaartinneqarnikuupput. Timigissartarfimmik atoqqaartitsinermik illoqarfimmi timi atorlugu kulturikkut sunngiffimmilu qiterisaqarnissamik suli pitsaanerusumik periarfissiisoqarpoq.

Timigissarnerorusuppit?

Silaannarissumi timigissarnerorusukkaanni atoqqaartitsinermiluunniiit peqataanissannut periarfissaqanngikkaanni, timigissaasartoq ataasinngornermi oktobarip 3-ani nal. 16-17 aamma marlunngorneq oktobarip 4-ni nal. 19-20 sungiusaassaaq.

Unnukkut sungiusarnerit kikkunnut tamanut ammapput, aallarterlaanut, sungiussisimasunut, inuusuttunut utoqqarnullu.



Paasissutissat allat

Atoqqaartitsineq timigissartarfillu pillugit paasissutissanik allanik pisariaqartitsigaanni immikkoortoortami pisortaq Tamara Henriksen, Teknikkimut Avatangiisinullu immikkoortoq, oqarasuaat 86 74 76 imaluunniit e-mail tahe@qeqqata.gl atorlugit attavigineqarsinnaavoq.