Sisimiuni kulturikkut illorsuarmi nipilersuutit nuannersut eqqagassanillu immikkoortiterineq

Sisimiuni nipilersornemut ilinniarfiup suliniut nutaarluinnaq tallimanngorpat oktobarip 28-ani ammassavaa, nipilersuutinik, ataatsimoornermik avatangiisinullu akisussaaqatigiinnermik ataatsimoortitsisoq.

Tassami tallimanngornermi ualikkut nal. 16.00-ip 18.00-illu akornanni nipilersornermut ilinniarfik kulturikkut illorsuarmi Taseralik-mi nipilersorfimmik tamanut ammatitsissaaq. Atuarfiup atuartui arlallit nipilersorlutillu erinarsussapput, kisianni allat takutitserusuttut tikilluaqqusaakutsoorput.

28. oktober 2011

Sisimiuni nipilersornemut ilinniarfiup suliniut nutaarluinnaq tallimanngorpat oktobarip 28-ani ammassavaa, nipilersuutinik, ataatsimoornermik avatangiisinullu akisussaaqatigiinnermik ataatsimoortitsisoq.

Tassami tallimanngornermi ualikkut nal. 16.00-ip 18.00-illu akornanni nipilersornermut ilinniarfik kulturikkut illorsuarmi Taseralik-mi nipilersorfimmik tamanut ammatitsissaaq. Atuarfiup atuartui arlallit nipilersorlutillu erinarsussapput, kisianni allat takutitserusuttut tikilluaqqusaakutsoorput.

Ilutigitillugu elekronikkikunik, batterikunik eqqagassanillu saviminikunik kulturikkut illorsuup silaataani eqqaavissianut igitsinissaminnut periarfissaqassapput. Malitsigisaanik kommunip Teknikkimut Avatangiisinullu immikkoortortaqarfiata, eqqagassat illersorsinnaasumik igikkiartorneqarnissaat isumagissavaa.

Najoqqutassiaq nutaaq

Suliniummik nutaamik nipilersorneq eqqagassalerinerlu ataatsimoortinneqarnerigisut, qaammatit tamaasa tallimanngorneq allortarlugu taamaaliortoqartarnissaa pilersaarutaavoq. Eqqagassanik nalinginnaasumik eqqaavissuarmut tunniussisarnerup saniatigut, nipilersortitsisoqarnerit tamaasa nipilersornerni avatangiisitigut ingerlaavartumik suliniuteqartassaaq.

Nipilersortitsisoqarneranut aggiasoqarluartassappat, nipilersornermik ilinniarfiup aaqqissuussineq unnukkut aamma ingerlanneqartarsinnaaneranut annertusarniarpaa.

Paasissutissat annertunerusut

Tallimanngornermi aaqqissuussassamut nipilersornermilluunniit ilinniarfik pillugu paasissutissanik annertunerusumik kissaateqartoqaruni, nipilersornermik ilinniarfiup pisortaa Jacob Froberg oqarasuaat 86 64 60 atorlugu attavigineqarsinnaavoq.